黠樣供 ...英國留學, 1 年學費等要預$40萬左右, 真係唔野小

brother4

同上一樣，小朋友小學時被老師指罵間學校不合佢，声浪太大連校長一看，中文中學考全級尾尾，現入本地大學，好多人好疑惑連親戚問是4年(大學)定2年(副學士)等。。。

過客

亮燈 發表於 17-5-1 10:23
當然有，而且係必須，因為要俾學校知道小朋友既情況，學校就會評估能力，可否幫到佢，如果學校收得既！你 ...

叫香港學校寫報告?! 咁咪一早驚動學校?請問你去那裡做一份評估?

亮燈

過客 發表於 17-5-1 10:44
叫香港學校寫報告?! 咁咪一早驚動學校?請問你去那裡做一份評估?

冇問題既！因為係直資學校，一向都有學生去外國升學，所以學校有專責老師負責對外事務，好平常。
份讀寫障礙既報告係以前讀小學時，因發覺阿細有啲問題，於是要求去做評估，佢提供左幾間私人評估中心俾我地揀，用番呢份報告俾英國學校。

mrsanthony

1998Ruby1998 發表於 17-5-1 02:27
我都覺得英國讀書貴，但係假期多，尤其我間大學，九月底十月頭開學，但係十二月頭就放假，一放假就放足 30 唔夠三個月又放假，仲要早過其他大學一個禮拜放，好多科都冇 mid term exam，得 final，搞到讀書同放假時間真係 50/50...英國比較多有心嘅老師，有學生唔明嘅話，佢地第一時間會係覺得自己解釋得唔好，會儘辦法解釋得你明白為止，無論問題幾蠢都唔會咁容易嫌棄。加上，上堂有唔明，可以即刻舉手話唔明，係香港我讀咁多年書，好多老師都係話，唔明就落堂或者 email 問，唔好打擾上堂進度，然後好容易就唔記得其實自己邊度唔明。而且英國學校對有需要嘅學生會提供好多幫忙，讀寫障礙／自閉症／身體殘疾等等，全部都會照顧，一定會盡力為學生製造公平環境。（係香港，我老師話，如果你有障礙，你就要想辦法克服，做到同普通人一樣。但係其實咁樣對班有需要嘅學生好唔公平）...我果陣真係會覺得，既然都唔合格，不如索性唔讀，起碼唔洗咁辛苦。轉左環境，依家我起碼都願意讀書同埋追成績，以前見到班成績好嘅同學追成績，覺得佢地有 d 變態，依家自己竟然明白佢地心態，並成為一份子。香港嘅老師，其實唔係咁鍾意我，但係依家，班老師都好賞析我。結交嘅朋友唔會眼紅你成績好，反而想跟你「拜師」，想同你一樣成績咁好。成績好過你嘅，唔會介意你成績差，會願意教你。好多香港父母會怕仔女會學「壞」所以唔畀仔女同成績差，但係英國嘅父母如果見到自己仔女同成績差嘅同學一齊，會覺得仔女係幫緊個同學，係一件好事。呢種心態香港真係比較少見。

1998Ruby1998 , 你嘅说话, 令我非常非常感动, 年复一年，仔女一切照旧,然后仔女长大了, 果陣楼主你真係會5會覺得后悔?

没有去轉下環境, 结果如何我们都心知肚明.

去轉下環境, 结果如何我们5知, 但是却多個机会, 不遗憾.

1998Ruby1998

回覆 mrsanthony 的帖子

我父母其實當然想我留係香港讀，慳錢同多時間見面，不過依家我學業、身體、情緒都有改善，我好慶幸自己當時決定去英國讀。
其實人係需要一段生理距離，如果住得太埋，生活圈子重疊，會生出好多不必要嘅爭執。呢個都係點解唔少夫妻想搬出去，同老爺奶奶有一段距離。

如果 300-400 萬可以買到一個機會，可以買到一個開心、讀書有進步嘅仔女，買到自己唔需要日日督促子女讀書，可以享受一下人生，唔知家長願唔願意呢？

亮燈

1998Ruby1998 發表於 17-5-1 20:57
回覆 mrsanthony 的帖子

我父母其實當然想我留係香港讀，慳錢同多時間見面，不過依家我學業、身體、情緒都 ...

完全同意，完全係我既心聲。

過客

1998Ruby1998 發表於 17-5-1 20:57
回覆 mrsanthony 的帖子

我父母其實當然想我留係香港讀，慳錢同多時間見面，不過依家我學業、身體、情緒都 ...

我做丫媽既，當然會瞓身付出比D仔女，但我人工唔多，我連一個 term 都負擔唔到，要倆公婆共同先叫猛猛緊叫應付到，但爸爸就唔想咁樣去過日子，又有怨言⋯

HHHR

回覆 過客 的帖子

樓主：

我囝囝由高中至大學都係英國讀書，身邊亦有不少親友的兒女在英國留學，但我同其他留言嘅朋友有D唔同嘅睇法，以下係我個人嘅經驗同想法，供你參考。


留學英國是頗為昂貴的，在英國讀完中學回流香港報大學是可以的，但透過Non-JUPAS報本港大學競爭唔細，大學亦會要求較本地中學生更高嘅公開考試成績，所以要有準備小朋友有可能要留英完成大學課程，考慮經濟負擔時要考慮埋這一點。


香港中學嘅質素真係好參差，但英國都一樣，會有唔好嘅老師、麻煩嘅家長同壞同學。所以選校好重要，一D都唔可以馬虎。英國有好多好中學，但香港亦有不少好學校，我個人唔認同英國中學平均比香港好。


學生出現學習問題有好多唔同嘅原因，轉換學習環境有可能出現轉機，但唔係萬試萬靈的方法。先找出原因，再對症下藥方為王道之策。


我比較憂慮樓主夫婦出現的意見分岐。個人見過兩夫妻因此出現不和，最終亦令兒女的學習受很大的影響。為人父母，我當然理解做母親痛心、愛惜兒女之心，但父親對家庭經濟的顧慮亦並非唔重要。若然經濟負擔真的太重，留港想辦法亦唔係無出路，真係無必要一定要留學英國。請慎重考慮！

過客

真心多謝各位比既意見.

放左幾日假, 在這幾日假裡, 反覆思量, 亦問仔仔, 過去就真係要讀書, 唔同香港, Hea 讀都可以到中三, 果邊每年要 Pass 先可升班, 唔 pass 就返 HK, 同埋我好辛苦供你讀書, 希望你識諗.......仔仔既回應 : 佢話如果我辛苦既, 佢可以係果邊做 part time 幫補, 佢話係 HK 讀書好有壓力, 佢唔想在有壓力下讀書, 佢都想讀到大學, 但 HK 既大學佢知佢冇可能入到.  佢都希望可以係英國讀埋大學先回港......

突然覺得佢大個仔左, 識諗左......至於爸爸.....我可以點樣同佢傾呢?

亮燈

過客 發表於 17-5-2 09:04
真心多謝各位比既意見.

放左幾日假, 在這幾日假裡, 反覆思量, 亦問仔仔, 過去就真係要讀書, 唔同香港, Hea ...

做part time要超過16歲，每星期只可工作10小時。
至於點同爸爸講？搵個機會，兩母子一齊將自己既意願跟佢商量，慢慢傾，因為一定要兩公婆同心合力一條心，先可有機會完成壯舉。

過客

做 Part time 我都知要大個仔先可以做, 而且有限時. 不過仔仔可以講出口既, 我諗佢真係想轉換下環境去讀書.  

至於爸爸......

3b

由Year 9開始讀到大學需要8年, 這是一條漫長的路, 如果父母能夠負擔到2-4佰萬而買個機會當然好, 但是對經濟開支有很大影響的, 一定要量力而為, 如果讀2/3年後因經濟問題而必須要回港, 能否搵到適合的學校入讀, 小朋友心理質素又可否承受?

洋子

請吾好介意我甘講,  如果你每年最多只能供到40萬的話, 我建議你不如考慮去北愛爾蘭, 如果英國的話, 我真系擔心你好辛苦, 因為你還要預每年學費的加幅, 匯率跌得快, 學費加得仲快

過客

洋子 發表於 17-5-2 10:18
請吾好介意我甘講,  如果你每年最多只能供到40萬的話, 我建議你不如考慮去北愛爾蘭, 如果英國的話, 我真系 ...

多謝各位回應.
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年加薪 5 舊都冇.
如果係倫敦讀 2 年左右, 等仔仔適應了英國, 到時再轉去北愛或轉 d 平既學校再上, 可以嗎?

emmafish

過客 發表於 17-5-2 10:38
多謝各位回應.
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年 ...

我覺得直接去北愛，唔使係倫敦適應，係倫敦花花世界，容易心散。
要讀就要讀到中學畢業，可回港升大學，無可能出外讀兩年返來，再學通識同文言文

亮燈

過客 發表於 17-5-2 10:38
多謝各位回應.
我都有留意, 係倫敦果 d 學校, 每年加學費真係好勁, 可以一個 term 加 500 英磅以上, 我一年 ...

個人覺得唔好咁做，點解一定要去倫敦讀呢？如果真係經濟原因，一開始就去北愛讀，由細讀到中七，學校會好了解孩子，會幫到佢，但如果中途轉校，孩子又要重新適應，識新朋友，對佢學習都有影響啊！當然，如果間學校讀讀下覺得好唔掂就另計。

過客

亮燈 發表於 17-5-1 10:23
當然有，而且係必須，因為要俾學校知道小朋友既情況，學校就會評估能力，可否幫到佢，如果學校收得既！你 ...

選擇倫敦係因為親戚做監護人關係.  同埋仔仔有 d 情緒既問題, 如果有親戚睇住, 我會放心.
又監戶人既行政費都唔小, 如果我唔洗比筆監戶人一年既行政費, 補落學費到, 好似都係差不多.  (當然其他住, 食都係同比監戶人計法一樣)

亮燈

過客 發表於 17-5-2 11:29
選擇倫敦係因為親戚做監護人關係.  同埋仔仔有 d 情緒既問題, 如果有親戚睇住, 我會放心.
又監戶人既行政費 ...

明白，guardian行政費都係一個負擔，希望你計掂條數啦！

過客

亮燈 發表於 17-5-2 11:36
明白，guardian行政費都係一個負擔，希望你計掂條數啦！

多謝意見.

亮燈

過客 發表於 17-5-2 11:44
多謝意見.

唔使客氣，依家首先係一家人慢慢商量好先再算。