呈三考完了，可以停唒D補習嗎？

洋蔥頭媽咪

IloveJJ 發表於 17-3-27 11:57
對!一早就應該cut晒啲補習。親自搵出問題先幫到孩子!

妳係好媽媽，有時候自己教一定最好
不過我要返工，冇咁多時間唯有外判及培養小朋友自學

little_yolky

Yanamami 發表於 17-3-26 19:11
其实補习係要不断review成效，睇睇下唔对路就要換~其实功課班真係有d無謂。 ...

我有D唔明去到高小咁大個點解仲要去功輔班, 係咪屋企無人睇住。因為上到中學都無功輔班了。


好似我親戚個仔仔, 同我兩個女差唔多年紀, 佢屋企有工人, 真係一對一, 但由小一開始都要去功輔班, 點解D仔唔可以老老實實咁自己响屋企做功課, 要咁無自由去功輔班俾人gap住又嘥錢。

karenlyk

考完呈三係鬆哂，我俾個女休息一個月唔補，5月再嚟預備升中，4月玩盡佢。

karenlyk

minglam240179 發表於 17-3-25 21:19
唉！都補左六年，功輔班，私英，私數！都係b3,一個月成四千元，邊有得叩門！可以停的話，都想停！
...

亞仔會唔會諗住有私補而唔努力？

私補都要人夾人，有空檢視一下成效

芷蔚baba

公文數K3讀到而家.變成一個習慣,所以唔會cut
英文私補就一星期4小時.改2小時.呀女又舒服D,我銀包都鬆返D

洋蔥頭媽咪

little_yolky 發表於 17-3-27 13:07
我有D唔明去到高小咁大個點解仲要去功輔班, 係咪屋企無人睇住。因為上到中學都無功輔班了。

去功課班其實各有原因嘅，當然如果小朋友要人督促先做果種升中後好易失控。但如果雙職家長收工已經冇乜時間教功課，咁去功課班都係唔錯嘅選擇。又或者好似我咁要返工囝囝放學冇地方去，功課班就幫倒極大忙，我囝絕對可以自己攪掂啲功課，但冇人湊都冇辦法，呢類屬託管性質較高。你親戚個仔可能得工人對住又唔識主動做功課，家長為免勞氣咪外判囉。

洋蔥頭媽咪

IloveJJ 發表於 17-3-27 13:24
因為唔識「自律」，唯有「他律」。因為工人唔惡，補習老師先惡（因為媽咪會鬧工人，但唔會鬧老師）。
...

仲有種情況係高小功課較深，在職家長收工太夜好難慢慢教小朋友，去功課班唔識都有導師可以問，呢個都係好多在職家長揀功課班嘅其中一個原因。

johnmamama

多口講句， 有d細路教來教去都吾識， 我見個有家長，自己同囡默書，話全對，但學校默就會肥佬， 由小一開始已出去補習又請人番來補都試過，到了小三要留班，最後入了band 3中學。

kmb2015ltd

洋蔥頭媽咪 發表於 17-3-27 20:11
仲有種情況係高小功課較深，在職家長收工太夜好難慢慢教小朋友，去功課班唔識都有導師可以問，呢個都係好多 ...

我地就係兩個都要返工，先想去功課班，果間中心仲冇位要排隊，到有位唔去就冇左個機會入，咁先頭痛.

洋蔥頭媽咪

kmb2015ltd 發表於 17-3-28 08:41
我地就係兩個都要返工，先想去功課班，果間中心仲冇位要排隊，到有位唔去就冇左個機會入，咁先頭痛. ...

如果有須要咪去囉，唔駛介意，最重要對小朋友有幫助。我大仔當年99湊，功課唔識要等我放工先教，去到高小唔多夠時間用，最後去功課班好好多。

minglam240179

^曾小姐^ 發表於 17-3-27 08:00
我女考呈三前已有b1c直資收咗,佢拿拿臨話cut晒所有補習,書都唔溫,呈三反而考到b1a成績,可能冇壓力原固先發 ...

停英文私補，個阿sir成日遲到早退，功輔報埋六月，等放榜註冊，報四星期補習班，再升上童軍團，學埋小提琴，等睇中學有冇嘢玩！

kwan_kwan3

minglam240179 發表於 17-5-20 19:51
停英文私補，個阿sir成日遲到早退，功輔報埋六月，等放榜註冊，報四星期補習班，再升上童軍團，學埋小提琴 ...

其實d補習老師可能補來補去d細路重覆又重覆d認識知識，冇補習反過來有時間尋找唔識的野，依家上網咁方便，自己找答案一d都唔難，自己找到答案滿足感去增強求學的能力。賺到時間可以睇下書，睇下電視，什至打下機獎勵自己，絕對開心過有人管住你去學d重覆又重覆已知的知識

ms.aeroplane

minglam240179 發表於 17-3-25 17:13
如題

我女個補習老師年初去左美國交流半年，我又唔想再搵，因為磨合都要時間，唔啱又換，嘥錢嘥時間，決定晤搵過個。呈三完全冇補習，我同佢溫下，心理上有D壓力，最後穩keep到成績，所以黎緊最後一次考試，靠自己。
唔補習唔係問題，最緊要keep住個態度！

sarali

minglam240179 發表於 17-3-25 17:13
如題

英文可以繼續

mch411

little_yolky 發表於 17-3-27 13:07
我有D唔明去到高小咁大個點解仲要去功輔班, 係咪屋企無人睇住。因為上到中學都無功輔班了。

我同太太返工冇工人冇屋企人湊, 所以一定上功課班,又有人幫溫默書, 七點零接佢返屋企已完成所有野,

有個同學仔婆婆湊, 放學返屋企左騰右騰18:00都未開波做功課,

晚晚成十點仲係WHATAPP GROUP問功課

MASAYA

洋蔥頭媽咪 發表於 17-3-27 12:12
妳係好媽媽，有時候自己教一定最好
不過我要返工，冇咁多時間唯有外判及培養小朋友自學
...

我反而覺得父母幫少d先容易識得自學，即係以前一家八口十口個d，父母全日出左去打工，d仔女個個識煮飯做家務，自己唔做邊個做。

我老婆全職湊兩個細路，我叫佢唔好理大女功課溫書，我叫大女自己上堂留心、功課自己做，小一我會教佢點溫默書，小三時功課默書自己搞晒，考試我會幫佢安排溫習時間，大d再放埋手考試自己溫。我覺得唔係能力問題，係有冇自己嘗試既空間同機會。

好似學游水踩單車咁，有水泡、水袖、輔助轆，其實要學識仲難，因為失敗機會已被剝奪，就冇得從失敗中學習。