中文圖書推介(升小二)

Olympian

原帖由 Ocean419 於 16-08-07 發表
請教一個程度正常的小一升小二學生能夠自己睇得明一本有5000字的中文書嗎？我仔從不獨立地閲讀中文課外書， ...

你問我，我就覺得大部份都唔得，得嘅係小部份。我諗小二中段至小三左右先得。我仔認字都唔錯但唔多睇中文書，將近8歲先自己睇完一本用點心學校。之前有睇未來兒童、紅蘋果。我鐘意紅蘋果的故事，1000字左右，故事有趣又唔通俗。其實童話故事，短短地都好。

piglet0529

原帖由 Olympian 於 16-08-07 發表
不是漫畫，是橋樑書。有大量彩色插圖。

咁屁屁超人相比老鼠記者那本淺的? 我仔也是升小二, 佢好like老鼠記者, 但要我讀比佢聽, 之後見佢又去回味番

tantanmama

原帖由 Ocean419 於 16-08-07 發表
請教一個程度正常的小一升小二學生能夠自己睇得明一本有5000字的中文書嗎？我仔從不獨立地閲讀中文課外書， ...

如果只要求睇得明故事內容，唔洗識晒所有字，升小二應該可看得明閱讀123屁屁超人這類書。

而家小朋友好精，一話唔識唔睇家長就會讀俾佢聽，佢地會扮嘢話唔識。就好似BB學行路時跌倒，如果有大人喺身邊，佢地會痛哭要人抱要人呵，若冇大人喺身邊，拍拍手就繼續行。

LeeCC

剛從網上看到屁屁超人的內頁，內容都係屁屁這些東西，難道真的沒有其他體材可以吸引小朋友看書嗎？

老實講，我寧願小朋友看多一段時間有質素的繪本或雜誌，延遲自己開始看書的時間，也不會用這類書作餌，引小朋友自己看文字書

gracelam

原帖由 Ocean419 於 16-08-07 發表
請教一個程度正常的小一升小二學生能夠自己睇得明一本有5000字的中文書嗎？我仔從不獨立地閲讀中文課外書， ...

我仔今年九月升小三。 佢小二時自己可以睇屁屁超人/佐羅力/xx國家尋寳記等。

但英文書就相反，要我伴讀。

Olympian

原帖由 piglet0529 於 16-08-07 發表
咁屁屁超人相比老鼠記者那本淺的? 我仔也是升小二, 佢好like老鼠記者, 但要我讀比佢聽, 之後見佢又去回味番 ...

我也不確定哪本深或淺啊…只知橋樑書會因應孩子的語文能力與專注度，在每本與每頁的用字量、詞彙及句形都有考量。可參考下：
http://topic.cwbook.com.tw/reader/2012/story/book.htm#aa

最好自己先看本書，屁屁超人我都接受唔到，好無聊亦未算好好笑，阿仔6歲果時聽都冇心機聽。小火龍大賽車就好笑得多，但小火龍棒球又好悶喎，買全套要諗清楚。用點心學校的神氣白米飯都好有趣。

不過，或者我自己唔識野，睇完呢幾本嘅感覺係，內容充滿爛gag， 詞彙成語硬塞入去，絕不能用文筆優美來形容。睇幾本當消閒識字冇所謂，好過睇都唔睇咁解...

gracelam

原帖由 LeeCC 於 16-08-08 發表
剛從網上看到屁屁超人的內頁，內容都係屁屁這些東西，難道真的沒有其他體材可以吸引小朋友看書嗎？

老實講 ...

屁屁超人只不過是引發小朋友自己睇書，當小朋友自己睇完再同父母分享内容，一來可作親子分享時間，二來可以再鼓勵佢自己睇其他書。

睇完正經圖書小朋友係唔多主動會同人分享。

LeeCC

gracelam 發表於 16-8-8 08:26
屁屁超人只不過是引發小朋友自己睇書，當小朋友自己睇完再同父母分享内容，一來可作親子分享時間，二來可以 ...

我仔好中意同人分享三國演義的內容喔

LeeCC

初小幾唔中意看書，都要做閱讀理解，應該要習慣自己看幾百字的文章

建議試下精英出版社的五分鐘故事系列，每篇故事大約初小閱讀理解文章的篇幅，讓小朋友先建立自己看短篇的信心，另有一系列的十隻x x(老鼠，兔子，大象，烏龜)的故事，故事比五分鐘故事長一點，都是世界各地的民間傳說故事

這比屁屁有意思

LeeCC

小三要學成語，可以在小二下學期開始讀成語故事，小樹苗，精英都有，每篇都係三百字左右，讓小朋友對成語有個概念

我識人升小三暑假開始做成語補充，背默成語，但我覺得成語不是硬塞入腦，再做成語補充的學返來的，

Ocean419

原帖由 LeeCC 於 16-08-08 發表
我仔好中意同人分享三國演義的內容喔

三國有初小生版本嗎？

Ocean419

原帖由 barbiBB 於 16-08-07 發表
回覆 Ocean419 的帖子

你會如何伴讀和什麼時候讓女女自己讀？我兒子就是有相同問題

英文書的話在bb 和pn 年代有伴讀，k1之後佢掌握了一定的閱讀能力就冇再需要我伴讀。k1開始改為伴讀青田我自己會讀中文書，但老實說其實是幾悶的內容來來去去都是果幾句，佢根本唔會有興趣自己去讀；k2開始加入木棉樹的繪本但他的興趣也只是一般，我讀佢肯聽，但從不會自己攞黎睇

LeeCC

Ocean419 發表於 16-8-8 10:33
三國有初小生版本嗎？

小樹苗有一套有三國，西遊記，紅樓夢，水滸傳
我無買紅樓夢

阿仔看了西遊記和三國，好中意，重複看了好多次

水滸原本收起，但他自己看了幾章，他有好多問題不明，例如點解殺人犯的是好漢，他們會否上天堂，所以我再收起左，因為一個七歲幾的小朋友看水滸似乎太早，我同他說看水滸前，應看多些歷史故事，理解歷史背景，大個d才再看水滸

我準備讓他看包公案，七俠五義這些正義的故事，先建立正面的價值觀

gracelam

原帖由 Ocean419 於 16-08-08 發表
英文書的話在bb 和pn 年代有伴讀，k1之後佢掌握了一定的閱讀能力就冇再需要我伴讀。k1開始改為伴讀青田我自 ...

初小有幾多個小朋友肯自動自覺攞本三國演義(繪本)自己睇。 所以我咪介紹低層次D嘅屁屁超人入手先。 初小孩子大部分都鐘意呢啲無聊屁尿話題嘅。

LeeCC

初小當然不會無緣無故拿起三國來看，仔小一時看過名人故事系列的書，其中諸葛亮最吸引他，要想知道什麼是空城計，草船借箭這些故事

我買了三國，首先抽出這些著名故事的篇章和他讀，跟住就由頭開始讀，開頭系有困難，因為人物多，而且古人的名字，古代的地名都不常見，要一起去查字典找讀音，慢慢他就被故事吸引，自己看下去

Ocean419

原帖由 barbiBB 於 16-08-08 發表
回覆 Ocean419 的帖子

你那位是英為主的小朋友？對，我中文方式就像你英文一樣，很快掌握，母語嘛

老實講伴讀左好幾年我自己都讀到悶，真的很想放手由得佢。佢自小除左故事書仲很愛看各種書如曆史地理biology 等，睇完usborne 嘅Look Inside London 就順便睇埋who was queen Elizabeth, 學校老師簡單介紹左France 就搵本Napoleon 嘅書黎睇，課外閲讀英文書完全是任他自由發揮，而他有興趣的topic得很少中文書選擇，就算有translation to Chinese 都一定不及英文版流𣈱, 其他程度適合初小生看的中文書相對不夠精彩。所以呢個暑假我選擇放下中又文書伴讀，改為做中文補充練習黎加強中文底子，他亦情願每天做2版中文練習之後再去看他喜歡的英文課外書

LeeCC

Ocean419 發表於 16-8-8 13:37
老實講伴讀左好幾年我自己都讀到悶，真的很想放手由得佢。佢自小除左故事書仲很愛看各種書如曆史地理biolog ...

我俾他揀看中文書定做補充，他話梗系看書啦

我當然明知道他的答案才會甘樣俾他揀,大佢啦