小一 小朋友成績很差。中英數常都唔得。如何幫她？

MrBeast

Jane1983 發表於 17-7-25 17:53
同意大家建議，帶小朋友check吓，確保無特別需要額外關注的問題先。

跟住，無其他橋，就係樓主和亞女好好 ...

其實據統計大概10%是讀寫障，我自己和另一網友exhibit 些symptoms 最後評估都negative，除非真是好大問題，otherwise 我不會first assume 有學習障礙，當然想快找出弱項和合適的訓練，找職業治療師看看也無防。

little_kid

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

我小朋友小一都係一樣。

我小朋友幼稚園寫字大大格。  小學細細格， 而且字多筆劃， 所以覺得難寫。 我唔要求佢寫得靚或寫在格内， 只要清楚就得。 無壓力下寫字會較願意寫。

考試唔睇題目， 可能係佢唔識啲字所以估， 或佢一睇格式以為問某類問題， 試了解原因。

寫字多一筆少一筆， 我小朋友都係。默書時我做字卡，將生字放大， 佢容易錯的筆劃用紅筆劃， 拆字。 EK家長教了我很多有用方法。 佢記英文字較弱， 亦最無心記。我同佢玩遊戲抽字卡默生字，佢有心機温過照書默。 生字組組記，每次記二三個字生，記好默好呢一組再記下一組， 記好下一組，要重覆默返上一組。 其實好花時間， 人地2個鐘温完，我小朋友花要4-5個鐘。

做功課要有大人督住先做， 我小朋友都係咁。 小二我放手唔跟佢功課， 佢有唔識問我，我先教佢。 功課俾老師改完我先教返佢。 小二初確實成日做漏，做錯，無做， 俾老師寫手册， 話無責任心， 操行分都有影響。 唔知係寫得多，定大個識諗左， 佢小二後期有改善。

happiemm

我提議俾佢睇中英文卡通，要有字幕，最好迪士尼果啲，因為佢啲卡通一出，通常跟手有出埋故事書，仲唔同深淺程度都有，好周到，一年班好細，大把時間追，首要任務係陪養閱讀興趣，以後幾十年都有冇，功課一時三刻搞唔搞，不用太緊張，大不了留一年

planetearth

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

才小一，小孩這種程況很普遍。不要鬧，越鬧她越緊張，越緊張就甚麼都不入腦。小一時小孩子是適應期，最容易焦慮。家長可以按孩子的進度， 把學習拆细，逐點逐點教，令她輕鬆接受。
試下買塊白板掛在牆上，同佢玩寫字。

kelly6688

little_kid 發表於 17-7-30 18:19
我小朋友小一都係一樣。

我小朋友幼稚園寫字大大格。  小學細細格， 而且字多筆劃， 所以覺得難寫。 我 ...

謝謝分享您的經歷 (emoji)‍♀️

kelly6688

planetearth 發表於 17-7-31 10:12
才小一，小孩這種程況很普遍。不要鬧，越鬧她越緊張，越緊張就甚麼都不入腦。小一時小孩子是適應期，最容 ...

Thanks

kelly6688

happiemm 發表於 17-7-31 09:00
我提議俾佢睇中英文卡通，要有字幕，最好迪士尼果啲，因為佢啲卡通一出，通常跟手有出埋故事書，仲唔同深淺 ...

Thanks

kelly6688

MrBeast 發表於 17-7-25 19:08
其實據統計大概10%是讀寫障，我自己和另一網友exhibit 些symptoms 最後評估都negative，除非真是好大問題， ...

Thx

kelly6688

回覆 babywoman 的帖子

請問你之前有請私人補習還是去補習班嗎？ 還是家長自己跟好d?Thanks

kelly6688

回覆 little_kid 的帖子

咁你小朋友有去補習班或請私人教嗎？還是自己教有進步？thanks

little_kid

kelly6688 發表於 17-8-2 12:31
回覆 little_kid 的帖子

咁你小朋友有去補習班或請私人教嗎？還是自己教有進步？thanks  ...

我小朋友無出外補。 佢學校無教快教深， 我見小一小二課程唔太深， 所以我自己跟。

我小朋友唔係聰明，英文方面仲好弱添， 在外補一星期一堂仲要每堂得一小時， 對佢應該無咩幫助。 自己教反而知道佢邊方面較弱， 上來EK 問問，取下經，對症下藥仲有效。

bestwish

首先, 快D去 check下囝囝是否有學習障礙, 例如讀寫障礙...

little_kid

kelly6688 發表於 17-7-24 18:06
回覆 babywoman 的帖子

謝謝您寶貴經驗, 因我要返工.所以之前都系俾她去功課班,但是她很怕個補習老師. 成 ...

補習完成績都未如理想， 補習老師有無講到係咩原因？

babywoman

回覆 kelly6688 的帖子

小一學phonics ,學咗大半年，一對一，仔覺悶，停咗。
小二跟英籍老師小組，上咗兩年多啲，出發點只為有個鬼同佢講下嘢，聽下嘢 ，用英國教材。與補grammar 時間上有衝突，小四下學期開始停咗。
小四下學期開始跟我以前的英文老師補grammar （ 小組）。以上都係一星期一堂。

我就覺得如果單靠呢種一星期一堂，好難會令語文突飛猛進，主要還是靠小朋友及家長 跟緊啲。

中文及數學都冇外補。

lui

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

你可以試俾佢上青田辦的中文字口訣班，上七堂，可改善中文字難記的筆劃。

王家爸爸

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

應該需要揾出原因，點解會抗拒寫字、讀書，例如係唔係小朋友既手部肌肉未發育好，所以寫字會痛？

mytambb

kelly6688 發表於 17-7-24 17:16
1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。 ...

老實講，你係醫生群组問人感冒點醫，佢地只會答你飲多啲水休息一下就好。

但你自己病，最好都係去睇醫生。因為佢地有經驗而有好多嘢你係睇唔到，更加醫唔到。

私家定公家好？私家醫生細心啲但政府就資源多，經驗豐富（見得多好多cases)。

所以我會㨂補習，私補定補習社？視乎情況，如果很難解決，我會選有經驗嘅補習社。

EK嗰嗰都係專家level, 佢地覺得自己教最好，但這未必能apply到你。瞎子摸象，冇可能知道真相。

希望幫到你。

emmyfok

建議樓主帶小朋友驗下眼。我女小時候認不到字，原來她根本看不清。驗眼後配眼鏡，明顯改善了。

emmyfok

回覆 kelly6688 的帖子

1）抗拒寫字讀書，覺得的字很難寫。 很多字學過又忘記, 唔識讀與寫 。一寫字就系度扭計,鬧完一餐才乖乖寫。
小一怕寫字，正常吖。
買支六色原子筆，將字拆開，例如香港，香可拆成禾、日，港可拆成三點水、共、已，用唔同顏色寫，啲字寫大隻啲。英文一樣，father = fa + ther, 如此類推。
温書時，不用寫太多，媽媽寫一個，小朋友看熟了，用手仔遮住媽媽隻字，憑記憶寫出來，一二次夠了。

2)做題目與試卷時唔看題目，自己估問題。經常估錯。

平時做功課，要她用手指指著題目，讀出聲，手口眼耳並用。

3）寫字有時添多一筆 有時漏一筆  。


小問題而已，只漏一筆，即係已經九成啱，可以鼓勵佢加油，加多啲啲就啱晒。

4）陪看圖書又唔願意讀。有時得看圖。


小孩子愛看圖畫，正常，有沒有試看繪本？先培養閱讀興趣和習慣，字數少也不要緊。

5)唔會自己拿功課或練習做，要我或者嫲嫲陪在邊才寫。 要催好多次才寫。讀書好似唔係她的責任/她的事。

請問各位媽媽有乜計和技巧可以提升學習興趣與成績？Thanks .

emmyfok

5）小一多數都要大人陪做功課，孩子還小啊！我家小孩要三年級才可自己做功課，小一時每天坐在旁邊陪做，仲要打氣㖭