想請問唔打任何疫苗會影響入學機會嗎?

L+H

印象中，如果學校俾offer你，你註冊時要交醫生報告或/及針咭副本，如果你無打疫苗，可能取錄唔到你

foopopo

dreamdream081 發表於 17-3-14 18:09
無接種疫苗，損人不利己

上當年 大仔被傳染水痘 個同學媽咪唔知乜係水痘針.....
好彩大仔打左 mmrv，只係出左少少 唔太痕 好快謝 。當時細女只出世幾個月 無傳染俾佢。
醫生話好彩有打針。

雖然打針總有風險 但唔打針風險仲大

dreamdream081

foopopo 發表於 17-3-15 08:52
上當年 大仔被傳染水痘 個同學媽咪唔知乜係水痘針.....
好彩大仔打左 mmrv，只係出左少少 唔太痕 好快謝  ...

大家做一個負責任的家長!!!

dreamdream081

大雯bb 發表於 17-3-15 01:01
其實越來越多人都唔同小朋友打針... 真係唔明佢地諗咩⋯⋯ 損人不利己

Agree!

chriskaan

請問樓主的意思係....連最基本由政府免費提供的免疫針都唔打 , 定係要自己自費的免疫針就唔幫小朋友打呢....?!

如果連政府免費提供到母嬰健康院的針都唔打 , 應該會無咩學校收 , 因為大部份幼稚園都要出示針卡 , 基本的針都應該要打....!!
但係如果你問 , 要自費唔係健康院包的針唔打 , 應該問題不大 , 因為每個家庭的收入唔一樣 , 有d針成千蚊一支 , 的確唔係個個家庭負擔到 , 這方面學校係會接受同理解的...

dreamdream081

BlessingBabe 發表於 17-3-8 20:15
想請問唔打任何疫苗會影響入學機會嗎?

健康院的都無打? Why?

cheche.lee

打同唔可疫苗各有理由，兩邊都有唔同既數據支持，係一個好個人既選擇。我只可以講作為一個唔為仔女打疫苗既家長承受既內心掙扎一點也不少，絕對唔係一個不負責任既行為。講反正題，我唔敢講全部學校都無問題，我冇為仔女報過晒咁多間學校。以上年報PN既經驗9間收左7間，今年報K, 暫時有3間。大部份都有收針咭，我照影印一張吉既針咭俾學校。個人感覺取錄與否與針咭不是太大關係，當然我唔可能評論晒咁多間學校。
其實係外國冇打疫苗也是很普遍...

picalo

其實理性d去睇MMR呢支針,如果會誘發自閉症,咁點解唔會全世界都變哂自閉?
如果媽媽正在懷孕,而家有幼童,更加要打,如果小朋友唔打,惹到麻疹,會影響個胎兒
打同唔打都可以各有原因
但記住人人打左,你唔打,並唔等如你有保障,不要以為,所有人打,人地就唔會病,即係唔會惹到自己小朋友
反而係人地打左,惹到好小事,唯獨自己小朋友萬一惹到就好大件事
如果因為崇尚自然療法,只可以講,大都市,一點都不自然,自然療法並不可以抵擋所有野

dreamdream081

cheche.lee 發表於 17-3-16 23:21
打同唔可疫苗各有理由，兩邊都有唔同既數據支持，係一個好個人既選擇。我只可以講作為一個唔為仔女打疫苗既 ...

內心掙扎一點也不少但會影響其他小朋友，好難會被認為是負責任既行為

dreamdream081

cheche.lee 發表於 17-3-16 23:21
打同唔可疫苗各有理由，兩邊都有唔同既數據支持，係一個好個人既選擇。我只可以講作為一個唔為仔女打疫苗既 ...

港島區的聖保羅堂做得好好，無提供針咭copy，一律不接受入學申請，就是唔想無打針的小朋友，入學後影响其他小朋友。

大家都要做一個負責任的家長。

noelai

dreamdream081 發表於 17-3-17 09:30
內心掙扎一點也不少但會影響其他小朋友，好難會被認為是負責任既行為

打唔打好個人。有人信自然療法，有人覺得有危險中自閉症都會唔打（雖然已經被證實係造假）。但其實生於大社會中。如果個個都唔打，爆發致命既傳染病機會真係高好多。之前睇新聞外國有個小鎮就係咁有個小爆發。唔打既人，我體諒，但佢個小朋友係一個生命，難道其他小朋友就唔係生命？生於現代社會，人口稠密，我們有權利亦有義務。

pugpugyan

noelai 發表於 17-3-17 23:01
打唔打好個人。有人信自然療法，有人覺得有危險中自閉症都會唔打（雖然已經被證實係造假）。但其實生於大 ...

十分認同，如果個個都相信自然療法而連最基本健康院包的疫苗都唔打，咁相信好多已經差唔多消失的病或疫症又會重臨社區。

唔打針的媽咪我相信你也認為自己為小朋友好，但我覺得這種想法太自以為事，以為不讓小朋友種菌佢哋就成世會冇事更加純天然，但實情是因為其他有打針的小朋友保護你的小朋友而已，並不是你小朋友特別健康