Xxxxx

anniemiwow

睇完d post, 好有同感, 情況完全一樣, 感恩的是小學時期搵到位好補習老師, 今年中三16歲啦, 學校有要求, 所以repeat佐1年, 年年都係試升, 每年6月都好大壓力, 都想佢考dse, 亦有諗過台灣升學, 可以分享下台灣升學嗎?

Natronma

回覆 anniemiwow 的帖子

其實近年很多成績稍遜或Sen 生都有考慮台灣升學，台灣的融合做得比較好，接納程度較高，同埋有不同級數的大學可選，成績不太弱的可選排名較高的，成績弱的也有二三線大學願意取錄，可讀科目也較香港多，所以我覺得對sen 學生是一個好選擇。不過要獨立生活在另一國度，是很大的挑戰，我知有些未能適應的，退學了，但能遨得過的，是很好的學習機會，當然除非你讀最出名果堆大學，回來就認受性高，否則對台灣學歷不要抱太多期望，我是沒有期望的，只求他在過程中學習成長

long0

見到有人寫經歷
我不期然又想分享下
所有有SEN子女的家長
係必然辛苦的
尤其是對成績有要求的
但你估無SEN的又不會辛苦嗎
我識嘅SEN學生已經入咗三大
而且不是個別例子
因為同科亦有其他人有SEN
對SEN學生來説最重要是自信
和不放棄的精神
而這些都是家庭先可以教到
若果家長先洩氣
談什麼要打勝障
SEN做功課係要用三四小時計
做家長係會放棄好多興趣
默書係每天三四次計
都只會是合格
但付出多收獲也多
SEN考試的優勢是時間
你又明唔明時間係無SEN學生恨唔到的
一個唔放棄有時間的SEN
基本上係無不可能
又我見到有家長話讀障所以英文唔好
英文唔好並不是讀障至出現
全香港學生有幾多英文真係好
係香港讀障只係用中文評核
英文係第二語言
係人都要習慣先做得好
作為家長只有一些忠告

long0

SEN溫書同默書係勁長時間
不可能再分心於電話和電視
所以係學習時係全家禁
要陪養睇書習慣
就算係簡體字漫畫
睇上癮就可以睇睇金庸小說
搵間提升小朋友自信的學校
成日學生攞獎乜豬肉獎都有嗰D
學習時必有父或母在旁
有唔明可以即問
功課無論做到幾點都旁住
呢D方式崖12年
必有所成

lulumelody

係，sen小朋友要係主流讀，父母其中一個一定要陪讀。但12年真係好難行，真心respect你地，因為人有時會脆弱，好想放棄!

EKME

lulumelody 發表於 17-10-7 22:53
係，sen小朋友要係主流讀，父母其中一個一定要陪讀。但12年真係好難行，真心respect你地，因為人有時會脆弱 ...

我仔小四，我都教得好辛苦，很想放棄，但不可以！唉！

pamam

EKME 發表於 17-10-8 08:53
我仔小四，我都教得好辛苦，很想放棄，但不可以！唉！

幾辛苦也要涯下去呀，好多野好似原地踏步，但過了一排（可能甚至要幾年），就會明白之前的努力是沒有白費的！加油！

lulumelody

pamam 發表於 17-10-8 09:44
幾辛苦也要涯下去呀，好多野好似原地踏步，但過了一排（可能甚至要幾年），就會明白之前的努力是沒有白費的 ...

本帖最後由 lulumelody 於 17-10-8 10:17 編輯

真，放棄可以好容易，轉去讀特殊，大家都舒服。好多人覺得教出成績優異的父母好偉大，我地小朋友係主流讀係自私，只為自己，只潑冷水，真想放棄。但為了個仔，理智明白點都要努力涯下去。

pamam

回覆 lulumelody 的帖子

我兒是亞氏保家仔，P1時，因表達能力差，大小肌肉發展緩慢，開學1個月左右，班主任和SEN老師要見我，話如果聖誕前，他冇進步的話，建議他轉去特殊學校，好彩慢慢他就適應了，老師也就再沒有叫他轉校。

小學中學經歴了不知多少次傷心，失望，絕望，很多次都見不到出路，但涯下一年又一年，終於他也入大學了，而且是出國，我之前真係連想都冇想過，我想分享的是，就算今天你覺得他冇可能做到的事，覺得遙不可及，絕望，但上面那位自有安排，如果我們輕言放棄，那就注定失敗，衹要我們堅守做父母的崗位，愛護他，支持他，他一定會進步的，大家努力加油！

lulumelody

pamam 發表於 17-10-8 14:57
回覆 lulumelody 的帖子

我兒是亞氏保家仔，P1時，因表達能力差，大小肌肉發展緩慢，開學1個月左右，班主 ...

本帖最後由 lulumelody 於 17-10-8 21:37 編輯
其實睇依個post時，我都流着眼淚。仔仔剛入小一，真係好多困難。其實好多人唔睇好我仔仔，但做父母只希望比小朋友將來多一個選擇或多一點希望。好感激你的鼓勵，我會keep住依個post,當想放棄時會睇下，要繼續堅持!亦好認同你話'如果我地都放棄，就注定失敗'。係，社會已想放棄佢地，如果連做父母都放棄，無人會幫到佢地。

好開心你同樓主的小朋友已出外讀大學，明白 你地對小朋友的付出和承受的壓力，而你地的小朋友亦好叻，佢地亦付出不少。

irenelulu

睇呢個post 好有同感

kawaiiliz

睇住哩個 post , 心都暖暖的，有同路人真好，我仲有好多年行，女兒現在小五，成績很差，為揀中學的事情，很徬徨

cannie5313

pamam 發表於 17-10-8 14:57
回覆 lulumelody 的帖子

我兒是亞氏保家仔，P1時，因表達能力差，大小肌肉發展緩慢，開學1個月左右，班主 ...

感謝你的分享

奀茄媽

樓主好多謝你嘅分享，讓一眾SEN孩子嘅父母都看到希望，包括我 :)

我嘅兒子今年小五喇，因為腦疾嘅緣故智力比同齡慢大約2年。但感恩佢正慢慢康復中，我都開始為佢升中做準備喇！中英文是肯定不合格的，我都諗緊讓佢讀特殊定主流好。

雖然我都好頭痕，但就無話好唔開心，畢竟佢捱過了一段艱難嘅日子，學習是一生的，而家讀唔到，唔代表佢呢一世都無學習能力。SEN需要嘅其實係時間、耐性和父母嘅愛。大家都要加油啊！

petpetmilkmilk