感恩我能輸在起跑線（陳沛然醫生）

Ocean419

陳腔濫調睇得太多，已經麻木了。又不提供確實例子如何讓孩子輸在起跑線，不讀名校讀村校？不學好2文3語只是全廣東話？不學1體1藝不外補學術只要愉快學習放學後就是玩？做得醫生子女和平常百姓人家子女比根本已經冇可能是輸在起跑線

retriever

原帖由 Ocean419 於 16-09-07 發表
陳腔濫調睇得太多，已經麻木了。又不提供確實例子如何讓孩子輸在起跑線，不讀名校讀村校？不學好2文3語只是 ...

其實佢獨立自立既經歷已經提示左，最後果句亦講埋。就係佢仔女(醫生女兒), 要放手，要俾佢地錯。。。

maxifoxy

個別例子…
以佢既天資，生於中產家庭，成就可能更大。

又，佢個同學咁pk，送飛機票尾俾佢

天使麵

又係呢句唔係輸就贏在起跑線的說話
莫講話家境，讀唔讀得到書，某程度上天資同性格、運氣已有影響，儘管同一個阿媽所生。幾多人背景悽酸，一樣努力都改善唔到生活，徒勞無功，計較得幾多？
千金難買少年窮係有原因。之不過呢篇文章見到筆者覺得自己終於吐氣揚眉外，佢講嘅感恩正正唔太感覺到，反而幾介懷自己比別人所失的！

retriever

maxifoxy 發表於 16-9-7 07:25
個別例子…
以佢既天資，生於中產家庭，成就可能更大。

機票尾呢個例子幾有意思，仲係要好朋友？
可能朋友言者無心。。。 小時候也有親友見未搭過飛機，好意將飛機上的小零食糖果相贈。。。

文中講既唔係咩野成就(做醫生),  而係佢自卑的一個人，為何可以領導一群不同資歷不同顏色的醫生？ 源於佢從小獨立自立既經歷。

whycyh

以前真係可以靠讀書脱貧，而家窮係連向上流動嘅機會都冇，大多數名校而家一年收你六至十萬，基層家庭剛負擔

retriever

whycyh 發表於 16-9-7 07:50
以前真係可以靠讀書脱貧，而家窮係連向上流動嘅機會都冇，大多數名校而家一年收你六至十萬，基層家庭剛負擔 ...

同意直資學校係富貴化左，但你講邊d 6-10萬名校？ 天主教名校絕大部份唔收錢，聖記直資名校，有助學金。 以spcc 為例，夠窮除左免學費，課外活動，游學團都免埋，投考睇成績。。。

向上流亦唔一定讀名校，文中作者陳醫生，出身伍華中學。

L+H

francis_chan 發表於 16-9-7 06:55
有很大怨氣！輸在起跑點能成功極不容易！如贏在起跑點，加上父母適合管教，肯定會事半功倍！



  ...

又未必，作者想表達有d求生技能係迫出來、磨練出來的。正如人類養的動物出來大自然唔識生存一樣。
當然家境富裕亦可以唔俾咁多物質俾仔女，視乎點教。

retriever

L+H 發表於 16-9-7 08:43
又未必，作者想表達有d求生技能係迫出來、磨練出來的。正如人類養的動物出來大自然唔識生存一樣。
當然家境 ...

近兩天睇左不少陳醫生文章, 包括他的舊博文...


他的經歷, 典形"早當家, 好男兒"

現50-60歲是常見成長經歷. 他40出頭, 那年頭社會已經開始富裕, 較少有. 現在這例子是稀有...


補充少少...


他的成長, 說從無自卑是矯情.

單親, 從少全家被父親拋棄, 家貧, 五短身材... 靠母親獨力撫養3兄弟, 從無要綜援, 身為長兄兼父職...

靠聰敏以優異成績"數學人"身份 入醫學院, 山外有山, 跌倒再爬起, 全靠專注和努力...


他是超級足球迷, 戲言正職專業球員, 兼職專科醫生...

有一段蠻有意思....

他現在是醫生隊多年的助攻王... 但上大學前從沒踢過5號波(正規大小), 原因有二: 母校伍華只可踢西瓜波; 沒錢買正式的皮球.

出來工作後工餘用了兩年時間鍛鍊, 才成功把球從角球位置踢到禁區 (身材細小, 正規球場太大), 再用一年時間工餘苦練, 才能有氣力踢足全場...

他靠專注和努力跨過先天的落差...


現代孩子是富裕社會幸福的一代
家長最常說的其中一句話是: "而家D 細路同以前唔同...."

陳醫生的孩子起跑線當然不會說落後, 但他檢視自己成長經歷的正面影響, 不是去彌補, 不是買樓買車給孩子, 而是嘗試重覆那些成長經歷的正面元素, 讓孩子錯讓孩子吃虧, 讓他們從錯誤中學習獨立自主...

retriever

punlik 發表於 16-9-7 09:20
一個人在讀書階段既成功, 有三個因素, 自身/學校(包括朋輩影響)/家庭. 如果家庭因素極差, 但前兩者足夠強亦 ...

單親環境, 很難不影響吧, 無論怎愛, 都是彌補, 不可能一樣.

gk678

原帖由 retriever 於 16-09-06 發表
你看錯了，是醫生講成長在單親環境。。。

我無睇錯，我講緊醫生阿媽。

Bettylau

成 篇 文 只 反 影 作 者 係 極到 自 卑, 你 做 醫 生 有 咩 咁 成 功 ? 只 係 天 生 記 性 比 人 好 , 你 咁 都 叫 輸在 起跑 線 ? 係香港唔 大力陪訓醫生以為做醫生係成功典範 ?? 揀 直 係 廢 話 !!!!   咩 叫 輸在起跑線 ??? 你 睇 下 大 台 BELLA ,  細個要係 街 乞 食,  佢無 放棄 自己雖然而家仲係跑龍吐,   亦 坦然面對 公眾 (無論真心與否) , 呢 D 先叫輸在起跑線,  你睇下周星星, 成龍,  佢係唔係國際知名又 唔係讀書出身,  呢D成功先叫輸在起跑線, 呢篇嘢係自卑感太強想人認同佢嘅勞力,  不知所畏

yubaba

唔明點解咁多人反感，感覺有些酸味。作者只是說自己無父蔭無條件，但讀到書改變生活。相對現在很多孩子，學呢樣學嗰樣入名校被裝備，作者小時候的確少很多資源。我想話如果曾經有幸選擇就明白，選醫科對窮孩子來說，也是一個艱難的決擇。我身邊人就因為當時家境不好，放棄讀醫。

retriever

原帖由 yubaba 於 16-09-14 發表
唔明點解咁多人反感，感覺有些酸味。作者只是說自己無父蔭無條件，但讀到書改變生活。相對現在很多孩子，學 ...

可能看官們有些先入為主。。。

作者講既唔係醫生呢個***地位***，而係佢在毫無背景下，抓著機會統卸不同資歷不同顏色的醫生，所表現出來的溝通和管理既***能力***。


細心留意，反感的多是認為父母要替孩子遮風擋雨的媽媽。

cecnl

唔明點解咁多人反感，感覺有些酸味。X2

可能有人覺得"感恩我能「輸在起跑線」"好刺耳, 好多人仲努力追緊條起跑線.
感恩過去的好與壞係正面思維, 而家提倡幫小朋友建立抗逆力, 呢D咪係囉. 識得係困難中學習反省, 唔會只係度自怨自艾. 分享都話人晒命