考小一大B同细B分別大嗎？

luv2015

我都覺得有分別，起碼group interview, 大b高細b成個頭，細b行出黎已經輸蝕左

rafaelbaba

完全讚同～

louisbbtsang

完全認同 特別是男仔

phoebewong123

我覺得仍然有分別。學術可以補，但應對反應組織能力，大b仍然比細b優勝，而一缐學校正正就是以呢種能力驅分。所以，细b得到一缐機會仍然是少。

sunnymama2

louisbbtsang 發表於 16-7-24 23:47
完全認同 特別是男仔

咁男仔考男校，會唔會易d? 至少冇女仔競爭對手

Ocean419

分別很大，舉例一個年尾出世的，做細b身未到5嵗去interview vs. 做超大b身份就快6歲去interview，在各方面的表現分別應該會好大

day_bo

表現細B和中B分別不大，但細B同大B仍有少許分別，但即使細B和中B表現差不多，小學也偏向選擇中B，對細B始終有D介心。

smiley7x24

day_bo 發表於 16-7-25 10:06
表現細B和中B分別不大，但細B同大B仍有少許分別，但即使細B和中B表現差不多，小學也偏向選擇中B，對細B始終 ...

有冇邊D小學唔鍾意收細B架?

ok3

點會冇分別?! 問下你自己, 你個小朋友喺年頭, 年中同年尾有冇分別?!

小王子J

TSL會按大細 B 分組 in，但最後 offer 都偏向大、中B。

day_bo

原帖由 smiley7x24 於 16-07-25 發表
有冇邊D小學唔鍾意收細B架?

其實普遍也不喜歡細B，無論1線或2缐小學。

dereklg

有某些學校會著重收多 D大B

而事實上大部份既 K3小朋友，唔講既話你根本分唔到佢大B定細B，意思係個個都差唔多咁叻。

只有少部份個別細B，成長階段真係會遲左少少，你會發覺佢比同斑同學仔做事慢少少，論盡少少，反應慢少少，被動少少咁。


所以，大B/細B考小一有冇分別?
不如問番個別家長，自己個細B有沒有明顯地輸蝕比同班同學仔，如果冇既話，就係冇分別囉 !

咁有明顯輸蝕，做家長既理應早就有發覺，要麼K2時讀多一年，等佢成為大B。亦有家長早在升小自行階段，選一些冇咁熱門既小學，等個細B幾乎可以直入該小學，不用即時面對面試/叩門等高難度動作

whitepurin

影響沒有考幼稚園時大，個別細b當然可以同大b一樣咁叻，但一般情況下，大b成熟d, 學術又叫多大半年時間去讀，加上三年前，入到名幼的都是大b居多，所以實際上還是大b較有優勢。

Raccch

我自己的小朋友係細B，考幼稚園的時候真係好大差別，依家準備升K2，唔同其他人比，自己同自己比較半年前真係差好遠。但我覺得有時做大B定細B係父母的選擇，小朋友到了小學階段差別已經縮小了。反而做大B再去考直私會好有壓力，破釜沉舟今年唔得就已經無下次機會。而且面試時老師對大細B的期望應該有分別吧？

sallyshlau2

原帖由 mimi66 於 16-07-23 發表
2011 年12月B收到音小offer ！

2011年12月B今年應該才4歲多，今年9月讀p1？

sai913

當然有分別,年頭同年尾出世可以相差10-12個月!

dereklg

如果差10-12個月叫有分別，差一天也是有分別的 。

但焦點不是差幾耐的問題，而是心智上，能力上，有沒有明顯的區別，而令他升小時有明題優勢或劣勢。

個人睇法，係要計的話，大B真係會著數少少既。

但也見過細B唔算太叻但成個BB咁太可愛，一樣幾個OFFER，也見過大B 太大，成個技安咁牛高馬大，叩門時(可能老師覺得佢太粗魯)，反而冇咩 OFFER

mimi66

今年面試，出年9月升小一

whitepurin

如果你用普通幼稚園嘅standard, 大細b應該都應付到因為個standard就係切合呢個年齡層，但問題是一線學校考的並不是一般k3 standard。