伴讀

palmchristy

anpanman_baby 發表於 17-5-16 18:13
請教小兒自細對圖書零興趣，去圖書館只會不停巢書之後求其揭幾頁又再巢書。所以宜家通常係圖書館我要陪佢 ...

佢心裡堆火都未燒著, 好難要佢自行閱讀喎.

所以要燒吓佢先. 伴讀暫時要繼續.

按程度選合適有趣的書好重要. 要你睇返啲小學書你未必有興趣. 同理, 要5歲小朋友仲睇啲一頁一句, 佢應該無乜興趣. 所以要搵啱書.

如果係伴讀, 可以選一些有趣, 內容豐富一些的, 一齊睇, 但主要你讀, 如有興趣(最緊要興趣), 甚至可讀些名著, 80日環遊世界之類也可以. 如果未對文字有興趣, 就要引導. 以好書為主, 不要急於認字和自行閱讀.

漫畫對男仔應該有吸引力的. 可試試老夫子之類.

如果佢對某類書/系列有興趣, 就係時係下一步, 用唔得閒為由要佢自己睇, 自己估字, 得閒先同佢讀幾頁, 又教吓佢咁, 但最緊要唔好令佢失去興趣.

palmchristy

retriever 發表於 17-5-16 18:30
你提DR SEUSS 的特別在哪？

你去圖書館好易搵到. 呢個作者的書, 一般係一本大約二三十頁, 但用黎用去都唔夠50個字詞的英文書, 有簡單圖畫(圖畫唔靚的), 易讀易明押韻易發音, 幾歲小朋友如果有睇開書, 會識睇識讀, 幾有成功感的.

一但佢地發現原來自己識睇識讀, 就會有動力繼續. 人只係會做自己做得來的事, 小朋友都一樣. 俾到小朋友成功感就係呢個作者的書的特色.

ChocoMilk33

6903658 發表於 17-5-16 18:28
我覺得如果唔係小朋友太細個開始睇過多電視或者其他電子產品，注意力不集中，應該好難搵到小朋友唔鍾意睇 ...

幾歲人仔，即使有閱讀能力，當有書有玩具時，多數會選擇玩具。有些則是懶惰，寧願坐係度冇事做，都冇興趣用心去讀一本書。真係唔係個個小朋友都喜歡睇書。

retriever

ChocoMilk33 發表於 17-5-16 18:37
幾歲人仔，即使有閱讀能力，當有書有玩具時，多數會選擇玩具。有些則是懶惰，寧願坐係度冇事做，都冇興趣用 ...

興趣和習慣要培養。

DAY ONE， 你俾聲光玩具同書本一齊，細路梗揀玩具啦。早期其他誘惑要壓抑，唔係真係天生書蟲咩。

kvvvcheung

貝珠 發表於 17-5-16 13:39
我女唔認字，佢要口語化，認字太慢唔肯聽。

same here

ChocoMilk33

retriever 發表於 17-5-16 18:41
興趣和習慣要培養。

DAY ONE， 你俾聲光玩具同書本一齊，細路梗揀玩具啦。早期其他誘惑要壓抑，唔係真係 ...

除非自己一手一腳湊。如果要返工，大部分時間靠長輩或傭人幫手湊，很難實行。

pizzafat

請教每天伴讀多少時間才算足夠？因是在職媽媽，只能每晚盡可能伴讀15-30分鐘

我仔睇書鍾意不斷重覆，這樣可以嗎？

Potato001

ChocoMilk33 發表於 17-5-16 18:45
除非自己一手一腳湊。如果要返工，大部分時間靠長輩或傭人幫手湊，很難實行。
...

都唔一定，我小孩只有工人湊，冇長老幫手，N 班開始每晚伴讀，現在K2, 雖然認字差 （我們沒有刻意教）,但小朋友自己在家除了玩玩具，也會自己拿書看，仲會拎住書講故事。

圖書種類很多，我會按小朋友興趣選書，有啲書好無聊但好笑，小朋友會鍾意睇，看似冇用，但其實可以豐富小朋友的想像力。

小朋友有興趣認字當然好，就算興趣不大，聽下故事，也可訓練專注力和分析力，亦可增廣見聞。

anpanman_baby

ChocoMilk33 發表於 17-5-16 18:37
幾歲人仔，即使有閱讀能力，當有書有玩具時，多數會選擇玩具。有些則是懶惰，寧願坐係度冇事做，都冇興趣用 ...

我由細到大都無俾小朋友睇電視/ I pad, 其實仔仔仔到宜家都好少睇電視，佢鐘意畫畫，做勞工，砌模型，可以全日自己做呢幾樣野，但一睇圖書佢就會叫我講/讀俾佢聼

anpanman_baby

palmchristy 發表於 17-5-16 18:32
佢心裡堆火都未燒著, 好難要佢自行閱讀喎.

所以要燒吓佢先. 伴讀暫時要繼續.

多謝你的建議，我會試試，感謝你

lui

ChocoMilk33 發表於 17-5-16 18:45
除非自己一手一腳湊。如果要返工，大部分時間靠長輩或傭人幫手湊，很難實行。
...

不要把責任推卸在沒有時間。我也是working mom.在這大部分人也是。一日15分鐘也巳很好效果。我小朋友愛書，愛玩，愛運動。沒有看電視iPad .不是有玩具就玩，因為佢地發現書中的一片天地。這天地要由大人引領

button822

貝珠 發表於 17-5-16 13:39
我女唔認字，佢要口語化，認字太慢唔肯聽。

每個小朋友的學習過程是不一樣的，但重要的是有沒有input比佢，同埋input的形式。小女自十個月開始餵奶時段已讀書比佢聽，每日餵幾多次就聽幾多次，到了一歲開始我用手指跟字讀，沒有口語講故事，佢就一路睇圖畫和我手指掃，每日早晚兩次奶我就讀兩次，結果佢去到兩歲已自己拎書睇，慢慢佢跟我用手指讀，我陪在身邊，唔識就立即教。透過睇圖，讀字，聽讀書聲，佢現在五歲半已自己睇magic tree house, 唔識就自己估上文下理，亦鐘意自己讀出聲，這就是output, 是長遠的發展。但當然有得必有失，得是小女閱讀理解能力、造句能力、讀字、重組句子能力較好，失的是佢口語講故事能力普通，所以睇你覺得邊樣較重要已決定伴讀形式，沒有絕對的方式。

不過，除了父母陪讀外，屋企有沒有固定擺書位置例如小書櫃，小書櫃書是否經常更新下，書種類是否多元化，不一定要廸廸尼世界，按階段和能力比唔同種類既書佢選擇，屋企少開電視，唔好一出街食飯搭車就比手機佢睇YouTube 或打機或玩具，而係習慣出街帶本書，全部都要同時配合。

同埋，每個小朋友是獨特的，有不同的進度，不要與人比較，只要家長有心思地建立，咁佢既閱讀習慣就會慢慢形成，就會看見收成期了。

Bilipapa

Agree, 每日多則30分鐘，少則一個短故事，中英文都好，亦不用小朋友記生字或要求完全明白故事內容。

retriever

lui 發表於 17-5-16 20:22
不要把責任推卸在沒有時間。我也是working mom.在這大部分人也是。一日15分鐘也巳很好效果。我小朋友愛書 ...

有無早期仰書壓玩具/電視/手機？

lui

retriever 發表於 17-5-17 06:08
有無早期仰書壓玩具/電視/手機？

本帖最後由 lui 於 17-5-17 06:50 編輯

玩具沒有仰壓，都系一d基本玩具。電影一兩個星期一次（home movie),冇手機，出街等野食都系睇書傾計。大人自己揸住本書，小朋友一定有様學樣。最近在他學校一個event 老師說媽媽們可以等一個小時後接埋小朋友放學，我女即刻講，哎呀，你今日冇帶書，等一個小時會好悶。
Ps 佢5歳半

lambeanmama

retriever 發表於 17-5-17 06:08
有無早期仰書壓玩具/電視/手機？

我也沒有早期壓抑玩具呀。IPad等仍是禁品，不過三歲後每星期也有電視睇。這些玩樂在的眼中也是童年的一部份，唔過份就可以。我是自半歲起開始伴讀，現在三歲半，開始慢慢過渡自行閱讀，當然只是起步啦，但我仔在玩具與書之間，是會選擇書本的。同意伴讀的得著其實遠超於學術，仍為一個同樣愛書的人，我很想孩子和我一樣，領略閱讀的樂趣。

button822

19841984 發表於 17-5-16 21:49
我家基本上星期一至星期六，是不會開電視，也不會給電子產品小朋友用。

任何時間、地點，也必定帶備圖書， ...

是呀，習慣建立了佢自己會閱讀，小女都是每天自己揀書睇，一睇可以一小時，一日不止一次，還會分享哪本書好睇、哪本唔好睇。我也是在職母親，視乎你是否堅持就會成功。但不是強迫呀，是用不同方法啟發小朋友對書的好奇心，坊間有很多種類書：發聲書，翻翻書等，值得一試。

後話，小女一直不太主動睇中文書，香港中文書普遍多字和深，對k3上小一的確困難，於是努力在台灣網上尋找了一套好適合的橋樑書，叫樂讀123，故事好有趣字亦不深，大家可以參考一下。

retriever

lui 發表於 17-5-17 06:49
本帖最後由 lui 於 17-5-17 07:11 編輯

本帖最後由 lui 於 17-5-17 06:50 編輯

很好! 我主要壓抑聲光玩具，電視同手機。玩具亦唔多,窮鬼一名。

我細路心野。不過而家去書店跟去球場踢波，佢竟然揀書店。雖然佢極好動，亦極愛踢波。