到底應否讓兒子繼續學鋼琴

mimi222shi

之前個琴老師同我講, 學到5級唔再考好浪費, 建議繼續考級.

但個小朋友唔想重覆彈考級歌, 所以, 我索性轉埋個老師, 配合個小朋友, 現在佢彈得開心又輕鬆.

其實, 咁大個都應該知道想點行, 唔係下下要家長決定哂.

ILoveCinderella

simonwan 發表於 17-5-23 23:40
樓主呢D case 唔難搞，搞到討厭彈琴，當然系停止啦！

我仔的情況至頭痕。十歲，學左四年，無考過級無比賽 ...

身同感受

山海兒女

回覆 Gary_family 的帖子

我唔否認，「學音樂可以學習欣賞角度，學品味，學修養！還可以訓練專注、刻苦、忍耐、恆心、左右腦及手腦協調！」

但樓主小朋友應該都四年級，小學開始學鋼琴，學咗咁多年，去到討厭階段，得唔得到以上種種，只有佢自己知，勉強無幸福。

至於「這一代父母是不會為實現自己的夢想才叫小朋友學琴」，我就唔認同啦，好多時父母自己都不自知。

反而我覺得呢個年代，學琴相對比以前便宜很多，好多時父母覺得可以比小朋友試吓玩，就係抱住玩嘅心態，唔認真練習。連父母都係咁諗，小朋友又點會認真？

我見過一個好用心教學的小提琴老師，好認真同小朋友講要勤力練琴，於是小朋友向家長投訴，家長好嬲咁係小朋友面前同老師講：「你做乜咁惡話佢，我俾佢玩下姐，駛乜咁認真喎！

山海兒女

我自己的做法係，幼稚園階段陪佢哋參加啲音樂班，引發佢地對音樂的興趣。小學開始要佢地撰一樣樂器，同佢地解釋學音樂嘅好處，整個小學生涯，需要最少考一次級試，比自己一張成績表。中學之後佢哋繼唔繼續學，就係佢哋自己諗啦。
當中，就算唔考試，唔比賽，都要認真，努力練習。撰擇老師，我會好嚴謹，而且我會一早比佢知我的方向，雙方合作，小朋友才會有得著。

Jane1983

回覆 simonwan 的帖子

我女都係，一星期就練一次15分鐘，但佢唔係唔鍾意。只係生活上太多好玩嘢，練琴priority就低了。
佢今年8歲，5級琴，其實投入多d時間會更好。但因為彈琴要出頭的hurdle太大，佢自己唔係特別熱愛，就唔值得chur佢。

mcl203

有D情况係...學琴係唔可以無目標無要求...只談興趣任老師發揮進度既...唔注重考級...會令小朋友無目標...唔肯練琴

我地既壞經驗就係...為興趣而學琴...甚少跟進考級...唔去校際...跟左某認真老師多年...佢聲稱一向要求學生有"丁"...每次要教晒9隻先揀3隻先開始操...考試前4個月要萬事俱備...是旦啦...由佢慢慢黎...反正唔急

小朋友升中學...興趣班+中學生活開始忙碌...時間分配有壓力...(巳學左14個月5級上7級)...10月已開始已經有零晨1點幾先可以瞓...明早要Quiz...其間要不停提忙極都要練琴...否則又被話唔練琴...問題開始了...老師開始不停當衆鬧...令佢信心減弱...唔係辦法找老師傾

我地: 佢已經每週5天45分中練習...咁落去佢高中會頂唔住...好似進度尚可...已學左4.5首曲...可否簡化佢試揀3首...合格就可以...唔使"丁"啦

老師: 乜都未得...仲爭好遠...梗係練得唔夠...要起碼每日練2小時以上...練晒9隻先可以揀3隻...要每級起碼預2年多先可以考試

我地: 佢為興趣啫...我地想佢S4前考完8級...仲有成3年...之後可以hea D...要為DSE準備...讀書好辛苦好大壓力

老師: 唔得...咁佢可以唔考級試...慢慢黎

我地心諗: 當然可以慢慢黎...學到80歲都得...你可以收$到80歲吖嗎...佢又唔係用黎揾食...咁佢S4-S6咪仲痛苦緊...中學都未必完到8級...一停又話要重頭開始

唯有既決定...即停學...有時係唔可以俾老師睇通你係可以慢慢黎...佢會拖瓜你時間和金錢 ~~~

MrBeast

mcl203 發表於 17-5-24 17:01
有D情况係...學琴係唔可以無目標無要求...只談興趣任老師發揮進度既...唔注重考級...會令小朋友無目標...唔 ...

你個老師同我啱傾wor，一係唔考，考就要aim 丁，所以我決定唔考

mcl203

MrBeast 發表於 17-5-24 17:27
你個老師同我啱傾wor，一係唔考，考就要aim 丁，所以我決定唔考

唔同...佢係接受hea學...唔練琴唔重要...終生學琴最理想...最重要係準時交堂費...書可以唔讀
我相信...你會終生學琴好肉痛...更唔會書可以唔讀 ~~~

mcl203

MrBeast 發表於 17-5-24 17:27
你個老師同我啱傾wor，一係唔考，考就要aim 丁，所以我決定唔考

我地係試過無準備考級吓學琴嫁...但我小朋友係無目標下會仲hea...佢算係服從性高既PS...學琴係自小觀察...佢揀學既...宜家停左...最近又959彈吓噃 ~~~

little_yolky

山海兒女 發表於 17-5-24 09:21
我自己的做法係，幼稚園階段陪佢哋參加啲音樂班，引發佢地對音樂的興趣。小學開始要佢地撰一樣樂器，同佢地 ...

我本來諗住大女學咗咁耐, 就俾佢今年底考三級, 呈分前丫嘛。點知, 阿sir唔記得報名, 以為我哋出年考。我話, 阿sir, 出年呈分喎, 今年唔考就要中學至考了。阿sir居然話, 無問題的, 三級就好似行過去咁易！

我心諗, 你就緊係行過去啦阿sir。所以我同佢講, 中學至考了。咁佢peah到近日直頭揀咗首天空之城, 俾兩個女一齊學彈二部!!!! 考級歌都慢慢練了。點解我身邊D人個個都咁peah?

mcl203

little_yolky 發表於 17-5-24 18:14
我本來諗住大女學咗咁耐, 就俾佢今年底考三級, 呈分前丫嘛。點知, 阿sir唔記得報名, 以為我哋出年考。我話, ...

所以咪話老師最中意D學生唔急考級...慢慢黎果隻囉唔好俾佢地睇穿你地諗法 ~~~

MrBeast

mcl203 發表於 17-5-24 17:37
唔同...佢係接受hea學...唔練琴唔重要...終生學琴最理想...最重要係準時交堂費...書可以唔讀
我相信...你會 ...

我有兩個朋友，已是人阿爸，應該都冇考級，純自娛，有個聽過佢彈，都幾ok（from 門外漢）。其實平時返學又要睇書又要訓覺，加hea下，真是係難squeeze 到時間，之前學小提琴，都係要三ai四請先練，不過至少都拉到老師教的歌，咁都收貨la，但之後就無繼續了，大d若佢自己想學先再唸。

MrBeast

mcl203 發表於 17-5-24 18:34
所以咪話老師最中意D學生唔急考級...慢慢黎果隻囉唔好俾佢地睇穿你地諗法 ~~~
...

其實學了基本，自己上utube搵教學得唔得？

MrBeast

mcl203 發表於 17-5-24 17:41
我地係試過無準備考級吓學琴嫁...但我小朋友係無目標下會仲hea...佢算係服從性高既PS...學琴係自小觀察... ...

上年游泳我都訂左個target，所以要係咁e操下，之後小朋友已話咁佢咁中意游ga la，有時係難取捨，但總之就唔會貼＄買難受

mcl203

MrBeast 發表於 17-5-24 18:58
我有兩個朋友，已是人阿爸，應該都冇考級，純自娛，有個聽過佢彈，都幾ok（from 門外漢）。其實平時返學又 ...

我地係想佢完成8級當一個階段，令佢學多D野，有基本認識去欣賞音樂就得。將來如何，佢自己決定了。只係，無乜理由要成個中學階段用起碼6年時間考3級吧，又"丁"咗有乜意思。最唔滿意係D老師掛某D東西實質係私利。

我小朋友宜家有D同學係同齡既音樂極尖子，佢地分享從不重視考級試和樂理成績，只係求合格，每日都係練2粒中，但佢地係尖子音樂人呢。

mcl203

MrBeast 發表於 17-5-24 19:00
其實學了基本，自己上utube搵教學得唔得？

D老師話係utube要識揾岩片，否則亂咗節奏，玩吓當然無所謂。

mcl203

MrBeast 發表於 17-5-24 19:12
上年游泳我都訂左個target，所以要係咁e操下，之後小朋友已話咁佢咁中意游ga la，有時係難取捨，但總之就唔 ...

我當年同佢分析游水，你學式4式再學就係操水，否則會無目標會hea, 佢選擇考校隊操水，佢只係游2日跟吓人玩，但成績結果都唔太差，但操得好辛苦，一升中佢唔想咁辛苦，更加唔想晒時間，走左去玩其他，反正中學唔會睇佢D玩玩吓成績。

有時，玩某D活動去到某D點，只可以放棄，一係放更多時間去操好佢，好難hea hea吓玩。

Jane1983

回覆 mcl203 的帖子

雖然唔贊成只操考試歌趕考級，但你個老師彈熟9首，再揀3首操練，又唔考distinction不如唔考...實在唔係好合理。道不同不相為謀，換老師算啦。
係香港學琴，係陶冶性情和豐富音樂素養多d，搞到成為負擔，唔值得。每日練琴2小時，即係差不多攞晒讀書以外玩體藝的所有時間咁滯。小朋友又唔係特別鍾意，鋼琴又無特殊幫到升學，我唔會咁做。

mcl203

Jane1983 發表於 17-5-24 19:33
回覆 mcl203 的帖子

雖然唔贊成只操考試歌趕考級，但你個老師彈熟9首，再揀3首操練，又唔考distinction不 ...

佢中意學琴嫁，只係玩既野太多，又每樣都越來越高要求，升中後分配唔到時間啫。

要每日練9隻歌，再加其他，每樣練3兩次真係乜都拖瓜

跟咗位老師咁多年，當然估到佢點解咁做法，係米鬧得合理都識去分辨吓既

所以宜家唔再唔同老師現實D，會先講清楚目標，到時唔得先算，唔好俾佢拖住教~~~

Jane1983

回覆 mcl203 的帖子

係呀，返學返全日，扣埋交通、做功課、溫習，一日有幾個空閒時間吖。日日練2個鐘，真係搞唔掂。