有無人聽過Btec

nintendo

各有自己的選擇。
BTEC 係實用，但始終偏離主流高中課程，想將來申請好 D 的大學可能選擇少了，我女學校也有 BTEC 生考到大學，但只多數入排名較低的英國大學，亦係主要讀設計或演藝之類。
當然，條條大道通羅馬，但有人問我就講少少，不喜勿插。
來呢版問，我假設是本地生 ( 國際學校學生大部分聽過 BTEC )，我亦以本地生經濟環境，和將來出路考慮。
BTEC 始終非主流，亦只是英國較多人知，比咁多錢讀書，其實有其他路可以選擇。

射雕英雄

回覆 nintendo 的帖子

意思是Btec就等於香港的基礎文憑嗎？咁中六畢業，仲讀基礎文憑，咪即係水泡😂

Dr.Endless

射雕英雄 發表於 16-3-8 04:01
回覆 nintendo 的帖子

意思是Btec就等於香港的基礎文憑嗎？咁中六畢業，仲讀基礎文憑，咪即係水泡😂 ...

你係有心定無意忽略我講既野都話睇下係BTEC Level幾...Level 3就高中畢業, Level 5就HD, 姐係高級文憑, 跟住仲有Level 6 好似係深造文憑, 跟住Level 7  就可以等同於碩士咁, 同埋理工, 中大, 港大, 浸大, 香港教育局都認可洗唔洗俾埋網址reference你參詳?

http://www.hkbha.hk/3546935672-edexcel-btec.html


希望解答你既問題啦

jklmn

Btec E&E 可以考電工牌。

王家爸爸

BTEC Level 3 以前係叫 ONC、OND，以前TI（VTC前身）畢業，可以俾錢申請證書，水平大約係GCE既A-Level水平（大家都係 NQF 既Level 3）。以前工業學院畢業生都有用ONC、OND成績申請入英國大學第一年。

王家爸爸

BTEC Level 4、Level 5，以前係叫 HNC、HND。以前 HKTC、香港理工學院（理工大學前身）畢業，可以俾錢申請證書，水平大約係大學第一、第二年，應該同副學士差唔多。以前香港理工學院好多人都係，用理工既HNC、HND申請直入英國大學第二年。

王家爸爸

BTEC Level 2，以前香港好似係叫基礎證書，有啲似毅進計劃。以前讀完中三無錢繼續讀（或者會考唔合格）可以讀工業學院（VTC前身）兩年制課程（有日校、夜校可能選擇），讀完可以申請BTEC證明書，水平大約係當年GCE既O-Level，現在既GCSE水平（大家都係 NQF 既Level 2）。當年讀完基礎證書，可以申請讀工業學院證書或者文憑課程（程度大約係NQF 既Level 3）

ANChan59

理工學院當年的HD 》》 現在的所謂AD多多聲