關於一級的津校

Soundervolt

novelle 發表於 17-8-4 17:27
神津應該有勸退？有冇人可以證實？

津校明示或暗示勸退學生都係觸犯法律。身為學校，貴子女讀唔掂亦犯唔著冒住犯法既風險勸退學生，由得佢成績差落去都唔揾過另一間適合既學校，損失既會係邊個？如果老師主動揾家長討論學生成績問題，又唔又有家長會認為學校暗示退學？

1998Ruby1998

我係 St. Mary's 大抽獎，讀德雅幼稚園（已執），冇特異功能。班上面 33 人（依家小班，變 2X 人）30 個都係讀 Kentville、St Cath，得小部份係德雅／其他。

我唔係一條龍，係最後一屆考入去。我果屆 120 人，得 83 人入到（當中 2 個叩門），其他人校長寫推薦信入聖家，不過都有唔少入選擇入顏寶玲，朋友考 81-120，本來派劉皇發，但係之前面試已經入左聖馬可。

勸退係真有其事，只不過係冇直接講而已。以前朋友家長日日畀老師投訴，話「佢又考....」、「咁樣會讀唔上」、「不如重新考慮一下我地學校適唔適合女女...」。朋友臨退學前一起去玩，佢爸爸喊住同我阿媽講，學校日日咁打電話，好大精神壓力，頂唔順要走。我認識嘅同學但中起碼 7-8 個人「自動退學」。

派考試卷先最恐怖，老師嘅表情動作會出賣同學同自己大約幾多分。如果係 75 分樓下，個老師會「黑臉」「怒睥」，係同學面前「揚」份卷表示不滿，甚至會解卷完之後捉同學出去訓話，到打鐘落堂為止。

以前小一我考 93 分已經排全級一半，依家一條龍 80 分都可以一半。一條龍間接令到學校質素下跌，因為唔需要再追成績，100% 直上中學，冇咁大壓力，就算考試有一科唔合格都未必有老師打電話投訴（以前一定被說服「自動退學」）。

我地又冇「教淺出深」呢個問題，不過係真係多陷阱到爆炸，如果小朋友係粗心大意就死得（我係 careless mistake 高手）

例如呢題：

1. He likes _____.

A. To eat
B. eating
C. Ate
D. is eating

唔好以為 A 同 B 同樣可以有分，得 B 先有分。點解？因為 likes "T"o eat 錯（大細階分別），所以 B 先係正確答案。

仲會成日出 “Which of the following is not false/ not true?”、Mark True with O and False with X 等黎混淆視聽，根本就唔係考知識...

kwokbobo

Yanamami 發表於 17-8-4 17:55
上中学部都係85%到(St mary's除外)，唔得果d如果唔係中途走咪升中時会走……

佢如果無走又唔達標，咁應該會影響升中的結果，但佢哋升中chart大部份都好好

wongtw

回覆 1998Ruby1998 的帖子

中游龍校就算不呈分，到升中時又走一批人，好學生揸住份成續表一樣入到名中，所以中游龍校近年成續不亮麗‘·，其他學校都唔再講搞接龍問題。

Mrs.Luckycat

1998Ruby1998 發表於 17-8-4 22:23
我係 St. Mary's 大抽獎，讀德雅幼稚園（已執），冇特異功能。班上面 33 人（依家小班，變 2X 人）30 個都 ...

你講嘅「黑臉」、「怒睥」好傳神！
唔知有無其他神津嘅料爆吓呢？

pbhe

Mrs.Luckycat 發表於 17-8-4 23:21
你講嘅「黑臉」、「怒睥」好傳神！
唔知有無其他神津嘅料爆吓呢？
...

對啊!某些地區一線津小教學我巳領教過，直私神校拜訪過也真的很神，唯獨神津我真的無法想像他們的何等特異功能，秘技去提昇表現參差的學生!

1998Ruby1998

回覆 Mrs.Luckycat 的帖子

我淨係暑假同小學生補英文，知係知道大概十幾間學校英文程度如何，唔知具體其他學校老師同教學點 。學生所屬學校嘅料就唔會爆咁多，免得呢度家長見到

Mrs.Luckycat

1998Ruby1998 發表於 17-8-4 23:47
回覆 Mrs.Luckycat 的帖子

我淨係暑假同小學生補英文，知係知道大概十幾間學校英文程度如何，唔知具體其他 ...

呵呵，我估jm妳好快收到好多pm！

wtyedu

1998Ruby1998 發表於 17-8-4 22:23
我係 St. Mary's 大抽獎，讀德雅幼稚園（已執），冇特異功能。班上面 33 人（依家小班，變 2X 人）30 個都 ...

請問你如果有囡囡會唔會都比佢讀 St. Mary's 呢？

wskngai

archie1728 發表於 17-8-4 18:48
據我所知，LS係其中一間教淡考深既神校，所以大部分學生都會進補~

但我想補充: 我唔相信呢個世界有咁多不 ...

我仔只讀咗一年可能唔夠全面，但呢一年一D都無教淺考深。小一就係教小一書，考嘅亦一樣。只係科數學係考試答題速度有D挑戰性。
不過有D家長話小三小四左右就會對D仔有高D嘅要求。

1998Ruby1998

回覆 wtyedu 的帖子

視乎我有冇錢同埋女女性格同資質。
如果我個女係 OK 聰明，肯聽指令同埋坐得定嘅，一定會畀佢讀。不過如果好似我咁，古靈精怪、多野講、上堂坐唔定、過分積極答問題、識嘅課題就唔會聽書做自己野，我就未必畀佢讀。自知學校最唔鍾意呢類學生，老師鍾意坐係度一碌木咁嘅學生多過呢 d 積極活潑嘅學生。阿媽小學到初中年年收到投訴，風紀成日因為 d 小事而集名，我自問冇咁大勇氣年年家長日畀老師話，都唔想個女因為咁樣而畀老師話／畀風紀集名。好彩依家冇曬 d 舊老師，新老師多數對咁嘅學生相對有耐性同愛心，而且校風的確夠純樸、低調，認識咁多人，好少出現「曬命」、「白鴿眼」嘅家長／同學。

小曳人

津校明示或暗示勸退學生都係觸犯法律。身為學校，貴子女讀唔掂亦犯唔著冒住犯法既風險勸退學生，由得佢成績差落去都唔揾過另一間適合既學校，損失既會係邊個？如果老師主動揾家長討論學生成績問題，又唔又有家長會認為學校暗示退學？

樓主，回應quoted, 我以第一身身份講：老師甚至社工都認為阿仔响度唔開心，建議轉校  
但佢地唔係代表學校講，我無受到壓力
亦因為太趕，轉唔走，好大可能再讀兩年，甚至8年

神校都係學校，每個孩子/家庭都唔同，如果唔適合但強行留低，後果自負 (走唔甩都無計)

至於教淺考深，我細仔資質普通，可以應付
大家可比較一下，港島某女校(出名教淺考深)一般最高分係9字頭8字尾
LS一般情況有差不多一半人85分以上，最高分係96以上，有人平均分99.x

siden

小曳人 發表於 17-8-5 07:59
樓主，回應quoted, 我以第一身身份講：老師甚至社工都認為阿仔响度唔開心，建議轉校  
但佢地唔係代表學校 ...

我覺得，佢讀港同/真道/CKY/甚至國際學校，發展會更好。男拔未必最適合，但也會比現校好些。

純粹估計/直覺。

Yanamami

kwokbobo 發表於 17-8-4 22:38
佢如果無走又唔達標，咁應該會影響升中的結果，但佢哋升中chart大部份都好好
...

升中走左－d, 中学中途亦有d去外国升学~再唔係DSE亦唔算考得好好~我老友女，小学天神中学SMCC. 今年DSE best5 只係23分，边緣人呀~反而我女地区band1有28. 上到中五中六，全民皆補禁滯，学校當然有影响，但我真心觉得学生本質(生源)，有幾努力同成班人个讀書氣氛(可能呢个亦係名校成績好既其中－大原因，正所謂物以类聚)好紧要~

B.B.BaBa

學生唔急，老師唔急，家長往往係最急果個，少少風吹草動d 家長就會搞好多野。補習社、私人補習、native english teacher、普通話為母語的老師、暑假去外國去內地上 short term course....... 而家資訊發達，d 家長群組成日都係講補習、補習同埋補習，所以邊度補習好唔問都知道。最有趣係有d名列前矛的學生，不斷有同學、同學嘅父母走來問在哪補習？係唔係科科都要補？溫習的方法？有 d 人仲係問完一次又一次，問完學生又問番人地阿媽，萬一見到人地阿爸又問一次，睇你全家人前前後後的口供係唔係一致，驚死你係唔願過料唔講真話......

siden

Oscar1038 發表於 17-8-5 08:59
借問聲，今年SMCC DSE 成績是否好差呢？

Jupas 星期一放榜

今年DSE係SMCC第一年一條龍産物，係差過上年唔係一條龍啦。至於DSE差唔差或有幾差...

https://www.edu-kingdom.com/forum.php?mod=viewthread&tid=3483178&extra=page%3D1

自己睇吓

Soundervolt

小曳人 發表於 17-8-5 07:59
樓主，回應quoted, 我以第一身身份講：老師甚至社工都認為阿仔响度唔開心，建議轉校  
但佢地唔係代表學校 ...

您講大曳人或小曳人?如果大曳人插班唔應該係能力問題喎，係唔係其他問題?阿仔讀咗咁多年，有尐成績差到無倫既（LSPS有對學生補底，但默書、測驗仍然得十分八分）仲一路讀到畢業，最終當然過唔到馬路，但以我所知學校又未至於要諗辦法令佢地離開，不過我之前講過，無論係唔係神校，如果學校唔適合學生，勉強留低，損失喺衹會係學生本身。

Yanamami

Oscar1038 發表於 17-8-5 08:59
借問聲，今年SMCC DSE 成績是否好差呢？

我唔係SMCC家長答唔到呢~~只知我老友个女－个考成点~