有冇孩子在紐西蘭讀中學,好不好?

ffffffff

各位好,大家傾吓計
我兒子今年4月尾讀緊中三時我就安排他去咗紐西蘭讀書
我兒子平時每天放學回家就會入房上床用個IPAD睇野,佢可能用IPAD來做温功課或睇其他野,但我從未見過我個仔拿住本書温,為此我經常勞氣,由中一開始,其實小四開始,佢啲成績就每況愈下,直到中三頭個考試已去到中英數都不合格了,剛啱有同事送咗個仔過英國,於是我的起心干找個英國agent問吓,跟住.....呢part唔講住,最後找了紐西蘭agent,就咁就安排咗個仔去紐西蘭讀書,agent話安排佢插yr 10,但到個仔剛入學一個星期,個仔就話學校安排佢讀yr 11,我話你得唔得呀,時間過得很快,下個月又話返來放暑假嗱,咁仲有兩年就話高中畢業,仲快過香港.
最後想講一樣野,我個仔本身中英數都唔合格,如果佢都能渡過到的話,咁妳地啲仔女無可能比我個仔差啩
在此祝各位有意送子女到紐西蘭的家長們,大家一起加油,改變子女命運.

藍藍mami

lu-ka 發表於 16-10-5 10:08
其實我有睇過好學校資料，一年要4-5萬 NZD，坦白講，資金有限! 依家自己apply  Hamliton boy's 聽聞唔錯， ...

Wanganui 好遠下, 如果間學校intl support 麻麻, 仔仔要對學校態度強硬d, 好多學校唔會幫intl爭取最好成績, 要教小朋友有要求就要同學校自己提出
另一間hamilton boys 我未聽過
名校boarding 有otago boys high school , auckland grammar. 後者你預好多asian, 不過係讀得書個d
其實我個人意見係boarding 好少出得街所以最重要係學校support 同讀書氣氛
至於價錢方便住boarding 每間都應該差唔多

lu-ka

原帖由 ffffffff 於 16-10-05 發表
各位好,大家傾吓計
我兒子今年4月尾讀緊中三時我就安排他去咗紐西蘭讀書
我兒子平時每天放學回家就會入房上 ...

請問你仔仔讀邊間? boarding 嗎？ 可以升 year 11?

lu-ka

原帖由 藍藍mami 於 16-10-05 發表
Wanganui 好遠下, 如果間學校intl support 麻麻, 仔仔要對學校態度強硬d, 好多學校唔會幫intl爭取最好成績 ...

Otago boys 我有聽過，但應比較多中國人。Hamilton boy 我直按問過學校，佢地有 4名香港學生，共有70名國際學生，但全校2千多人啊! 比到都算少。 另請問我係唔係可以自己跟學校聯絡搞入學申請? 程序會煩嗎？

lu-ka

原帖由 藍藍mami 於 16-10-05 發表
Wanganui 好遠下, 如果間學校intl support 麻麻, 仔仔要對學校態度強硬d, 好多學校唔會幫intl爭取最好成績 ...

Otago boys 我有聽過，係名校嗎？ 學費唔係好貴咋噃!!  但應比較多中國人。Hamilton boy 我直接問過學校，佢地有 4名香港學生，共有70名國際學生，但全校2千多人啊! 比率都算少。 另請問我係唔係可以自己跟學校聯絡搞入學申請? 程序會煩嗎？

lu-ka

原帖由 ffffffff 於 16-10-05 發表
各位好,大家傾吓計
我兒子今年4月尾讀緊中三時我就安排他去咗紐西蘭讀書
我兒子平時每天放學回家就會入房上 ...

我仔都係中數唔合格，感覺係香港真係冇出路，所以先會放佢出去，至少有多條路行。你仔仔讀得 ok嗎？ 有心機讀嗎？

藍藍mami

lu-ka 發表於 16-10-5 20:38
Otago boys 我有聽過，係名校嗎？ 學費唔係好貴咋噃!!  但應比較多中國人。Hamilton boy 我直接問過學校， ...

其實你意向係仔仔去遠d? 如果只計公開試排名
otago boys 同hamilton boys 差不多(ref:https://www.odt.co.nz/news/dunedin/kings-top-ncea-rankings) , 都算名校, 整體公開試成績排好前. 但otago boys 運動特別出名, 你仔仔有冇打算讀nz 大學& 大學讀咩？dunedin otago 本來係otago university 大學城, 當地住嘅大部份都係學生, 醫療科特別出名, 如果你小朋友有興趣早d試下係個邊都ok

如果唔使boarding , 願意住homestay 男校best of the best 係 king's high school, 同otago boys 一樣係dunedin, 而且只有1000個學, 40個international
2000人學校算好大 hamilton 我未識人去過個邊讀, 抱歉真係無咩意見俾到你

藍藍mami

lu-ka 發表於 16-10-5 20:38
Otago boys 我有聽過，係名校嗎？ 學費唔係好貴咋噃!!  但應比較多中國人。Hamilton boy 我直接問過學校， ...

自己同學校申請入學冇問題, 至於程序就間間唔同, 名校報名後有機會要skype interview etc,  但自己一步一步來肯定可以做到

藍藍mami

lu-ka 發表於 16-10-5 20:38
Otago boys 我有聽過，係名校嗎？ 學費唔係好貴咋噃!!  但應比較多中國人。Hamilton boy 我直接問過學校， ...

最後一樣留意番係你想小朋友讀Cambridge (CIE) or International Baccalaureate (IB) exams / NCEA, 每間學校讀嘅課程都會唔同

Babysam79

藍藍mami 發表於 16-10-4 21:10
d人好乖 個區係比較有錢 少maori, 操行方面唔使擔心 係咪Tauranga Girls? Otumoetai college? bethlehem?  ...

讀Otumoetai college, 不知這間好唔好，只是覺得校舍大同運動選擇多，我囡在香港成績很差，不知跟唔跟得上, 請問這裡程度淺嗎？yr 10=香港form幾左右？
在Auckland 落機，有幾天時間玩，有沒有介紹? 玩完才搭巴士到Turanga（都考慮緊搭內陸機）。

Babysam79

ffffffff 發表於 16-10-5 16:39
各位好,大家傾吓計
我兒子今年4月尾讀緊中三時我就安排他去咗紐西蘭讀書
我兒子平時每天放學回家就會入房上 ...

我囡又係包尾個種，主課得數學合格，而家搵上門補習惡補英文，希望去到唔會啞哂啦，因為個邊啲學校，只收3-5%外國人，所以一去到已經全英文，相信無咩香港人做同學，好擔心唔適應，聽唔明老師講咩？
請問你仔仔初初聽唔聽得明老師講書？跟同學又點溝通？快唔快識到朋友仔呢？

藍藍mami

Babysam79 發表於 16-10-6 00:01
讀Otumoetai college, 不知這間好唔好，只是覺得校舍大同運動選擇多，我囡在香港成績很差，不知跟唔跟得上 ...

year 10=nz 中四 但呢邊要讀七年中學
你女女香港係讀英中嗎？year 10,11 重係玩玩下, pass 到就可以, year 12,13先正式叫計分, 程度應該比香港淺, 有得追的
auckland 如果唔自駕遊都係簡單觀光, 去市內附近交通方便嘅mission bay, sky tower, fish market, auckland zoo, one tree hill睇羊, mount eden, 坐船去附近啲島參觀

ffffffff

開頭我無諗住找紐西蘭學校,因我以為好貴,但因去唔到英國而當我睇報子寫住十几萬一年,真定假呀,先再找agent,agent揾咗几間,通常妳一問佢,佢就攞几間資料比妳睇,Otago boys 我都睇過,但中學有几百間,妳會否甘心睇得果几間資料就決定孩子生死,再問佢攞佢都無咁多資料catalogue比到妳,佢一定問妳妳想找邊種學校,我根本想睇多啲先決定,如不停叫人找,最後又無幫襯就唔好意思,再加上佢亦唔會不停幫妳找,之後我就自己上網睇,睇咗過百間學校,真的很難決定,讀男校好還是男女校好,私校好還是公立學校好,boarding好還是homestay好,好頭痛,因我時間緊迫,我決意要仔立即趕去插班,我驚自己變掛,但最終揀咗呢間kapiti college,其實呢間同其他無大分別,我都是靠感覺揀的,唔係呢間就係其他,又無人介紹,唔讀過都唔知好定唔好,講真,身邊都無人送孩子去紐西蘭那有意見,只靠撞彩,到最後我揀完咪話比agent姐姐聽叫佢幫我跟進.
其實平均私校同公立學校價錢不是差很大,當然對於我呢啲窮爸爸慳得兩三萬就兩三萬,因我唔知往後個仔有什麼其他洗費.
boarding school 不是間間有,homestay 所有都有
不須自己聯絡學校搞入學,找agent姐姐跟進,除非妳想揾野比自己搞

時間有限,稍後再談...

lu-ka

可以話我知你agent 嗎？ 我都搵過好幾間，Kings  college, Chris t's college, scots college, St.peter, st.paul, otago boys, john mcglash, 銀根真係有限!  我有睇過幾十間學校，boarding 唔會好多，睇埋ERO report. 但因為心中已定boarding , 所以只有幾間選擇。真係花多眼亂!

lu-ka

原帖由 藍藍mami 於 16-10-05 發表
最後一樣留意番係你想小朋友讀Cambridge (CIE) or International Baccalaureate (IB) exams / NCEA, 每間 ...

IB 我怕阿仔跟唔上。雖然讀緊英文中學，但課程完全唔一樣，可能對佢會好困難。

JackieOn

想問如果讀大學要幾錢一年，連生活費

藍藍mami

lu-ka 發表於 16-10-6 13:18
IB 我怕阿仔跟唔上。雖然讀緊英文中學，但課程完全唔一樣，可能對佢會好困難。



  ...

如果NCEA上nz 大學會容易啲, 但如果想轉去其他國家讀大學, 認受性可能冇咁高

藍藍mami

JackieOn 發表於 16-10-6 17:46
想問如果讀大學要幾錢一年，連生活費

普通科學費預三萬nzd一年, 另加生活費:dadday:約二萬nzd

藍藍mami

lu-ka 發表於 16-10-6 12:56
可以話我知你agent 嗎？ 我都搵過好幾間，Kings  college, Chris t's college, scots college, St.peter, s ...

老實話唔需要太擔心, 紐西蘭中學唔太差既間間都差不多... 如果你已簡到成績排名高的... 冇話咩定生死, 都大把人讀一年唔啱就轉校...收鬆d吧

lu-ka

原帖由 藍藍mami 於 16-10-06 發表
老實話唔需要太擔心, 紐西蘭中學唔太差既間間都差不多... 如果你已簡到成績排名高的... 冇話咩定生死, 都 ...

其實我都明白果邊間間較差唔多，請問你囡囡係果邊係homestay?  点解我一定要boarding 原因係我仔唔係自主學習果種，係boarding 至少有人睇住指定時間做功課溫習，作息定時。佢定力唔夠，好被人家誘惑到。homestay 唔係唔好，但感覺係安全啲，之前我老公好抗拒boarding 仲要話住homestay 有咩唔好，我解釋我嘅諗法，依家佢都讚成boarding , 一來有人睇住，佢唔會亂嚟，二來boarding 好多活動，佢唔會有時間去玩，三來比較安全，擔心會食到過期食品又或者homestay 家庭有不良嗜好… 我仔唔聰明，人比較笨，我知有啲野係要放手，但真係有啲擔心…