匯基（東九龍）有SEN support嗎？

Chowying

原帖由 CrabPincers 於 16-09-27 發表
我仔小學是官校，support好好，我真心多謝d老師/主任甘幫個仔，有輔助老師每星期同我仔傾計，又成日打黎同 ...

感謝回覆。你仔學校好唔錯，真係恭喜你。我女學校就好一般喇 我都唔係特別歧視官津校，只係覺得未讀之前都係好難了解個實況，分唔到邊間係有心邊間冇 尤其我女係自閉，表面上學業冇問題，上堂又冇紀律問題，係社交唔掂，呢 d 好易比一般老師 ignore

patpat234

我早2年揀中學時我又無考慮過學校有冇support sen, 我仔成績夠入b1,操行算可以，又係社交唔得，不過阿仔心中只有英中，中中佢完全唔考慮，既然成績可以，升中呢個位俾佢自己揀。
佢真係有啲運，由幼稚園到小學依家中學，學校一直都有support ,今年中二，學校繼續有社交小組俾佢，小組社工都有同我面談過。舊年都同學校社工溝通過，我相信佢地都有揾仔傾計，但內容係乜社工話承諾左阿仔唔可以同我講。
出年到阿女揀，阿女社交好過阿仔，成績都好過阿仔，其實睇佢呢幾年，學校老師無投訴，社工無接觸過，上到中學無support都應該問題不大掛。