有冇亞氏小朋友讀國際學校既家長可以分享下？

creamyXDD

我問佢，開左學先趕我地走咁點算，佢話會搵間有SEN support 既學校俾我。但我小朋友各様都好叻，亦冇遲緩，上課亦投入，有問有答，係情緒同行為上要多d提點，點解佢地唔包容，只係一見到問題就趕佢走。學校網頁上又寫到係細校，有愛心，其實完全相反。

我一離開學校，幼稚園老師同協康會姑娘已經收到學校电話，仔細問我個仔既情況，我覺得好大壓力，响香港讀書點解咁辛苦。

Joyce_Choi

回覆 creamyXDD 的帖子

如果你囝囝是9月小一，我覺得你應該替他找定backup, 看看而家仲有沒有可收表而關愛一點的小學。學校給你們3星期試用期，未讀已給家長壓力，實質都是不太歡迎這類學生。

irisban

是Caix嗎？如果是，我想你可能真的要找第二間，因為呢間唔包容

Activehealth

creamyXDD 發表於 16-6-20 15:26
我問佢，開左學先趕我地走咁點算，佢話會搵間有SEN support 既學校俾我。但我小朋友各様都好叻，亦冇遲緩， ...

其實學校最怕收有情緒行為有問題學生，行為情緒問題可以影響其他同學及老師教學，其他家長會投訴。寧願收個學習遲緩，上堂遊魂發夢，至少唔會攪到其他人。

與其埋怨學校點解唔包容吓，點解香港讀書咁辛苦。
不如諗吓點幫個仔適應學校生活，現在離開學仲有兩個月時間，送佢去上堂日日做入學準備、行為治療等，訓練佢嘅self control.

其實學校肯俾三個星期佢試已經唔話得, 佢一句話學校無資源人手，你報果時又無申報, 莫講話平機會, 就算去到終審法院, 一定係告唔入，無謂嘥精神時間。

仲有，唔係淨係香港係咁, 知道有個港二代細A仔喺英國，都搵唔到合適嘅主流小學肯俾佢融入，要番嚟香港搵。又有個在澳洲港二代大A仔大學讀工程，行為問題搵唔到實習位所以畢唔到業。

我成日同個A仔講，唔係要其他人點包容接納你，係要你點樣適應呢個社會。
唔包容係正常嘅，包容果啲係你咁好彩啱啱遇到。

edwardwah

是嗎？但很多人都說這是一間很caring的學校?!

creamyXDD

不是CAIS

creamyXDD

今年我地報左好多學校，我發覺，如要求disclose小朋友有冇特殊情況的，都冇offer, IB制的，亦冇offer, 考學術的都有offer, 講明好包容的，在我disclose後就說：小朋友若3星期內未能適應叫我地搵「特殊學校」。

creamyXDD

我在這裏只是想給同路人多一點分享。自閉症小朋友的路真的不易走，我們選擇國際學校，只是不希望兒子有太多測考壓力，可以專心在年幼時先處理情緒社交問題。但當在講座和面試都見到李嘉恩，徐淑敏，一大批富有家長，到親身接觸「關愛」校長，便知道原來國際學校的路都不易走。我同先生都在band 5小學讀書，後來到名中學，大學，專業人士，到建立自己的公司事業。我先生很有亞氏的特徵，怕接觸人，社交很弱，不懂應酬和對答，但他有很好的EQ, 處事手法亦高，對自己的専項很強，業界對他評價很高。所以我只希望社會可以多點包容，正面地接納這種人。每個人對社會一定有貢獻，不應在幼年時作label，亦沒有記定的路，否則將會是社會上的損失。

tcbobo

tcbobo 發表於 16-6-20 15:05
去平機會問下，應該唔可以因為SEN去expel學生

是的, 學校係有權唔收SEN學生的, ESF都有寫明。但讀緊先發現就難送走了

jj100c

就算老師校長包容，其實有否考慮過其他同學會bully或者蝦佢？我女學校隔離班都有個A仔，有行為問題，試過成班同學都bully那男同學，家長投訴，之後學校為他轉班，雖然沒有再被同學蝦，但亞女話D同學都好像不太理會他，當他不存在。亞女覺得佢好可憐，有時亞女遇到佢都會同佢打招呼！
既然學校都已經講到咁清楚，不適應就要退學，就算你仔有機會留在這校，你都不會放心吧！

Monstereasy

原帖由 irisban 於 16-06-20 發表
是Caix嗎？如果是，我想你可能真的要找第二間，因為呢間唔包容

呢間好包容，亦比好多support.

creamyXDD

有那些國際學校可建議下？

Monstereasy

原帖由 creamyXDD 於 16-06-20 發表
我問佢，開左學先趕我地走咁點算，佢話會搵間有SEN support 既學校俾我。但我小朋友各様都好叻，亦冇遲緩， ...

我有自費提供Shadow teacher. 因為老師再包容or有愛心都分身不下去教or糾正行為。
如果學校無SEN support, 你可以試下提出自己比support.

cheechi

Why not try the harbour school ? They have a support  center for asd kids

creamyXDD

Is it easy to get a place?

Activehealth

creamyXDD 發表於 16-6-25 09:10
Is it easy to get a place?

Deleted

creamyXDD

呢間收左又退我既學校亦有一個SEN centre, 但佢地講明唔會提供shadow Teacher,  咁係咪我唔可以請呀？

奀珠

原帖由 Activehealth 於 16-06-20 發表
其實學校最怕收有情緒行為有問題學生，行為情緒問題可以影響其他同學及老師教學，其他家長會投訴。寧願收個 ...

Agree. 我也在努力處理阿仔嘅行為、情緒問題。

Activehealth

creamyXDD 發表於 16-6-26 11:32
呢間收左又退我既學校亦有一個SEN centre, 但佢地講明唔會提供shadow Teacher,  咁係咪我唔可以請呀？



  ...

Deleted