考直私小：津幼+外補 vs 私幼

retriever

Sailor-Moon 發表於 17-8-8 23:42
請教各位經歷過考小一的家長：

眾所周知，私幼考直資私小勝算比津小高好多

絕對唔認同。

細路學野最好生活化。

出面學，市場推動，迎合客仔，一定係啖啖肉。

做唔到幼稚園浸既效果。

retriever

anpanman_baby 發表於 17-8-9 12:22
我身邊的朋友大部份私幼+外補，例如有KV的話中數強所以外補英，York 的英文強所以外補數，得出結論普遍宜 ...

結論而家咩嘢類型幼稚園大部份人外補，唔等於外補有用喎。

meowloo

只要家長有心做，我相信學券+外補（或家長自己跟）+管教一定有私幼效果。

始終讀私幼而零直私offer的也有人在，所以我覺得重點在於家長是否用心了解小朋友的特質和需要並懂得協助，而不是盲目花錢去勞役子女。

anpanman_baby

retriever 發表於 17-8-9 12:52
本帖最後由 retriever 於 17-8-9 12:53 編輯

結論而家咩嘢類型幼稚園大部份人外補，唔等於外補有用喎。 ...

我認同呀

mcl203

原來做私幼會好咁多，唔怪得當年間港島區咁受歡迎既KG，被學卷左後被家長嘈到加番幾舊水，去脫離學卷幼稚園眼光，做番私幼從而提高學術水平~~~

whitepurin

meowloo 發表於 17-8-9 12:52
只要家長有心做，我相信學券+外補（或家長自己跟）+管教一定有私幼效果。

始終讀私幼而零直私offer的也有 ...

其實係嘅, 但名私幼(要重申係名嗰D), 始終有名牌效應, 唔係話實掂但點都有D著數, 正如一個FRESH GRAD搵工, 面試表演當然重要, 但三大畢業一般而言總比其他本地大學較有勝算, FRESH GRAD尤為重要因為無其他往績工作表現去參考.

以我所知某較新進名幼(其實都好多年, 叫相對九龍塘嗰D), 直頭"嵌入式"課程安排已經有埋面試班咁, 又安排埋學校參觀, 咁比起家長自己勞心勞力教梗係方便D.

我個人都覺得唔係必需嘅, 我自己小朋友讀一般津幼都SO FAR SO GOOD (當然考小一時都有D FRUSTRATION), 亦覺得學習漫漫長路, 頭幾年谷到好似好叻也不代表什麼. 不過如果樓主以入直私名校為目標, 錢又不介意的話, 咁有得揀梗係揀名私幼.

retriever

mcl203 發表於 17-8-9 12:55
原來做私幼會好咁多，唔怪得當年間港島區咁受歡迎既KG，被學卷左後被家長嘈到加番幾舊水，去脫離學卷幼稚園 ...

做學卷，教局有要求同限制。

跟轉直資類似，有幾間知名幼園轉非學園，唔想政府攪攪震。

meowloo

whitepurin 發表於 17-8-9 13:17
其實係嘅, 但名私幼(要重申係名嗰D), 始終有名牌效應, 唔係話實掂但點都有D著數, 正如一個FRESH GRAD搵工,  ...

我覺學校面試主要係透過幾輪面見去identified一班有能力跟上課程及性格合適嘅學生；部分會再睇家長取態後決定，而唔係考慮佢讀緊邊間幼園；不過，某幾間學校的確係對某幾間幼稚園有偏好，但唔佔多數。

如金錢、時間、交通許可而又有offer，讀亦無妨。至少名幼在叩門階段較有優勢，而且這些學校對考小一直資私校的支援亦較充足。名牌效應我覺得會有，但不會是我地普羅大眾去考呢類，而係另外某三數間門檻甚高的幼稚園。

HK-MAN

meowloo 發表於 17-8-9 13:48
我覺學校面試主要係透過幾輪面見去identified一班佢地想要嘅學生，部分會再睇家長後決定，而唔係考慮佢讀緊 ...

想考入果幾間名幼讀,機會應該低過考直私小一...

whitepurin

剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔配方, 但話完全無關就太巧合了.

Monstereasy

whitepurin 發表於 17-8-9 15:51
剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔 ...

我又巧合認識幾位有神校offer朋友，媽媽都有博士學位。
想子女入神校，媽媽可以考慮進修下

lovececing

你就算攞同樣學費去外補，其實都好難同私幼去比，因為人地係每日返學嘅時間都係英普咁，你出去外補咪最多個半鐘

assado

Sailor-Moon 發表於 17-8-8 23:42
請教各位經歷過考小一的家長：

眾所周知，私幼考直資私小勝算比津小高好多

考直/私要入圍, 其本條件是中, 英, 數要好, 所以, 私幼語文環境較好, 較有優勢。其實, 私幼好多都仲要外補加強。

whitepurin

Monstereasy 發表於 17-8-9 16:24
我又巧合認識幾位有神校offer朋友，媽媽都有博士學位。
想子女入神校，媽媽可以考慮進修下
...

其實絕對不是想神化名幼的功效, 反而只是想講, 也不要太神化學校選人的能力, 很TOP的, 固然很容易發現, 但一般5歲人仔, 真的會有咁大分別嗎? 對一眾中上的學生, 我相信學校點都會睇讀邊間.

而特別是在職媽媽, 返屋企食埋飯最早都已經7點幾, 而返工也有累的時候, 有時真的未必咁多心力去額外TRAIN UP個小朋友, 所以交一部份比學校(注意是一部份, 家長一定有更大責任), 都係無辦法之中的辦法.

我自己正正是經歷過, 在職媽媽+津幼+外補, 條路一D都唔好行. 不過, 呢個只係講緊小一考直私呢關啫, 如果放遠D睇就確實不是必要.

retriever

whitepurin 發表於 17-8-9 15:51
剛巧我認識一班同年的媽媽中(10個左右), 入到名直私的 (雖然不是最名嗰D), 全是名幼+FTM, 我認同不是包生仔 ...

公道D 講句，歷史悠久既名幼唔係流既，唔係得個名。家長長年支持總有原因。

同樣地，FTM 都唔會係只得個名。

如果做FTM 只係當自己係MANAGER，全程外判，又或者當自己係菲傭姐姐或者長老咁，只管吃喝拉撤，咁FTM 亦係個空名。

scgift

retriever 發表於 17-8-9 17:59
公道D 講句，歷史悠久既名幼唔係流既，唔係得個名。家長長年支持總有原因。

同樣地，FTM 都唔會係只得個 ...

我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是FTM既媽咪成日同我講應該要幫個女轉校，由津校轉去私幼+"瘋狂"外補以增加考到直私既機會。成日話自己教唔到幾多，人地私幼/外補機構有晒教材配套，效果一定比自己教來得好喎。

重點係:我唔一定要個女考入直私小學，只係抱住考到就唔錯，考唔到都唔緊要，當攞定經驗之後去叩門，叩唔到都唔係世界末日。唔明白何解我按住自己小朋友步伐去施教，旁人都要說三道四多多意見。一時話你小朋友天資好，唔谷行佢考直私就佢浪費左佢，一時就話你自己教雖然係教得好好，但俾佢返私幼+外補個效果一定會比你自己教來得好…救命!

whitepurin

scgift 發表於 17-8-10 08:43
我鍾意自己一手一腳教自己個小朋友。覺得自己有能力而小朋友又鍾意我教，完全冇必要外判。但偏偏就有同是F ...

重點確是1）自己有無心力；2）是否一定要入直私名校。有心力，一定自己教最好，外補不會tailor-made, 唔自己跟進其實讀來都無咩，不過語境始終未必自己做到。另一方面如果以名校為目標，當然讀深d好d, 正如其他人説，根本好多人係私幼+外補，如果要同人爭就何必自己令自己處於下風，除非錢是問題。