究竟K1應該選粵教中定普教中好？

ensy

英普嘅好處，樓上咁多媽媽講過，我唔重覆啦。不過凡事有利弊，英普唔一定適合所有小朋友，我覺得有其他嘢要考慮。

我對小朋友嘅期望，係想佢有愉快學習體驗，從中培養自信心丶解難能力丶presentation skills。可惜小朋友本身性格慢熱欠自信，如果去英普，可能成年唔敢開聲，咁就同我嘅培育方向背道而馳！所以我一開始就只考慮英粵，大d先再外補普通話！

建議樓主考慮多方面因素。

szwani2412

回覆 ensy 的帖子

講得啱﹗如果小朋友言語發展比較慢, 表達亦唔流利. 唔建議再用英普. 學好中文先

Guaichu

英粤，點解要學一重比較容易的语言先？小朋友好快可以學懂普通話，我地大人现在都講普通话講得好好。

liliankaykay

我小朋友就是讀英粵好些，容易表達自己後，有更多時間著重邏輯思維成長，會在k2才加強普通話。

大埔之友

我鍾意英普, 可惜英普唔收😾😾

TSTS

本身我仔pn選英普, 但而家2歲都未識講太多野, 最後我決定同學校講轉了英中,等佢聽多d中文先, 大d再學普通話.

Mom2b2013

我覺得要考慮埋班主任呢個因素。英粵的話，班主任多是本地人，價值觀類似，交個小朋友俾老師教做人我好放心。英普，班主任唔係內地人就係外國人，同家長所相信的重視的會唔會有偏差？交個問題請大家衡量下。