小池大魚， 大池小魚

heisonmama

試想想如果自己是條小魚，被放到周圍都是大魚的大池，會有乜感受?
如果已知是大魚，根據大魚小池效應其實放中池係咪對長遠發展仲好?

hkpapa852

BSCYL 發表於 17-6-11 22:03
不少家長追求名校， 強校。  只覺得能躋身其中， 自然會較其他一般小學， 更大機會升讀 Band 1 英中， 贏在 ...

又俾多個同名塵封帖大家參考吓:

https://www.edu-kingdom.com/forum.php?mod=viewthread&tid=2978177

小池大魚, 如不向外探索, 恐怕日後變為井底蛙, 夜郎自大
大池小魚, 如不認真處理兼執行Plan B, 恐怕日後永墮深淵

Dylanli2017

回覆 BSCYL 的帖子

對於我來講，一開始就唔好唸大池小池，只要知道，最終你會入既是大海。出來社會做野，面對既是汪洋大海，無邊無際。同自己比賽最實際，如果做人要永遠需要由其他人鞭策，其實太被動。每個人，根據自己既能力循序漸進，例如，如果我既小朋友，佢小一，我教佢小三既野，而佢又真是吸收到，咁我真是會教快2級，如果佢講極都唔明，就按步就班。同埋，有好多野，例如興趣，是可以培養，做家長既，需要多d觀察子女，比多d唔同既野佢去試，小朋友對自己真是有興趣既野，會好專注好學。而唔是見到人地小朋友點樣，自己就跟風。唔想唸大池小池既原因是，大池小池會局限左自己唸法，呢個世界，知識是永遠都學唔完，將自己既范圍局限左，可能會自滿不思進取，遇到更強既挫折將無法承受。我認為謙遜最重要，永遠有強過自己既人，永遠都有求知欲，堅強謙遜有恒心，咁樣先至會不斷進步。

lhyxxx

BSCYL 發表於 17-6-12 08:09
大家不要介意， 我會盡量提出論點， 反駁各位。 希望可帶出不同的觀點， 留給後來的家長在不同角度考慮。
...

離開左95網個帖，就知道其他網都有好多富有經驗的爸媽有真知灼見。
大池小池其實之前早有大量論述，喺現時升中制度下，呈分爭取既係師兄姐既以往成績從而得到一個排名，而非與學生本身成績直接掛鉤。因此一間小學大部分人的成績越高，對師弟妹越有利。相反，喺小池，你係天才但你師兄姐普遍考得麻麻都係冇用。
我都認為此制度並非完美及對弱校唔太公平，但唔應該引伸或暗示追求大池就係高壓和成績至上，選擇小池將來一定可出人頭地。事實上係兩個唔同命題，不宜混為一談。
舉個別例子亦不適用於此命題（大池小池孰優孰劣）。因為我地討論既係制度對一群學生既影響，即係我地要睇大數，個別學生的情況在統計和家長決策上並不重要。例如有家長經常講某某中學都出左個dse狀元，無可否認嗰位狀元同學校付出的努力應予肯定，但千萬唔好忘記，勁校之所以勁，係佢可以長年累月好穩定咁做出超好成績，而非靠某年彈個狀元出黎。

73662710

If a kid has potential, he may excel whether he is put in a a big or small pool.

If a kid has just mediocre potential, it may be better put in a suitable pool whether big or small, with lots of extra effort.

lhyxxx

Dylanli2017 發表於 17-6-12 09:11
回覆 BSCYL 的帖子

對於我來講，一開始就唔好唸大池小池，只要知道，最終你會入既是大海。出來社會做野， ...

講得好！以一生人學習嘅態度而言，其實大池小池唔太重要，成年人應該感受猶深。不過短期而言，大池在現行升中制度下較優勝（無奈），而大池校內競爭較強，老師要求較高，往往小朋友嘅基礎打得比較好。

rabbittwin

其實各取所好，各取所需，無所謂。
有人經濟能力好喜歡追求名牌；有人會細閱衣服標籤揀物料適合而舒適的，要增價高；有D人對衣著無乜要求，有乜著乜。

各人如何打理件衫方法亦不一，最終件衫變成點，真係好靠用家用甚麼方法處理。

我自己會揀件合身，著得舒服又貼身，可能中上牌子會有d保證。

HK-MAN

rabbittwin 發表於 17-6-12 10:38
其實各取所好，各取所需，無所謂。
有人經濟能力好喜歡追求名牌；有人會細閱衣服標籤揀物料適合而舒適的， ...

會否著一些中下牌子衣服會週身唔舒服呢?? 是否心理作用??

BSCYL

其實開這帖時， 我原打算自說自話， 寫完個案， 放在95網給家長們參考， 希望大家不要盲目追求最好的學校，成績最好， 名聲最高。

要按自己子女的特質， 選一間適合的才是最好的選擇。

沒想到有這麼多的回應，可給家長們參考， 多謝各位

Dylanli2017

回覆 lhyxxx 的帖子

大池係某d方面，是比較優勝。但如果你了解佢既竅妙，亦有可能做到你想要既目標，當然，前提是比人地付出更多。我係左派學校讀過，有好多新移民，數理中文DSE成績真是比神校過之而無不及，但因為英文一科跪低，但如果佢地本身有英文底，DSE入U率其實同傳統名校無異。當中有位奇芭科科A,連英文都是，但人地是冇英文底 只是花左幾年去追。我認為我地既視野太窄，用界線局限左自己。好多事並非一成不變，只是自己比自己局限左，要了解點解人地做到自己做唔到，先至是關鍵。神校是咪咁神，自己是咪咁弱？點解唔主動去plan，而是一定要靠入名校先至可以鞭策自己？

Felix223

hkpapa852 發表於 17-6-12 08:52
又俾多個同名塵封帖大家參考吓:

https://www.edu-kingdom.com/forum.php?mod=viewthread&tid=2978177

同意，無論身處大池定小池，家長都灌輸正確學習態度比小朋友。萬一發現不能適應大池，真係要面對現實想想有冇其他解決方法。但是究竟有幾多人願意執行plan B？養魚都要比啱魚糧同合適魚池是養得靚。
大池小池的魚最終都會游出公海，到時候究竟邊個適者生存都仲係未知之數！（呢個就睇將來小朋友待人處事嘅態度。）

rabbittwin

回覆 HK-MAN 的帖子

唔會唔舒適，自己認為合適就無問題啦

littlestar_2009

BSCYL 發表於 17-6-12 11:04
其實開這帖時， 我原打算自說自話， 寫完個案， 放在95網給家長們參考， 希望大家不要盲目追求最好的學校， ...

期待分享!!

LODAVID

在香港, 可發展範疇其實好細. 政府推出來的政策不是沒有深思熟慮, 就是未能貫徹始終. 香港討論大池小池大都用成績掛帥, 往往被人認為是"小魚"的小朋友可有其他強項而未能受人關注.

其實每個網友說的觀點都有道理....沒有一定各答案.
特別是HKPAPA說:
小池大魚, 如不向外探索, 恐怕日後變為井底蛙, 夜郎自大
大池小魚, 如不認真處理兼執行Plan B, 恐怕日後永墮深淵

如樓主命題只得兩分-小池大魚或大池小魚, 我個人偏向大池, 因為小朋友在學校時間比較多, 朋輩影響較大. 在大池, 往往學習氣氛相對比較濃, 近朱者赤, 總會有所影響. 而為怕小魚因成績比較差永墮深淵, 往往家長要作合適調節-如多鼓勵及讚賞.

HK-MAN

BSCYL 發表於 17-6-12 11:04
其實開這帖時， 我原打算自說自話， 寫完個案， 放在95網給家長們參考， 希望大家不要盲目追求最好的學校， ...

公海多高手.虛心發問,大有得益.

mimi222shi

無論邊個池, 適合自己小朋友最重要.

一山還有一山高, 在小池成長確實有機會脫離現實.

總之, 世上沒有不勞而獲, 除非小孩資質特天獨厚(認識朋友子女過目不忘, 真的令人羨慕).

HK-MAN

mimi222shi 發表於 17-6-12 11:18
無論邊個池, 適合自己小朋友最重要.

一山還有一山高, 在小池成長確實有機會脫離現實.

生到個資優生,父母適度培訓下,去化糞池讀都一樣可以變成大魚..
以上只是說笑,給大家經鬆一下...

mimi222shi

環境污染嚴重，生存可能都成問題，仲講變...

hkpapa852

BSCYL 發表於 17-6-11 22:03
不少家長追求名校， 強校。  只覺得能躋身其中， 自然會較其他一般小學， 更大機會升讀 Band 1 英中， 贏在 ...

上年我無聊寫咗呢篇嘢:

https://www.edu-kingdom.com/forum.php?mod=viewthread&tid=3356615

其實重點係最後一句:

瞭解自己想要乜, 有計劃咁去執行同跟據實際情況作出調整, 三者都係好緊要.

manmonster

回覆 hkpapa852 的帖子

已拜讀，寫得好好。我反而印象較深的，是 hkpapa 你曾提過若家長於子女小學階段慢慢察覺他們未能晋升第一組別，應計劃後備方案，不應盲目追求「第一組別」「英中」。
對我有很大警醒。