除咗為了考小一，識字係咪咁好？

siumicmic

kbi 發表於 17-8-21 17:02
如果小朋友生活(emoji)只有認字，認字和認字，可能會。但如認字只是生活中的一環，如生活中仍有玩玩具、去 ...

呢啲我哋有成日做，認字就只跟幼稚園學的，無另外訓練。我都有培養佢哋閱讀嘅興趣，佢哋鍾意睇書，不過睇嘅都係圖多字少的

momama

C6 傳統學習出生，99要佢每日温習抄寫，小時除咗睇書冇乜活動，現職創作總監

Soundervolt

momama 發表於 17-8-21 21:25
C6 傳統學習出生，99要佢每日温習抄寫，小時除咗睇書冇乜活動，現職創作總監

...

6至70年代出生既人正是填鴨式教育傳盛時期，但最諷刺嘅就係呢一代亦出產唔少創意非凡嘅廣告創作人……

siumicmic

wtyedu 發表於 17-8-21 17:52
我認為認字冇問題，但唔使寫，背，默。小朋友的大腦係海棉，會吸收外界對佢的剌激，然後發展/連接突觸。突 ...

我對呢方面嘅認知同你一樣，突觸嘅發展係好重要，一歲前係最活躍，越多刺激突觸越多，跟住三歲前都仲有發展，但會慢落嚟，之後就再慢啲少啲喇。突觸越多腦細胞嘅聯系網絡越複雜，腦嘅轉數就越快
我係擔心側重刺激訓練左腦，會此消彼長，相對令右腦嘅發展減少咗

momama

Soundervolt 發表於 17-8-21 21:52
6至70年代正是填鴨式教育傳盛時期，但最諷刺嘅就係呢一代亦出產唔少創意非凡嘅廣告創作人……
...

99仲要佢乜書都背默！作為搞創意嘅人，C6嘅意見係冇得教嘅 ，重點係乜都去接觸，多時間去胡思亂想。套用係呢個年代，就係唔好全日安排不停嘅學習、活動及娛樂，唔好成村人去招呼啲細路，佢哋要有自己嘅私人時間及空間，要識得喺悶嘅時候諗啲搞作去娛樂自己。

wigg

我覺得認字都需要小朋友ready才行。我由小跟小兒陪讀，嚟緊升小一，仲係文盲！唉！只望佢他朝有日會對認字有興趣！

siumicmic

當然，每個年代不論有否受現代正規嘅教育，或何種方式嘅教育，都會出到有創意嘅人，古時就有中國四大發明。只係，邊個教育方式，整體上創意會高啲。
馬雲和誠哥六歲時識嘅字應該唔會考到現代嘅直私小一

我唔係為拗而拗，只想持開放態度睇吓大家意見

Soundervolt

momama 發表於 17-8-21 22:43
99仲要佢乜書都背默！作為搞創意嘅人，C6嘅意見係冇得教嘅 ，重點係乜都去接觸，多時間去胡思亂想。套用係 ...

無錯!所以小朋友要有時間發白日夢，要多尐時間接觸身邊事物。我亦反對小朋友年紀太小去上美術班，唔少畫班因為要取悅家長，俾錢學畫畫要見效果，甚至為咗去比賽、攞証書為考學校，所以衹著重技巧而忽略創意。其實小朋友畫火柴人冇問題(因為技巧可以遲些少學)，畫乜野嘅內容同表達手法先至最重要!

siumicmic

W_cindy 發表於 17-8-21 17:10
我覺得分唔同階段: 對2,3歲小朋友而言，記住一個字需要花很多時間，對於他們認識世界比認字重要；而對4,5歲 ...

好認同你嘅講法，但係如果要考直私，或順利銜接大部分學校嘅小一課程，認字好難只係學習嘅其中一小部份

siumicmic

wigg 發表於 17-8-21 22:56
我覺得認字都需要小朋友ready才行。我由小跟小兒陪讀，嚟緊升小一，仲係文盲！唉！只望佢他朝有日會對認字 ...

每個小朋友嘅發展唔一樣，佢總會識字的
或者佢嘅強項係一啲同文字無關係嘅事呢，唔使愁喎

KikiDaddy

There is no contradiction at all. Learning vocabulary is just a mean to help developing reading habit and reading is a tool for encouraging imagination.

There are many interesting fiction and non fiction books for kids. Some are in fact very good self learning resources.

wigg

siumicmic 發表於 17-8-22 01:23
每個小朋友嘅發展唔一樣，佢總會識字的
或者佢嘅強項係一啲同文字無關係嘅事呢，唔使愁喎
...

對，他就是天馬行空，想像力極豐富那種！本地直私無一間收，反而國際學校就收！所以就算大抽獎抽中第一志願，現在還是選了國際學校！

HaYi

創意需要輸入data變化.識字有助閱讀書本增加輸入元素.太多的規會限制創意，多input 反而會刺激創意，兒童腦部發展剛起步，冇可能因学多左文字而影響一邊.

另其實大D仔用有D flash 有埋資訊，同flash 字的有分别

mimi222shi

自己小朋友從小喜歡認字, 性格活潑, 幼兒時已追住我伴讀, 每天數小時, 好細已能自行看小說, 到小學仍然書不離手.

但佢從不喜歡睇漫畫, 覺得好花好亂.

創意方面, 作文可以天馬行空.
但畫畫方面, 可能遺傳左我, 無天份和興趣.(另一半畫畫好有天份, 有好多獎項)

我完全睇唔到早認字有影響創意, 只知道閱讀習慣(認字係條件之一)應盡早培養, 否則上小學開始忙, 好難培養了.

scgift

阿女9月升k2, k1時我就有關認字方式問過學校主任。當時主任話小朋友仲細，應該係字+圖咁一齊去記。有同學仔好勁，只用冇圖字卡認到好多字，主任就話呢種方式唔好，話右腦發展同創意會冇咁好。不過主任話k2開始就可以唔睇圖去認字喎。

我自己幫阿女認字係睇有圖字卡+基礎漢字500，過程係先睇圖再認字。就算唔係為考學校，升小一識字唔夠既話絕對會好大問題。而認字有不同方法，揀一套你認為可接受既去用吧。

ChocoMilk33

babyaabb 發表於 17-8-21 18:47
國際學校中文當然冇咁深，但英文要寫 journal , spelling 及 grammar 或者唔係一定要啱，但也要寫到嘢出來 ...

對呀!   其實國際學校也不是完全不用寫字，只是老師不執著串字及文法的錯對。

mimi222shi

適當壓力有時會係推動力

有時也要睇返自己小朋友喜好, 唔係你想佢認字就認到.

身邊有唔少朋友都買大量圖書從小伴讀, 但有些小朋友只愛看圖, 不肯認字.

小曳人

認字，唔一定係閃咭，我個人覺得認字係閱讀嘅入門

最終目的唔係為考小一，而係終身學習

siumicmic

momama 發表於 17-8-21 22:43
99仲要佢乜書都背默！作為搞創意嘅人，C6嘅意見係冇得教嘅 ，重點係乜都去接觸，多時間去胡思亂想。套用係 ...

"作為搞創意嘅人，C6嘅意見係冇得教嘅 ，重點係乜都去接觸，多時間去胡思亂想。套用係呢個年代，就係唔好全日安排不停嘅學習、活動及娛樂，唔好成村人去招呼啲細路，佢哋要有自己嘅私人時間及空間，要識得喺悶嘅時候諗啲搞作去娛樂自己。"

謝謝你(及你先生)的分享，加強了我的想法

另，想問問你先生是否在大家庭長大？