小學有聯繫中學學生唔揀自己中學 + 赤柱聖士提反

puibb

原帖由 小時了了 於 16-07-17 發表
本帖最後由 小時了了 於 16-7-17 01:13 編輯

因為阿女小五準備升中，自己除咗係EK收集資料後，亦會周圍 ...

學校有聯系中學只係多個選擇，無話一定䙲揀。做緊空姐但考到機師,睇人工同前途都好d,點解吾做？

www

原帖由 小時了了 於 16-07-17 發表
本帖最後由 小時了了 於 16-7-17 01:13 編輯

因為阿女小五準備升中，自己除咗係EK收集資料後，亦會周圍 ...

協恩中學和小學早已脫鉤，不是聯繫，也不會直屬了。

dobbybabie

仁立尖子夠有林護照住，未一樣去喇沙，皇仁，男，女拔，人往高處，

happy105

我正正想問我有聯繫中學，但我又心儀另一間學校，咁可唔可以咁填：
自行首選心儀學校 ，次選聯繫中學
甲一首選心儀學校
乙一填返聯繫中學

其實我未太明呢個遊戲點玩，開始睇緊EK
請大家指教！
致於樓主你既問題，我係因為讀左幾年發現學校雖然有好名聲但我地付出既代價都唔少，小朋友讀得上真係全家總動員全力付出先達到老師要求，所以唔想捱完六年要再捱但又唔敢隨便放棄,好驚跳出一個火圈又有更大既等住你⋯香港讀書真係好無奈架

Yanamami

happy105 發表於 16-7-17 16:53
我正正想問我有聯繫中學，但我又心儀另一間學校，咁可唔可以咁填：
自行首選心儀學校 ，次選聯繫中學
甲一 ...

自二好太机会入番自己中学？就無机会去到甲－了~所以你只有自－呢个机会“逃生”了｡

happy105

原帖由 Yanamami 於 16-07-17 發表
自二好太机会入番自己中学？就無机会去到甲－了~所以你只有自－呢个机会“逃生”了｡ ...

咁我既機會都好微，因為自行一位唔多，但到目前為止我又未夠膽放棄自己學校

magiccandy

happy105 發表於 16-7-17 16:53
我正正想問我有聯繫中學，但我又心儀另一間學校，咁可唔可以咁填：
自行首選心儀學校 ，次選聯繫中學
甲一 ...

其實你的情況是否自行兩間都應選其他心儀中學呢?因為乙一填返聯繫中學入番的機會都好大。

amysnlee

我女間小學有聯系中學，但聯系中學係b1a,我以我女資質同成績跟本讀唔起，想選擇都無得我選擇，如果可以我都想佢讀到，始終入嘅機會大好多囉，當然如果係b1a學生又有可能會讀間更好嘅神校，人望高處麻

GSS

小兒校也有不錯聯繫中學，但十多個名額幾間聯繫小學爭，加上不同區，乙一填上便差不多等如放棄同區Band 1A/B中學，煩惱中。

大貓媽媽

有聯繫中學唔上，好正常啫。
小學同中學就算同寶號都係兩個完全獨立嘅個體，
兩者水平唔一定銜接，
人望高處係自然嘅事，
小朋友讀得到，
當然會外求更好架啦。
唔好話聯繫學校咁少位吖，
就算有啲幾乎保證上到中學嘅，
最叻果批都會考更高層次嘅學校啦。

happy105

原帖由 magiccandy 於 16-07-17 發表
其實你的情況是否自行兩間都應選其他心儀中學呢?因為乙一填返聯繫中學入番的機會都好大。 ...

但乙唔係要靠好運no好然後順序派，唔係先派自己學生先

b3410

請問直屬學校乙一如何揀學生？因為見到教局寫：

直屬學校[p=26, null, left]若小學和中學有直屬關係，讓直屬中學，扣除了自行分配學位和中一重讀生學位後，可保留[size=16.008px]餘下學位的 85％ 給予其直屬小學的畢業學生入讀。直屬小學的學生需要參加香港教育局的升中派位機制，成績屬學校網第一 (band 1) 或第二 (band 2) 派位組別，而且必須在乙部「按學校網」選校以直屬中學作為第一選擇，方符合資格獲派直屬學校保留學位，不過也要視乎學位的供應。

[size=43.954px]就是同一間直屬小學的band1 同band 2同學，一起抽85%的學位？
[size=43.954px]可能band 1同學抽唔到，band 2反而抽到？

esmehouse

人望高處麻，如果好肯定小朋友係 B1A 而中學又夠位比 B1 生的話，好多時家長會考 SPCC、DBS、DGS、SPC，自行、甲一、乙一就會博 QC、SJC、LS、KC、MSC、MSS 等等，始終一定要派晒比 B1 生先，有位多至會比 B2 生。

不過好多時有直屬中學嘅，小朋友都會首選自己個間中學，話晒自己大部份朋友都會升回直屬中學

little_yolky

happy105 發表於 16-7-18 08:28
但乙唔係要靠好運no好然後順序派，唔係先派自己學生先

要睇你小朋友banding同聯繫中學級數。假設：
1. 聯繫中學B1A/B, 小朋友B1=同級
咁因為聯繫中學係B1A/B, 正常聯繫位都會食晒, B2小朋友無得抽, 但過去歷史多唔多B1頭小朋友抽? 食唔食得晒大部份B1小朋友? 最緊要係小朋友係咪B1A? 如果小朋友係B1A, 咁自行小心揀, 可能已經入咗唔駛大抽獎了。如果聯繫唔係心儀, 咪唔好揀留返大抽獎囉, 不過, 問得一般聯繫都唔係B1A/B校。

2. 聯繫中學B1C, 小朋友B1=都算同級
咁如果小朋友唔係好top, 咁聯繫係B1C, 都唔太失禮, 要睇你like唔like間中學。一般B1C聯繫, B1頭中自行都唔會揀, 應該好多B2會揀, 了解下過去聯繫位係咪有B2同學入。如果小朋友係B1, 咁咪自行唔駛揀聯繫, 到乙一至要個聯繫額囉。唔駛嘥咗個自行位嘛。


3. 聯繫中學B2, 小朋友B1=降級
唔駛解釋啦係咪。

4. 聯繫中學B2, 小朋友B2=同級
咁樣, 如果聯繫校風好的話, 你都可以試自行2揀佢, 因為大抽獎應該好多B2生揀, 而自行時校風好既B2校會儘收B1邊緣人, 因為佢哋知道大抽獎只可以收自己D B2仔女同埋唔小心唔好彩既B1生。咁自行報都搏得過。

little_yolky

b3410 發表於 16-7-18 08:51
請問直屬學校乙一如何揀學生？因為見到教局寫：

直屬學校若小學和中學有直屬關係，讓直屬中學，扣除了自行 ...

唔係, 直屬位同聯繫位, 如果同時有B1 & B2生抽, 都係會先抽B1生, 後抽B2生, 咁所以, 如果係聯係位, 因為只有25%, 學額較少, 有機會B1生都收唔晒, 咁就有機會B1C抽到, B1A抽唔到了。但無論如何, 一定係B1生先抽, 有剩先到B2生抽的, 放心。

b3410

回覆 little_yolky 的帖子

唔該嗮！進可攻，退可守！

little_yolky

小時了了 發表於 16-7-17 01:01
因為阿女小五準備升中，自己除咗係EK收集資料後，亦會周圍問人留意嘅中學情況，發現一樣野，我留意嘅幾間中 ...

你好似話緊我咁。
咁, 大家都話揀學校要揀適合丫嘛, 咁B1生揀B1校咪好正常囉。



以我個人為例, 因為自己居住區中學較參差, 依家學校既聯繫中學成績, 同居住區既B1C校好接近, 咁無理由留响自己區小學死谷爛谷, 谷完都得個桔啫, 雖然話B1C, 因為係英文中學, 所以响我哋區都好多人爭架。因為咁咪跨區去呢間有聯繫既happy school, 買個保障囉, 而且呢區B1, B2, B3都好多好選擇, 真係Yanimama話齋, 進可攻, 退可守丫嘛。阿女升中時, 學童勁升, 要謹慎D架。

b3410

回覆 little_yolky 的帖子

再請問，band 1a/b 直屬，小朋友band  1a是否可以自行兩個填最想去的學校，乙一填直屬學校，已經可以保底。

little_yolky

b3410 發表於 16-7-18 11:09
回覆 little_yolky 的帖子

再請問，band 1a/b 直屬，小朋友band  1a是否可以自行兩個填最想去的學校，乙一 ...

要打聽過去有無直屬位B2生入, 如果年年都有, 咁係可以保底, 要知道抽直屬位電腦係唔會理你B1A定B1C, 不過, 直屬位有85%, 通常都會收到B2生, 記得要打聽清楚。

BTW, 有兩間學校心儀過直屬嗎? 已經係B1A/B了, 咁如果真係有, 咪揀囉, 唔揀又後悔, 如果唔係真係有兩間心儀, 咪自行2揀直屬囉。不過, 自行時中學係唔會理你係咪直屬小學(培正除外), 都係鬥成績了。

Lindytiger

如果聯繫既中學部係直資學校，如St Paul Boy, DBS, SSC 等等，假如學生想試下官津如QC,LSC, 咁可以點做呢？