將軍澳區口碑好既幼稚園

foopopo

caseiaming 發表於 17-6-3 23:45
我而家讀緊間pn 都係老師校工書記校長全部講得出小朋友名， 我以為好正常
...

比華利既教職員記性超勁。

Elenalan

foopopo 發表於 17-6-4 10:06
比華利既教職員記性超勁。

我女讀左半年比華利N班, 由8月開始返學返左3個月, 一直都冇同我講有乜問題, 好少打電話俾我。
直到11月頭, 班主任先同我講, 話我女有語言障礙, 學校唔俾佢升K1!!! (我女1.5歲已識講句子!)
個主任直情話以為我女係啞, 因為3個幾月來從未聽過我女講野 (咁點解要等3個幾月先話俾我知?!?!)
又話我女學習遲緩, 唔識顏色、唔識counting, 我話呢d我女一早識哂 (2歲前已識, 我女係9月細B)。
個主任和班主任要我在家錄video, 證明我女識哂佢地要求o既野, 升再考慮是否俾我女升班! 好離譜!! 當時我一間K班都冇報到, 因一心諗住直升, 而且已經過哂K班報名時間!!

我當然有錄video, 事實證明我女識哂佢地要求o既野, 仲識得多好多! 佢地睇完video先話俾我女升K, 但我已決定唔讀(即使我當時未報其他學校), 因為覺得呢間野好離譜, 好冇愛心, 完全冇諗過同家長溝通, 就唔俾我女升班。個班主任都話自己好惡, 會在課室拍台! 我之前都分享過我女o既經歷和返學後情緒問題 (現在諗番都唔知係咪阿女o係學校遭遇到d乜野搞到咁...)。

最後我臨急報其他學校, 有5間offer, 有3間仲要係am offer, 包括更好o既學校e.g.循道衛理, 德寶...證明我女根本冇能力問題!

kitty0204

Elenalan 發表於 17-6-5 17:00
我女讀左半年比華利N班, 由8月開始返學返左3個月, 一直都冇同我講有乜問題, 好少打電話俾我。
直到11月頭, ...

拍檯?!!
我接受唔到囉!會嚇親小朋友
同埋有問題學校唔應該3個月都唔同家長溝通

foopopo

Elenalan 發表於 17-6-5 17:00
我女讀左半年比華利N班, 由8月開始返學返左3個月, 一直都冇同我講有乜問題, 好少打電話俾我。
直到11月頭, ...

唔知關唔關轉左校長事？

我女只讀了一年，就轉左去LH，當時仲係舊校長.....聽啲舊同學講，部份資深既老師都離左職。

Elenalan

kitty0204 發表於 17-6-5 17:14
拍檯?!!
我接受唔到囉!會嚇親小朋友
同埋有問題學校唔應該3個月都唔同家長溝通

我女返左比華利後，變得好扭計，成日喊，我新手媽媽以為阿女trouble 2, 從冇諗過阿女有情緒問題，學校一直冇打俾我講阿女d野。有一晚食飯我女又喪喊癲左，仲忽然面目猙獰大叫一聲"XXX唔準搶同學玩具!!"佢果個猙獰表情我到現在仲記得清楚，冇可能係一個2歲3個月大嘅小朋友正常表情，我見到佢咁，我好驚，我忍唔住喊左出來，因為"XXX"係我女個全名!

Bkbkbkbk

比華利N班老師好好喎，次次打黎都講半個鐘，連小朋友好細微嘅嘢都會報告。新校長都好好。
學校無保証直升K1，總之而家搵到適合學校讀k1就好.

foopopo

Bkbkbkbk 發表於 17-6-5 19:11
比華利N班老師好好喎，次次打黎都講半個鐘，連小朋友好細微嘅嘢都會報告。新校長都好好。
學校無保証直升K1 ...

我都覺得佢地老師好好，會主動打俾我講近況，而且都講得好詳細。

阿女好鐘意班主任，亦好鐘意返學。

呢一年，學校真係令我小朋友成長不少，我好慶幸入過呢間學校。

aaa28

Elenalan 發表於 17-6-5 17:35
我女返左比華利後，變得好扭計，成日喊，我新手媽媽以為阿女trouble 2, 從冇諗過阿女有情緒問題，學校一直 ...

好肉痛啊