小四生應怎準備升中

ysnmama

總之要呈分的科目都重要。但中英數佔比重較高。所以要好好保持。語文根基要好。數學運算要準確及掌握時間，唔夠時間做也可以失很多分。音樂科練好學校的要求。視藝要靠點天份，但如果用心做也會加分。

MASAYA

準備考中學同準備讀中學係兩件事，升中只要搞掂呈分個幾科就可以，準備讀中學，例如英中，唔係英文科成績好就可以，英文聽讀能力高係英中可以進步得好快，數學科成績都係，操卷得返黎既成績未必可以應付中學既數

Isaacmommy

原帖由 王家爸爸 於 16-09-29 發表
睇電視、Youtube之類既節目既問題係有時講得太快，多地區性用語、口語用字、流行語。

睇presidential deba ...

Presidential debate is good!👍我小朋友都喜歡看。

王家爸爸

如果小朋友今年係小四生，其實都應該開始去中學既開放日，先了解清楚目標學校。

MASAYA

little_yolky 發表於 16-9-29 15:18
我一直都只係準備讀中學,有聯繫位真係輕鬆D。

有冇聯繫位都係咁，升小我都係準備讀小學，升中咪準備讀中學，我反而唔太鍾意龍校、聯繫、直屬，好容易限制選擇，而家適合讀呢間幼稚園未必適合讀同機構既小學，中學亦然，到升學時再決定一間適合自由d
當然都唔會零準備考小學同考中學既，不過唔會係最重要個樣囉

little_yolky

MASAYA 發表於 16-10-5 11:56
有冇聯繫位都係咁，升小我都係準備讀小學，升中咪準備讀中學，我反而唔太鍾意龍校、聯繫、直屬，好容易限制 ...

如果無咗聯繫/直屬/龍位, 真係要以考中學行先, 除非小朋友天生異稟, 唔係就真係一分不能少, 平均分差一分, 差成10個名次, 老實講, 一分係D乜? 完全係運氣, 但就決定咗你有無權揀你認為合適既學校。始終你揀人好過人揀你。

MASAYA

little_yolky 發表於 16-10-5 12:16
如果無咗聯繫/直屬/龍位, 真係要以考中學行先, 除非小朋友天生異稟, 唔係就真係一分不能少, 平均分差一分,  ...

我個諗法係認認真真讀書，得出黎既成績就係佢適合既程度，再係呢個程度既學校揀間校風好同教學模式既學校，而唔係只睇最top個d去追逐，因為唔夠分讀唔到，咁間學校即係唔適合，勉強操到夠分又會變成適合？

little_yolky

MASAYA 發表於 16-10-5 12:30
我個諗法係認認真真讀書，得出黎既成績就係佢適合既程度，再係呢個程度既學校揀間校風好同教學模式既學校， ...

認認真真讀書, 都要有考試技巧同適當既操練既。到高小, 如果只係認真讀書既話, 睇怕連B1都keep唔到。有陣時唔係小朋友唔識, 達唔到標, 只係技巧不如人, 或唔夠嫻熟而已。當然, 我從來唔會支持過度操練同催谷。

KenixSoSum

回覆 細細粒媽咪 的帖子

我個人認為考好每一次試都好重要, 因為中學首輪面試要提交5至6年級成績表,操行亦起碼要A才行。
有學校會預留1-2個學位給特異功能學生,可看出都是以好成績為指標。面試間間不同, 先看心水再決定怎樣安排子女參加面試班。某些學校1對1面試, 有些是學生小組以討論形式討論指定題目,由學生自行互相撕剎。所以要看小朋友性格決定首輛學校面試。大抽獎當然就只按成績了。

optman88

話分兩頭，其實如果係睇分數，中英數常 其次係視藝都 x 3 的。

但，如果要適應英中，英文就要好啲，同要習慣下課堂上用英文。有啲小學早係 4/5 年班 ( 我仔仔間就係 5 年班 )  ，以經慢慢加入英文，數學就加啲英數，所以而家佢都好適應。小學真係有功勞

Yanamami

little_yolky 發表於 16-10-5 13:24
認認真真讀書, 都要有考試技巧同適當既操練既。到高小, 如果只係認真讀書既話, 睇怕連B1都keep唔到。有陣時 ...

你真係好鬼灰……“只係認真讀，恐怕連band1都keep唔到~”小学野有幾多“技”吖~总之少careless mistakes同時间分配做得好已經好掂｡至於点可以做到？我觉得睇性格，無得操番黎｡

little_yolky

Yanamami 發表於 16-10-6 08:55
你真係好鬼灰……“只係認真讀，恐怕連band1都keep唔到~”小学野有幾多“技”吖~总之少careless mistakes同 ...

因為我哋學校要考到級20名內先可以100%包保係B1, 之後的就算老師話係, 我都唔敢包, 因為年年1/3人考直資, 都唔知邊個係真B1。

小學嘢雖然淺, 但去到高小, 因為量多, 如果無乜技巧同嫻熟, 要入20名唔係易事。阿大今年開學無耐同我講：「媽咪, 班入面好多同學原來星期一至五, 都有去補習的。」個個都咁博, 只係學習態度正確, 都真係相當輸蝕。我都考慮緊, coming暑假捉唔捉阿大去呈分操卷班, 抑或俾佢開心埋呢個暑假。

Yanamami

little_yolky 發表於 16-10-6 09:05
因為我哋學校要考到級20名內先可以100%包保係B1, 之後的就算老師話係, 我都唔敢包, 因為年年1/3人考直資,  ...

所以我唔多認同“讀到書既去边间学校都－样”呢句話~根本就不－样｡

王家爸爸

Yanamami 發表於 16-10-6 09:24
所以我唔多認同“讀到書既去边间学校都－样”呢句話~根本就不－样｡

呢句說話既前題係同banding既學校，例如我一直都覺得揀QC、SJC、KC，三間裏面邊間都一樣。只係睇小朋友鍾意邊間多啲。

王家爸爸

IloveJJ 發表於 16-10-6 09:16
得20名band1咁少?

兩個可能：第一，學校真係咁差；第二，區內英中比例較少（三分一以下），加上老師太保守，想啲邊緣人揀直資，做靚盤數（升英中比例）。

王家爸爸

IloveJJ 發表於 16-10-6 09:36
佢係九龍城女私小喎，無理由咁差卦?!

九龍城有女私小既咩？
印象中九龍城啲私小都係男女校，而非名小（協恩、瑪利諾修院嗰啲）既資助女校好似有三間，聖羅撒、天神村同衣車，三間都係好學校。