五、六年級音樂和視藝科

asweetmom

greentea000 發表於 17-9-5 15:56
佢本身學開琵琶，今年繼續學。但如果今年成績唔達標，下年好可能只係為左呈分試私補音樂科。唉！
...

可以考慮明年去音統處學呀，但是琵琶的成功率不高，比較熱門。

little_yolky

greentea000 發表於 17-9-5 17:02
只知佢已經考左少年及兒童聲樂二級，其他唔知，我係音樂盲。

琵琶同聲樂都唔駛睇譜, 琵琶係簡譜, 聲樂可以記熟個旋律唔睇譜都得, 好彩我兩個都有學鋼琴啫。

little_yolky

IloveJJ 發表於 17-9-5 12:47
視藝我又無介意搵人教，不過係諗，上堂之前做一次/畫一次，係咪好方法啫!
...

我哋一般堂課唔會一堂搞掂, 一畫就畫幾堂。阿女會由構思開始同我一齊商量, 咁我會俾D意見、主題引導下佢, 佢自己再發揮。好似舊年有一個功課, 要設計波鞋。阿女同我不斷討論, 佢想要D古典題材, 咁啱佢果排睇緊七夕本書, 咁我就提議佢畫牛郎織女, 佢一隻畫牛郎, 一隻畫織女, 然後兩隻波鞋用鵲橋連貫住, 雖然响街見到你唔會買, 但畫出嚟好靚, 有創意丫嘛, 視藝都係考呢D啫。

jaycee_mami

請問小五音樂呈分一般是考什麼?

如果無學過鋼琴, 只是學過其他西樂, 4級程度, 夠唔夠用呢?

little_yolky

IloveJJ 發表於 17-9-5 15:29
我扒文見，呢度有資深網友係俾仔女去琴行學5級樂理的。

其實樂理上堂老師有教, 仲要出去學? 你哋考得好深嗎?

我哋音樂會預早派考試範圍, 所以有得準備的。視藝就好好, 舊年嚟咗個新老師, 理論派, 專科專教, 俾分好鬆手。其實視藝呢家嘢, 就算無乜天份, 老師都係睇你做得馬馬虎虎, 定係好努力咁做啫。靚唔靚就好主觀, 但馬唔馬虎就好客觀。

greentea000

jaycee_mami 發表於 17-9-6 09:29
請問小五音樂呈分一般是考什麼?

如果無學過鋼琴, 只是學過其他西樂, 4級程度, 夠唔夠用呢?

每間學校唔同，盡快打聽自己學校做法，再對症下藥最實際。

greentea000

little_yolky 發表於 17-9-6 09:15
琵琶同聲樂都唔駛睇譜, 琵琶係簡譜, 聲樂可以記熟個旋律唔睇譜都得, 好彩我兩個都有學鋼琴啫。 ...

今朝打聽到音樂科呈分試: 牧童笛演奏30%，唱歌/樂器演奏（不包括牧童笛）30%，筆試30%。改變計劃先

pocoyo123

音樂通常會分開比分, 50%唱歌, 20%牧童笛, 20%筆試(樂理), 10%平時分, 所以, 考試練下首歌, 吹下笛, 平時交齊功課, 70-80分一定有, 而且樂理唔深, 教過考課文溫下一定識, 9字頭好易有, 放心

little_yolky

greentea000 發表於 17-9-6 10:52
今朝打聽到音樂科呈分試: 牧童笛演奏30%，唱歌/樂器演奏（不包括牧童笛）30%，筆試30%。改變計劃先:winner ...

仲有10分呢? 我哋仲要加唱歌。

greentea000

IloveJJ 發表於 17-9-6 10:57
點解要改變計劃呀？因為筆試佔好少?

改為 :
1.揾人教埋樂理
2.反正有樂器演奏要考，咁保留琵琶，學開佢又喜歡

little_yolky

pocoyo123 發表於 17-9-6 10:53
音樂通常會分開比分, 50%唱歌, 20%牧童笛, 20%筆試(樂理), 10%平時分, 所以, 考試練下首歌, 吹下笛, 平時交 ...

我哋要9字頭相當困難, 因為牧童笛、樂器、唱歌、節拍、平時分, 各佔20, 老師俾16分已經皇恩浩蕩, 好少俾17分, 何況18分, 之前仲有筆試拉一拉, 不過節拍都可以搵滿分的, 但幾好一般都只有85分, 90分十分少了, 不過得75分或以下都好大鑊, 因為大部份人都係80分。

greentea000

little_yolky 發表於 17-9-6 10:59
仲有10分呢? 我哋仲要加唱歌。

10%係音樂會報告，專題/聆聽報告

呢部份我想佢自己努力

little_yolky

IloveJJ 發表於 17-9-6 10:58
唱歌50%既話，對嗰啲五音不全又細膽既人，係好難架!

最麻煩係一定要揀音樂書入面D歌仔, D歌仔又唔好聽, 國歌又唔俾揀。

little_yolky

greentea000 發表於 17-9-6 11:04
10%係音樂會報告，專題/聆聽報告

呢部份我想佢自己努力

咁好既, 音樂都有報告做。

greentea000

IloveJJ 發表於 17-9-6 10:58
唱歌50%既話，對嗰啲五音不全又細膽既人，係好難架!

我就係破音，一早就要練定考試歌，唔係就俾音樂拖累入唔到三甲。

pocoyo123

我地都係課文的歌, 兩首自己簡一首唱和吹笛, 有D歌係民嗂和兒歌, 成日聽到, 唔難