靈糧堂的英文課時很少, 仍值得選讀嗎?

cici201611

nixphoenix 發表於 17-1-17 17:24
同意

重學術重英文應該唔係靈糧嘅selling point

請問你小朋友係度讀嗎?真的培訓到自信自學方面嗎?
我都煩緊讀唔讀

nixphoenix

cici201611 發表於 17-2-22 16:12
請問你小朋友係度讀嗎?真的培訓到自信自學方面嗎?
我都煩緊讀唔讀

我小朋友讀緊學前班
佢好鍾意返學
返咗學後禮貌同關懷其他人方面真係進步咗

幾年前接觸過靈糧嘅小朋友
個時我仲未有小朋友
佢地真係smart主動同有禮
所以到自己有小朋友都㨂靈糧報
而好好彩佢地收咗我小朋友

靈糧係德育自信方面我覺得真係唔使擔心
但如果家長係比較注重學術
咁靈糧呢方面就唔係重點
真係要睇下家長想要啲咩了

Honey

我大仔係CWB靈糧堂畢業，真係keep到自信及學習興趣。現小六讀津小，唔需要補習，K3時有出外學phonics, 當年小一亦好快適應，當然父母係小一時要教吓佢做功課温吓默書，英文堂冇問題，小二仲自己主動報英詩朗誦比賽，至小六仲有比賽，要對住咁多人朗誦，我也不知他自信咁好。另外佢喜愛閱讀，小一開始學樂器，靈糧堂係閱讀、朗讀及音樂底子都打得好好。

大仔係學校積極舉手答問題，做英語大使、班長、風紀、風紀長，操行六年都A, 剛剛又考到直資Band 1中學，佢的品行及自信有可能就係幼稚園建立的，因為佢本身文静內向小小。

細仔係灣仔另一間有全日班幼稚園讀，學術上多少少佢亦品學兼優（小一），但自信及主動性較哥哥弱啲。

讀靈糧堂要清楚了解佢教育理念，家長亦要花時間伴讀及參與，不是交比學校而家長咩都唔理幼稚園，最好有共同理念先好讀。

sandra9102

Honey 發表於 17-2-23 13:32
我大仔係CWB靈糧堂畢業，真係keep到自信及學習興趣。現小六讀津小，唔需要補習，K3時有出外學phonics, 當年 ...

唔好意思，你大仔當年有考私小嗎？靈糧考直資私小成績如何？

cici201611

Honey 發表於 17-2-23 13:32
我大仔係CWB靈糧堂畢業，真係keep到自信及學習興趣。現小六讀津小，唔需要補習，K3時有出外學phonics, 當年 ...

多謝你0既詳細分享,靈糧0既教學理念我好鐘意,都想阿仔主動自信同自願學習,唯一怕的都係學術跟不上,我明白自己要參與教育,但都不知從何入手,靈糧有無字咭之類功課返屋企練習架?學校無學PHONICS嗎?除了英文,中文跟得上嗎?

cici201611

nixphoenix 發表於 17-2-22 17:33
我小朋友讀緊學前班
佢好鍾意返學
返咗學後禮貌同關懷其他人方面真係進步咗

請問你小朋友讀邊間靈糧啊?唔知係咪間間都咁教咧

nixphoenix

cici201611 發表於 17-2-23 15:12
請問你小朋友讀邊間靈糧啊?唔知係咪間間都咁教咧

我小朋友係靈糧分校
佢學前班老師都有派請說給我聽字咭俾小朋友
老師話想小朋友自小建立閱讀興趣
又可以訓練小朋友自主搵人讀俾佢聽增加信心
我知呢個計劃係靈糧咁多間分校都有
亦聽聞佢地嘅課程都係一致嘅

讚同樓上嘅媽媽分享
靈糧真係要認同佢理念
如果唔係家長同學校都辛苦

cici201611

nixphoenix 發表於 17-2-23 15:26
我小朋友係靈糧分校
佢學前班老師都有派請說給我聽字咭俾小朋友
老師話想小朋友自小建立閱讀興趣

多謝你分享,我小朋友都比較靜,鐘意睇書,初初我都怕佢係學校happy得制玩喪左,聽完你地咁講我有返信心,自信主動同主動學習無論幾時都需要

Honey

sandra9102 發表於 17-2-23 14:42
本帖最後由 sandra9102 於 17-2-23 14:43 編輯

唔好意思，你大仔當年有考私小嗎？靈糧考直資私小成績如 ...

我有名津小25分，大仔求其考一兩間直資，漢x有offer冇讀。

我仔有同學去St. Stephen 赤柱，有 St. Paul Boys， 聖心，港同，其實好睇家庭願唔願比錢讀直私，視乎一批批家長。

jwyt

3至6 歲是幼兒語言發展黃金期, 但靈糧堂卻不教多些英語, 普通話就更沒教, 都吾明點解, 每日都教英語及普通話各15分鐘有幾難? 好多幼稚園都做到.  希望學校會優化課程設計, 而不是固步自封或自滿.

Honey

jwyt 發表於 17-2-23 19:38
3至6 歲是幼兒語言發展黃金期, 但靈糧堂卻不教多些英語, 普通話就更沒教, 都吾明點解, 每日都教英語及普通 ...

英語及普通話每週都有堂，網頁已有資料，我細仔讀另一間灣仔幼稚園全日班，上英語及普通話堂數一樣，冇咩分別。

課程資料
http://www.lingliang.org.hk/form/frmLLCourse.aspx

星星的後裔

jwyt 發表於 17-2-23 19:38
3至6 歲是幼兒語言發展黃金期, 但靈糧堂卻不教多些英語, 普通話就更沒教, 都吾明點解, 每日都教英語及普通 ...

唔係啊，有教普通話但不是英普幼稚園的程度。
靈糧比的不是學術而是開心童年。靈糧用家都感受過小朋友在校有幾開心，而我屋企樓下就有另一間連鎖標榜比催谷的幼稚園。那間分校中間是個露天小playground，我可以看到個小playground 的。我間中都會病假或休假，但我從來都無聽過那間幼稚園學生發出的叫聲或歡笑聲。正面看是為鄰近住戶好，小朋友亦有教養，不會亂叫。但我就寧願聽到他們活動時在陽光下的笑聲，上下課時的開心笑聲，玩樂聲。都是那句，咸魚青菜，各有所愛。

nixphoenix

jwyt 發表於 17-2-23 19:38
3至6 歲是幼兒語言發展黃金期, 但靈糧堂卻不教多些英語, 普通話就更沒教, 都吾明點解, 每日都教英語及普通 ...

3-6歲係幼兒語言黃金期無錯
但要學second 甚至third language唔係靠一日半個鍾嘅input就得架

外國研究指bilingualism 係會對小朋友思維有幫助
但人地嘅研究多數用係真正bilingual嘅家庭（即父/母親母語唔一樣，兩者都達native 標準）
反而自制雙語甚至三語環境對幼兒嘅語言發展係百害而無一利
因為input嘅quality 同quantity 都唔夠
如果小朋友對語言學習唔夠敏感
好似令母語都唔夠好（可以參考下fb "言語治療師的玩具箱嘅最新文章「英普班的謬誤2」），甚至影響思維發展

再者其實跟據學前教育指引
其實學前階段second or third lang唔係最重要
指引要求幼稚園都係提供機會去引起興趣而矣
其實靈糧係呢方面已經做到了

同埋靈糧嘅宗旨真係開心學習自主學習
如果家長好注重英普語言能力
其實應該都唔會覺得靈糧係佢地杯茶了

nixphoenix

星星的後裔 發表於 17-2-23 21:32
唔係啊，有教普通話但不是英普幼稚園的程度。
靈糧比的不是學術而是開心童年。靈糧用家都感受過小朋友在校 ...

同意
真係睇下家長重點想培育邊方面
咸魚青菜各有所愛

星星的後裔

nixphoenix 發表於 17-2-24 00:14
3-6歲係幼兒語言黃金期無錯
但要學second 甚至third language唔係靠一日半個鍾嘅input就得架

我都認同上堂d d 時間，學三語什至四語，無環境支援真係好無謂。 要留意是無環境支援下計。有幼稚園學PTH 都唔夠，仲要學日文或西班牙話， 若屋企無人識無人講真係浪費時間。

我個人例子， 我小朋友可能語文能力低，英文還可以， 鍾意講英文多個中文。即使父母都去過外國讀書， 英文水平都還可，可惜真係未達母語水平。已預視到初小已支援唔到， 詞彙方面亦很局限。 英文都如此，所以仲三語四語真係自己呃自己。

ashleycece

世上沒有最好的學校，只有最適合的。其實真係睇家長目標係咩？家庭配合如何？

而靈糧亦絶非學術行先的學校，英文和普通話都有教，只是課節比英普幼稚園的少，這是事實。靈糧不重操練，K2先寫字。它們希望孩子探索，主動學習，在遊戲中學習過來。亦透過宗教去教導孩子徳育。學校有字咭，請聽我讀等計劃去令孩子對閲讀產生興趣。小朋友每天上學都是開開心心的。每個孩子都期待上課，期待學習。

當然在學術層面上，英普幼稚園係有優勢，所以正如樓上所講，咸魚青菜各有所愛。

我自己個人覺得孩子識幾多隻字唔係最重要，佢肯主動去學才是重點，在幼稚園跟初小學習動機比學習成績更為重要。

jwyt

升小報考直資或私校時, 靈糧堂畢業生會否因學術/語言較弱而不夠人爭?

星星的後裔

jwyt 發表於 17-2-24 20:32
升小報考直資或私校時, 靈糧堂畢業生會否因學術/語言較弱而不夠人爭?

都係果句介意學術就唔好揀靈糧。而且不應/不能單靠學校谷學術。

nixphoenix

星星的後裔 發表於 17-2-24 20:49
都係果句介意學術就唔好揀靈糧。而且不應/不能單靠學校谷學術。

同意

另外其實靈糧升小透明度好高
網頁已經寫哂
家長可以自行判斷