小一叩門所需程度

阿里媽媽

原帖由 OP妮歌 於 16-08-04 發表
來緊K2定K3?

仍有時間準備，加油

嚟緊k2，好彩叫重有小小時間可過開行turbo train個女

阿里媽媽

原帖由 OP妮歌 於 16-08-04 發表
本身名幼的話，就算無外補都仲有幾分釘架⋯⋯

好可惜我女嗰間係學券happy school

kaatt

原帖由 阿里媽媽 於 16-08-04 發表
好可惜我女嗰間係學券happy school

升k2仲有時間，經過我一班朋友考小一結論都係叩門最難，尤其目標係一線官津。

阿里媽媽

原帖由 kaatt 於 16-08-04 發表
升k2仲有時間，經過我一班朋友考小一結論都係叩門最難，尤其目標係一線官津。



  ...

好多謝你嘅鼓勵，睇嚟我要去書局買多啲練習至得。

Jolly333

原帖由 阿里媽媽 於 16-08-04 發表
我自知無抽獎命，所以問定各位前輩，重點教導吓小女

如果係叩門，k3尾先開始。我仔k2考直私表現都麻麻，叩門個段時間個人又大左呢，所以時間是有的，唔駛太擔心。我仲有個細仔，我都揀了大仔讀私校，細仔再戰過啦…

lazywife

叩到一線津小。。同埋in.左7間。。有三間收既我分享(唔係寶校級) 。。唔好話俾小朋友太happy..但都不能太辛苦小朋友。。建立你地既關係係最重要。。

叩門過程中。。中英數常活動都遇過。。呢D係硬功夫，無得果兩日死黎就得。。所以我經驗係如果有叩門既準備。。K 2開始同佢開始玩面試遊戲。。唔需要太嚴緊。。但係要明確俾佢知。。答案係要講岩。。例如父母職員，家庭背景，個人喜好。。呢D根本就係叩門既開場白。。你K2 開始玩。。到左你要叩門。。你至少教少一樣。。

另外。。就係你同另一半既協調。。有D野係要夾。。例如教育目標，心得，體會。。唔好一個答子女要happy..一個答子女要捱苦先大呢D答案。。呢D.共識都唔係一朝一夕就有。。正如有個老師問我對子女既優缺點睇法。。好容易雙方就出矛盾。。如果口才唔好。。可能就轉唔到。。企左係度。。

最後，保持良好個人心理質素。。女仔係好敏感。。父母有任何一D不快，擔憂，佢地好快感受到。。我個女就係其中一個。。所以我果時同全家人都係meet. 自己大脾都要笑。。唔可以講任何一句晦氣說話。。每次面試都陪足。。唔講面試野。。只講令佢快樂既事。。開心既事。。佢每次面試都係跳住落車，笑住入學校。。我覺得呢個已經係成功既第一步。。

而係硬功夫上面。。過來人既我真係從來唔buy咩happy或虎媽呢D教育。。我只係相信我自己果套，只因我會對我子女最了解。。佢係痕係痛我都知，佢能耐有幾多我亦知。。咁就因材施教囉。。做父母要相信自己能力，唔好受人左右。。我唔怕人話我怪獸，我樂之。。亦唔介意人話我hea 左子女。。我係當中自我主張。。

叩門咁多間。。最記得有兩間都問我返工，要點照顧子女功課。

我都係好誠實咁答：子女，由佢出世我已經做野，但我無錯失過佢任何野，佢D功課我跟住，佢學校活動我去足，佢連公開考試既野都係我自己教，無出去學。。我深信我比好多全職更稱職。。

因為曾經有人建議我話講自己全職湊仔，學校比較鍾意，但我真係唔想係呢D咁大既事講大話，同埋，我真心唔覺得我在職做到既野係比人差。。而最後呢間學校係收左我女(一間二線學校，無簡過佢，誇區)

阿里媽媽

原帖由 Jolly333 於 16-08-05 發表
如果係叩門，k3尾先開始。我仔k2考直私表現都麻麻，叩門個段時間個人又大左呢，所以時間是有的，唔駛太擔心 ...

你揀再戰多次？因為間私小好好？

阿里媽媽

原帖由 lazywife 於 16-08-05 發表
叩到一線津小。。同埋in.左7間。。有三間收既我分享(唔係寶校級) 。。唔好話俾小朋友太happy..但都不能太辛 ...

好多謝你嘅分享，真係好受用。我都覺得女仔真係會敏感啲，所以心理質素真係好重要，能夠令小朋友唔厭戰真係好難，我朋友個女in到响學校門口喊住唔肯入去，雖然唔係我女，但聽完之後真係好心痛肉赤，希望到時我有你一半咁成功，已經心足

retriever

原帖由 阿里媽媽 於 16-08-04 發表
好多謝你嘅鼓勵，睇嚟我要去書局買多啲練習至得。

唔好咁早做練習啦！

retriever

原帖由 lazywife 於 16-08-05 發表
叩到一線津小。。同埋in.左7間。。有三間收既我分享(唔係寶校級) 。。唔好話俾小朋友太happy..但都不能太辛 ...

個人覺得個細路知做緊物好緊要。

有唔少人怕細路有壓力，話面試係去玩下，in完問好唔好玩。



結果佢地真係當"玩"!!!

阿里媽媽

原帖由 retriever 於 16-08-05 發表
唔好咁早做練習啦！

係㗎? 我以為做練習會好啲添😅

lazywife

原帖由 s.andp 於 16-08-05 發表
欣賞也贊同，家長付出好重要

家長付出，係叩門過程中就會明顯見到分別。。子女與家長互動，認識，親切度，全部都無得果幾日時間內做假。。

lazywife

原帖由 阿里媽媽 於 16-08-05 發表
好多謝你嘅分享，真係好受用。我都覺得女仔真係會敏感啲，所以心理質素真係好重要，能夠令小朋友唔厭戰真係 ...

小朋友唔厭戰。。最好做法就係準備。。我好早已經係有叩門準備。。所以K2 開始"玩"面試遊戲。。但係所有答案上，個人禮貌連坐姿上我都唔會馬虎，可能你要玩十次。。先訓練到佢坐低，雙手擺膝頭，挺直腰背。。再慢慢灌輸更多野俾佢。。佢有時間慢慢吸收。。如果到左得知要叩門時先準備。。一下子塞曬所有野俾佢。大人都辛苦，何況小朋友。。同埋表現一定唔自然。。

例如面試好鍾意問小朋友大個左想做咩。。正常小朋友都會天馬行空，做飛機師，做醫生咁。。之後問點解想做呀。。有準備既會答：因為可以飛上天空，好似雀仔咁飛，自由自在。。。無準備既可能答：因為鍾意坐飛機。。。問點解做醫生：我個女係答因為鍾意幫人(呢個答案係我慢慢滲俾佢。。佢一開始係答：因為唔使曬太陽)

仲有，硬功夫既學習上。。係靠家長，學校教既大家都一樣，但家長可以做多好多野。。所以K2.開始。唔好俾呢D.時間白過。。到左叩門，你只係需要準備個人file果種輕鬆，已經舒服過好多人。。

另外，真係心儀果間小學，就真係用心去了解佢，寫一封連自己都感動既叩門信。。千萬唔好用千年網上版。。用自己對學校了解去寫，千年網上版只係作參考。。。

ok3

阿里媽媽 發表於 16-8-5 08:26
你揀再戰多次？因為間私小好好？

有幾奇?! 好多人(包括我自己)情願再戰多次, 都放棄(1線)津小. 覺得始終係兩個獨立個體, 條件許可下, 應該分開獨立處理.

lazywife

原帖由 retriever 於 16-08-05 發表
個人覺得個細路知早緊物好緊要。

有唔少人怕細路有壓力，話面試係去玩下，in完問好唔好玩。

適當壓力係進步。。但事實係好多人成日都話平時唔迫佢，俾佢開心，到左叩門時先徬徨，幾日時間內不停同佢做面試訓練。，呢一下先叫真正壓力，因為大人表現左焦慮。。小朋友係會知，佢亦會感覺到痛苦。。所以"玩" 面試呢個遊戲。。無得速成班。。

retriever

原帖由 lazywife 於 16-08-05 發表
適當壓力係進步。。但事實係好多人成日都話平時唔迫佢，俾佢開心，到左叩門時先徬徨，幾日時間內不停同佢做 ...

完全同意。


心態要早準備，慢慢做， 無論孩子行為及態度。


好似d專業球員準備大賽咁。

平時唔緊唔要，到埋門先或面試過後先鬧，有鬼用！

Jolly333

原帖由 阿里媽媽 於 16-08-05 發表
你揀再戰多次？因為間私小好好？

係，收佢既私好過津校，津校收佢只有九龍塘基華同德信。

Jolly333

原帖由 ok3 於 16-08-05 發表
有幾奇?! 好多人(包括我自己)情願再戰多次, 都放棄(1線)津小. 覺得始終係兩個獨立個體, 條件許可下 ...

exactly !!

monodad

原帖由 阿里媽媽 於 16-08-04 發表
家有兩個小朋友，為咗唔想經歷多次小一戰，所以一心想讀津校，睇另一個帖見到考小一需要嘅程度，想請教一下 ...

識朋友扣入一線男津有小三英文同數學程度