..

oh_really

好想就呢個題目分享吓。我自己4月出世，妹妹11月，自小我成績好，妹妹就明明唔蠢都追得好辛苦，變得冇自信。到我做咗媽咪先諗到可能當時都有大細B學習差異嘅問題。

到我囡囡，12月細B，入幼稚園時雖然覺得佢算聰明，但亦有心理準備俾佢K1留一年，所以一早同老師溝通好，請老師多加觀察，如果明顯落後，就俾佢重讀。出乎意料佢幾乎個個學期攞獎，但呢間幼稚園係超開心活動型，所以亦有諗過唔知升小掂唔掂。到小一升上傳統女校，又俾佢由一開始就適應到，到而家小四，老師評語每年都係品學皆優。

睇到呢到唔好誤會我曬命，我非常感恩上天賜我如此女兒，但其實除資質外，確實需要下苦功才會有此成績。為免太長，再分開回覆資質與如何準備升小問題。

oh_really

接上文：在個性方面，囡囡開朗而溫和，社交上唔錯；資質方面，算是一點就明，記性相當好，但說話能力到初小都不及其他同學，加上屬觀察型，老師會覺得佢靜，開學初期唔會留意到佢。

我曾經在家長日問老師，而家Ｄ細路個個都叻，佢憑什麼取勝。老師答我，兩個字：專注。加上其實小朋友的能力是有分別的。老師又提示要多閲讀，build up腦中的詞彙，就可以 keep 到成績。

講一個extreme case，朋友兒子１２月底細Ｂ，自小在名男校年年考第一，而家在港大讀醫。朋友話佢有此成績係因為從小大量閲讀。

oh_really

就準備升小問題，我女最愛畫畫，冇其他本領。佢間幼稚園本身有私小，到K2下學期老師提醒，如果想上小學部就要加强中文認字，因為囡囡當時英文比中文好。陣囡囡本身只有畫畫興趣班，為順利升小，而且見佢又鍾意學野，於是幫佢報咗中文認字班，phonics 同普通話，呢三樣上咗大約半年至一年，到小一開學前就轉咗上兩個月中文閱讀理解&數學。小一開始冇再上任何中英數課程，零補習，功課自己跟。可能因為個底打得好，到而家成續都好。

見到上面有講自信問題，我女雖然細，但有自信。我一向採取 positive reinforcement 方法教女，自小對佢讚多彈少。後來聽到個兒童心理學家講，爸爸、媽媽每人每日起碼各自要讚每名子女三次，要讚得言之有物。我同老公一直有咁做，可能因為咁，囡囡情緒好好，冇脾氣，有自信。大家不防試下。

gracelam

原帖由 honeyt 於 16-11-23 發表
請問有無大B同細B嘅家長可以分享下，你地小朋友升上小學後，有無發現有乜優勢或者係有乜劣勢呢？

明白每 ...

仔小三。 10月b，小一小二成績全班十名內，kl時自理/對答/理解比較落後，但k2開始追上，寫字的小肌肉還比其他部份大b優勝，所以決定做細b.

hippoo

oh_really 發表於 16-11-24 09:54
就準備升小問題，我女最愛畫畫，冇其他本領。佢間幼稚園本身有私小，到K2下學期老師提醒，如果想上小學部就 ...

多謝分享

jestella

多謝大家的分享，最近教導女兒有點兒氣餒，看到這麽多細B的例子，覺得因材施教+努力堅持是不二法門。共勉之！

irischowys

我仔細仔，好細個發現佢認字好快， 記性好，係講嘢差啲同好頑皮。 結果而家小三， 成績好好， 數感強，不過講野依然係差。 再畀我揀 ，依然會做細仔， 因佢最大問題係講嘢差， 要跟大過佢嘅人先會學得好。 另外非常頑皮， 要跟淡定過佢嘅人先會得好。 所以做細仔係不二之選。
樓主要多啲觀察自己小朋友嘅特質， 而去揀做細仔或者超大仔， 冇話一定啱或錯。

cyytracy1112

阿女係大B, 12尾出世，由幼稚園開始已睇到佢的優勢，完全跟到老師的指示、要求，記性亦比同班同學好，阿女 K2 時大班裡一個女同學差唔多1年，大家都係12月生。由於小肌肉發展較好，執筆寫字非常工整。由於各方面都教班裡同學好，升小學以來，一直在班頭6名內及全級非常前列的位子 (老師話)。

scgift

我自己係11月細女，小一至小六年年考級頭三名。阿女 8月尾出世，差1日就係9月細b, 讀緊k1, 手肌自理語言能力均不錯，學術又跟到，唔比班上既大b差。所以我覺得大細b差異就算喺k1都唔明顯，上小學我都完全唔擔心。其實家長培育都好重要，阿女班上有啲同學大佢幾個月，但一舊雲咁連基本自理都做唔好

connie_51

我女都是11月尾細B。上小一冇咩問題。最大分別是身高。。前5個實有佢份。

sharonchan.0711

其實讀私幼定學卷都對升小後表現有影響

day_bo

sharonchan.0711 發表於 16-12-12 23:52
其實讀私幼定學卷都對升小後表現有影響

同意，冇論大B細B，如讀私幼，升小後表現通常不差。另外我覺得私幼多D資源、耐性教細B。當年考N班、K班，打去詢問學卷的幼稚園有関入學事宜，他們知道我仔12月出世後，也沒心去答我問題，有D仲好冇禮貌。所以都費事報學卷，只報私幼，結果3年半後有不錯學術水平，現在小一表現不錯。

ClaireWmama

little_yolky 發表於 16-11-23 08:47
大女--11月底細B：由細到大, 因為人哋學嘢理解嘢一定叻過佢, 佢就不斷追呀追, 對自己要求好嚴格, 因為佢知 ...

感覺吖妹EQ高, 個人好樂觀, 都好嫁, 係要有一下比佢開竅家姐可能handle壓力會差d, 可能參加其他學業以外ge活動建立多d自信

little_yolky

ClaireWmama 發表於 16-12-14 12:06
感覺吖妹EQ高, 個人好樂觀, 都好嫁, 係要有一下比佢開竅家姐可能handle壓力會差d, 可能參加其他 ...

等佢開竅, 我擔心我都百年歸老了 家姐係handle壓力差D, 不過無辦法, 佢課外活動已經做得好好, 超晒標, 但仲係無自信, 俾老師講：唔好成日望住個地下, 响台上面要多望觀眾, 唔係一睇就知你無信心。

ClaireWmama

little_yolky 發表於 16-12-14 12:20
等佢開竅, 我擔心我都百年歸老了  家姐係handle壓力差D, 不過無辦法, 佢課外活動已經做得好好, 超晒 ...

慢慢教加油吖

little_yolky

IloveJJ 發表於 16-12-14 13:02
你哋成日讚女，又成日去表演，都無自信?

做細Ｂ既side effect嚟。

ewatsang

我仔12月, 我比佢做大仔, 轉校 repeat k1, 而家剛升上小一, 唔知係佢間幼稚園好, 定係佢做大仔的關係, 好明顯, 好多野都唔錯, 功課考試無咩點理佢, 成績我都好滿意, 老師話 expect 佢可以更好。for 我仔, 我覺得我比佢做大仔係絕對正確