其實明白, 但可以點繼續行呢?

hha

Jane1983 發表於 17-6-15 09:55
回覆 哈利媽 的帖子

數學測考表現唔及平日，一般有幾個可能，1）學識咗，但明得唔夠透徹，題目轉少少或者 ...

我個仔第一、三點都係，二就唔知係唔係，升小二，冇補數，點樣改善又唔違背初小應該"放手"嘅原則呢？

哈利媽

回覆 YolandaTam 的帖子

Bingo, 四全中, 死未

哈利媽

大家正正合力同我搵哂佢啲問題但可以點攪呢?

miujoey

shadeslayer 發表於 17-6-14 21:20
唔好聽D講。小學就係鬥小心，鬥紀律，咁即係正確的材料是65分。

同意,初小課程唔難,肯溫下書基本唔會唔明, 考試就係睇下那個小朋友冷靜, 細心,  做到的咪就係高分果D囉, 所以我囡溫書時熟曬,考出來起碼打8折, 咪就係無其它小朋友咁叻囉.

retriever

哈利媽 發表於 17-6-15 09:23
我打算重點攪攪佢嘅自律同自信心, 希望來年幫到佢嘅臨場表現, 其實大家知唔知有咩方法同訓練可以做呢? ...

咁大先攪返自律好難喎。

另一樣係佢幾時頓悟，明白讀書為物，開始唔HEA。

成日錯唔小心，操練一定有幫助。

大部份情況下，補習都有副作用，唔建議！

marie12345

唯有多做練習，多鼓勵佢，
先做淺d既，比返d信心，由淺入深，基礎要打得好，
多做就會少出錯，少大意，
想成績好一定要勤力，每日都要溫習。
平日除左做練習同溫習仲要多睇書，
有心就會做得好，鼓勵好過成日鬧。

SPA_family

retriever 發表於 17-6-15 11:47
咁大先攪返自律好難喎。

另一樣係佢幾時頓悟，明白讀書為物，開始唔HEA。

想請教, 補習會有咩副作用? 因剛開始中英數分別補齊

Jane1983

回覆 哈利媽 的帖子

如果係學得唔通透，咁你根據學校練習的題目，轉少少或者係相反咁出題比佢做，務求佢真係學得明白。
訓練專注力和自制能力，其實係日常生活，或者運動、練習樂器都訓練到。暑假裏，你可以試吓每星期比佢一份長d的練習，好似考試咁，要佢坐定定做好，再認真check卷，練到佢唔會最尾甩轆。

至於解錯題和careless mistakes，你可以見到佢做練習出錯時，圈住題目，再要佢自己搵出錯乜嘢，做番啱。慢慢佢就變成鷹眼啦。

小朋友最怕軟皮蛇，無心學。細路哥有心做好，家長有心教，你話都係讀唔掂，未見過。

brother4

IloveJJ 發表於 17-6-15 12:46
我覺得小朋友對自己讀書方面既自信的確係好重要既，但我睇你呢幾年出既post,你仔似乎唔係今年先無呢方面既 ...

x2，另可看一次以上全部小學雜談，升中派位等，自己看過一次獲益良多

retriever

SPA_family 發表於 17-6-15 13:25
想請教, 補習會有咩副作用? 因剛開始中英數分別補齊

那你應該幾相信補習，那就繼續補吧。

當發覺有問題再考慮停。

Jane1983

回覆 hha 的帖子

放手，係比小朋友自己主導學習的責任，唔等于佢唔識或者搞唔掂都唔理佢。其實個個小朋友情况唔同，幾時放手，點樣放手，放幾多，係藝術，要家長自己琢磨。

哈利媽

回覆 IloveJJ 的帖子

唉....你真係好了解我哋, 真係多謝你嘅回覆, 其實阿仔都有努力嘅, 不過真係冇盡力, 正因為佢唔自律嘅性格就浪費咗好多冇謂嘅時間去叫佢開工溫習, 每次要攪一輪先埋位, 攪到大家都唔開心.  事實上, 我對佢從小嘅管教算嚴 (不過偏向行為性格多啲), 由細到依家返學期間都冇得睇電視, 更加全家都唔打機, 會SET時間表, 正係我咁緊張訓練佢自律同專心, 到頭嚟都係比呢個問題困擾住, 其實我都好DOWN呀...

哈利媽

回覆 Jane1983 的帖子

多謝你嘅建議, 其實大部份依家都做緊, 暑假我都會KEEP住努力再加多啲耐性同讚賞, 不過考試緊張我唔知點攪?

Jane1983

回覆 哈利媽 的帖子

考試唔好緊張，心理質素係要慢慢訓練。通常事前準備得好，個肚有料，做d自己熟識的事，一般唔咁騰雞。
再者，你可以同佢多d傾計，小朋友讀小學、中學、大學，十幾年學習生涯，默測考、評估、比賽計埋幾百次，如果次次都惶恐不可終日，咁點做人？佢一定要堅強，迎難而上。

事前努力準備，考試時搏盡，考完檢討，之後吸取經驗，move on下次做得更好。做人就係咁樣，想贏唔怕輸！

retriever

哈利媽 發表於 17-6-15 09:20
回覆 santakit 的帖子

都唔係咩名校呀, 其實我都唔知佢學校係咪真係深啲??我都有諗過如果佢五,六 ...

幼稚園原校昇上？

retriever

hha 發表於 17-6-15 11:07
我個仔第一、三點都係，二就唔知係唔係，升小二，冇補數，點樣改善又唔違背初小應該"放手"嘅原則呢？
...

男仔，如果無記錯你細路果間，只要攪掂第一點，即明白課程，唔駛咁緊張。

男仔你要俾時間佢成長。

佢態度唔好要鬧，但唔係為分數，要佢知對錯。

印象中男仔好少由頭帶到尾。

hha

retriever 發表於 17-6-15 20:41
男仔，如果無記錯你細路果間，只要攪掂第一點，即明白課程，唔駛咁緊張。

男仔你要俾時間佢成長。

佢只有數學一科好似過山車咁，其他科都好穩定，今次考試前有喺屋企同佢操數，成績好番好多，但又諗係唔係人哋所講嘅'谷'返嚟呢？！講真我未識拿捏。

我又聽講男校數學科係好決定名次高低，數學強嘅學生通常名列前茅。所以又想同佢打好啲個底，但又怕involve 太多。

佢學習態度OK。

retriever

hha 發表於 17-6-15 20:49
佢只有數學一科好似過山車咁，其他科都好穩定，今次考試前有喺屋企同佢操數，成績好番好多，但又諗係唔係 ...

算唔算“谷”, 唔係醫學定義，無需認真，重點係有無副作用。

考前做練習磨利把劍，見好就收，無可厚非。求

最後果5-10分，對男仔可能做練習係較易方法，不過所花時間可能幾何級增長。

留意做練習唔會明多左，不少男仔要中三或中五後先大熟，要慢慢等。

分數成績，如你學校有空間包容，最好輕鬆D。

貝珠

係咪專注力唔好？