15分, 想來年讀旅港開平小學(40網), 可以做什麼?

0030

回覆 anniesiu2001 的帖子

想問下除了旅小的諮詢，有無其它40網二線小學的諮詢可分享呀，比如聖多馬小學～

anniesiu2001

回覆 0030 的帖子

討論區內暫未有聖多馬家長、校友詳細報料，未能解答。只知道P1-P6每級3班，自行收45人，基本必收生及校友都已填滿，15分難入。屬新型校舍，升中約有3X%屬B1，統一派位乙1都收唔晒。

ronaldlcm

0030 發表於 16-12-5 09:43
回覆 ronaldlcm 的帖子

我自己也喜歡協和，之前一路都想報，雖然只有15分，但協和自行年年超，變相統一排 ...

但我見14,15年德貞幼稚園入左協和長沙灣有21個... 都算幾多...應該未必一定睇名校既..

0030

回覆 ronaldlcm 的帖子

德貞算系好多班的幼稚園~21個應該包括自行和大抽獎的，叩門入的應該唔算多～

0030

回覆 anniesiu2001 的帖子

我想了解下升中情況，因為小女讀緊，想問下大概一個年級派幾多想可以入到英中，如上智或聖母玫瑰等女校~

ying8

ronaldlcm 發表於 16-12-5 11:38
但我見14,15年德貞幼稚園入左協和長沙灣有21個... 都算幾多...應該未必一定睇名校既..
...

純計數，長協今年收365票，自行已收83（必收生超額8個），即有282人（包括手持20分的校友）未能獲派。預計統一派位有62個（已扣5個留級位），倘排第一志願人數不變，即有220人未能入讀，須等候叩門或出外撲位，中籤機會只有22%。前年德貞縱有21人入讀，部份可能是有兄姊在學，屬必收類別，或許背後有幾十人未能如願。相對荔天、旅小、瑪小，應更難獲派。

anniesiu2001

回覆 0030 的帖子

聖多馬每級90人，如真有3X%B1，全級頭30名才有機會入英中。由於該校沒公佈詳細升中資料，過去未知有多少女生入上智及玫瑰。

helenfu

借位一問: 咁如果同樣15分, 基福 VS. 基愛, 邊間好D?

ronaldlcm

睇睇下, 覺得協和講到應該唔好諗...
旅港見大家勁讚, 同埋得100個位, 睇黎都係爭崩頭...
再選心儀就係基福了....再近D屋企, 新校舍, 但人多..

anniesiu2001

根據討論區家長報料，如果同樣15分，首輪基愛必入；基福15分有得抽。大抽獎階段，基福乙1入唔晒，基愛乙3都入到（今年難料）。升中表現當以基福較優，約有33-35%獲派英中（難以跟協和、荔天、旅小55%-60%比較）。

ronaldlcm

anniesiu2001 發表於 16-12-5 17:14
根據討論區家長報料，如果同樣15分，首輪基愛必入；基福15分有得抽。大抽獎階段，基福乙1入唔晒，基愛乙3都 ...

真係好難諗..雖然個個話要睇下自己小朋友適合乜野學校..但睇番40網內的..
如果小朋友能力正正常常, 好多時都係靠父母, 老師之後的栽培..
如果話一間5X%入好中學, 另一間3X%, 正常都希望入好嗰間.. (當然話有人鍾意小班, 鍾意新校等, 但最後大家咪又係睇升中)
但考選卻只係抽獎(以冇乜分, 冇必入既人計), 即係根本係睇父母賭大細既決心..
好亂....

anniesiu2001

出生率高，自然多家長選讀好的學校；隨遇而安，多加支援，小朋友入讀邊間學校都會有出頭天。

michellelee1979

helenfu 發表於 16-12-5 17:04
借位一問: 咁如果同樣15分, 基福 VS. 基愛, 邊間好D?

基褔……大校，升中好過基愛好多，而且基褔都谷嫁，今年2個朋友15分選擇也入不到，要等大抽獎。

基愛……說真，細，有點舊，但出名有愛心。如不想太谷，基愛旦一個好選擇，應該放乙二，機會都大。

ying8

michellelee1979 發表於 16-12-5 18:27
基褔……大校，升中好過基愛好多，而且基褔都谷嫁，今年2個朋友15分選擇也入不到，要等大抽獎。

基愛…… ...

基福大校，人手多，資源多，全級成180人，但升讀英中學生人數竟跟旅小細校、小班，全級約110人差唔多，都係約60多人。究竟是基福差？還是旅小勁？

michellelee1979

ying8 發表於 16-12-5 18:46
基福大校，人手多，資源多，全級成180人，但升讀英中學生人數竟跟旅小細校、小班，全級約110人差唔多，都係 ...

不用比較，只有適合。成日話幾多%可入英中，但6年後有誰知道小朋友程度去到邊。

ronaldlcm

michellelee1979 發表於 16-12-5 18:52
不用比較，只有適合。成日話幾多%可入英中，但6年後有誰知道小朋友程度去到邊。
...

對呀。。如果你小朋友叻，係全學頭三十，去邊都一樣。。
無理由話間學校幾多%去好中你小朋友就係嗰個%。。。。
重要六年後。。
點解咁多人keep住抬高某校？！唉

ying8

michellelee1979 發表於 16-12-5 18:52
不用比較，只有適合。成日話幾多%可入英中，但6年後有誰知道小朋友程度去到邊。
...

說得都有道理，但入英中人數可反映該校整體學術水平，唔到家長唔計較。最怕小朋友升中後，達唔到中學要求！

ying8

回覆 ronaldlcm 的帖子

樓主，這個post是你開的。若果話要擡高某校，你都係其中之一。

小小山

15 分, 只等大抽獎, 選最喜歡的放甲一 & 乙一 (派到會笑醒嗰隻), 易入的乙二. 做好叩門準備.
實際的確是乙一 or nothing.