因為香港學習風氣問題 同埋 DSE 卷太講求技巧。廣告裡面導師有「天后」、「天皇」之稱，擁有明星一樣嘅高度人氣，然而佢地只係教書、補習！就算實際冇進步，望到隔離同學有補習而且分數又高過你，你都會心動想去補習，為求搏一個高分嘅機會。我父母果陣望到 d 廣告，話「XX％ 攞到 5**」「貼中題」，呢 d 真係好吸引。
就以小學英文黎講，好多家長會買 grammar 練習、送仔女去補習班，總覺得做多 d 英文練習，以後睇 keywords 就可以攞分，唔需要睇完成條題目，慳時間。如果補習老師貼中題，背熟答案，考試就連題目都無需要研究，直接背返答案出黎，一定滿分，以前小學就試過英文卷補習老師貼中文章，有幾個同學本來成績差都變左考得好好。
我自己教小學生英文，無可避免一定要教睇字眼同埋技巧，例如題目講咩人名、地方名，就係文章入面搵返，答案就會係上下句子附近，少 d 教睇同埋吸收文章內容（呢個方法，好多父母等唔切，總會想立即下一次就見效）。就好似 Microsoft Word 嘅 grammar 系統咁，見到你用 yesterday、last week 等字眼，就會提示你用 past tense。呢種方法，幫到成績差嘅小朋友考到好分數，幫到成績好嘅小朋友更容易攞滿分同慳時間。補習班係畀讀書進度跟唔切嘅學生以「技巧」同埋「勤力操練」跟上學校進度，考到好成績。呢個係 DSE 一樣道理，既然補習可以短時間內做到咁嘅效果，自然門庭若市。 :thinking:
補習社真係教好多技巧同 key phrases，有一次我補習等入課室，隔離古代教育 Pxxxxxx Chan 播 video，講緊點樣寫卷二書信，話跟住佢提供嘅字眼同 standard phrases，例如 “I am writing with regards to” 等等，如果同學仔係肯背書同埋到時候卷二選擇書信／議論題，只要文法通順，論點正確，一定保 4，加埋補習社提供筆記嘅一 d 「深字」，一定有 5。你話咁樣容唔容易攞分呢！因為呢類題目，唔需要英文程度高，只要通順有理即可，同埋補習社出好多呢類練習同題目。就算英文比較好果堆，都因為呢類題目有保障而唔去寫 Short Story。（應該冇咩人好似我咁揀飲擇食，因為懶得理格式同埋題目限制而死都要寫 Short Story ）我阿媽睇完 d Level 4 嘅 exemplar，話如果佢去考 DSE，用三年時間補習技巧同埋操練，佢都可以攞 4 wor。
不過香港一向主張 Business English，即係文法通順，冇錯字就得，所以唔係太多學生有心鑽研英文。睇英文書同埋睇外國劇嘅人多，但係寫英文嘅人同埋機會少，平日如果唔係自己上網寫野基本上冇咩機會練筆。會話就更加唔洗講（Speaking Exam 畀老師捉到錯 grammar 會扣分）。係英中女校讀咁多年，得兩個同學肯陪我癲，全英語對話，其他人都話「英文唔夠你好，所以費時出醜」。
發表於 17-4-5 23:21
）我阿媽睇完 d Level 4 嘅 exemplar，話如果佢去考 DSE，用三年時間補習技巧同埋操練，佢都可以攞 4 wor。
