何謂 英中, 中中, EMI?

Yanamami

mcl203 發表於 17-5-26 10:59
似乎...又唔算體制與否...可以自行決定教學語言嘛 ~~~

其实百幾年都係中中，数理科英書中教……係近幾年先有所謂精英班通識用英文教同有Eng Lit讀啫~会考年代边有禁多花辰？

miffypekkle

little_yolky 發表於 17-5-25 18:04
依家好多選擇架。
英中: 除中文、普通話、中史外, 全部用英書英教
英中: 以上科目+通識, 全部用英書英教

多謝你呀!
而家多選擇到咁, 啫係要間間學校都要觀校同聽講座才知.  因為我睇中了一間學校, 網上話佢係中中,但去聽時又話有一班用英文授課, 其他都用中文, 我之後在想, 咁用中文定英文書呢,係咪得一班用英文書, 其他用中文書...自己越想越亂,  哈哈, 想野想到牛角尖呢.

洋蔥頭媽咪

miffypekkle 發表於 17-5-27 10:43
多謝你呀!
而家多選擇到咁, 啫係要間間學校都要觀校同聽講座才知.  因為我睇中了一間學校, 網上話佢係中 ...

有英文班嘅中中有利有弊，若孩子日後在英文班跟得上，其實讀英文班同讀英中差距或許不會太大，但若在英文班跟不上，亦可轉回中班文，進可攻退可守，此安排對孩子有利，但弊亦是此原因，成績好便可以入英文班，未達標又跌回中文班，可能壓力會較大，甚至學生會出現一年中文教、一年用英文教，再一年又中文教，孩子適應方面都會頗辛苦。而英中則不會出現此情況，所以家長選校時亦要留意。

miffypekkle

洋蔥頭媽咪 發表於 17-5-27 11:00
有英文班嘅中中有利有弊，若孩子日後在英文班跟得上，其實讀英文班同讀英中差距或許不會太大，但若在英文班 ...

我想問下如果英中, 係咪老師講書時都全英文?  因為我以前, 80 - 90年代時期, 那時都無分中學分得咁勁, 是用英文書但老師多數用中文講書的, 我記得去到F.5, F.6 , F.7 , 英文老師才全英文教學.  

其實我到而家都唔知香港的教育咁搞法, 是向前定向後走.

洋蔥頭媽咪

miffypekkle 發表於 17-5-27 11:43
我想問下如果英中, 係咪老師講書時都全英文?  因為我以前, 80 - 90年代時期, 那時都無分中學分得咁勁, 是 ...

我諗一間間學校啦，中一適應期部分會英文及中文一齊教，高中以上一般會全英語。以我仔學校為例，中一上學期中文及英文，下學期已大部所用英文教，老師說中二以上基本上會用英語授課。

little_yolky

miffypekkle 發表於 17-5-27 11:43
我想問下如果英中, 係咪老師講書時都全英文?  因為我以前, 80 - 90年代時期, 那時都無分中學分得咁勁, 是 ...

我記得去到F.5, F.6 , F.7 , 英文老師才全英文教學<============你意思是其他科老師用英文講書吧? 英文科老師當然是由中一開始用英文教吧。