教育局「學生要學簡體字」諮詢，2月15日截止

小小山

曾鈺成都頂佢地唔順

未簡先煩（曾鈺成）
http://www.edu-kingdom.com/forum ... &extra=page%3D1

SillyU

太陽報

2月6日週六上午5:40

【太陽報專訊】【本報訊】教育局諮詢中小學中國語文教育學習領域課程中提及學生應具備認讀簡體字能力，局方強調並不是要在中、小學學習簡化字，只是在學生具備繁體字基礎後，中學按需要「認讀」簡體字，以增閱讀簡體字書刊的能力，當局希望社會人士不要作無謂猜測，被指以簡體字取代繁體字的說法是毫無根據。另教育局預計，今年九月可公布全港參與免費幼稚園教育政策的幼稚園名單，局方正制訂參與免費幼教的幼稚園學費上限，相信大部分家長需繳交的學費，會較現時學券制為低。


教育局課程發展議會早前向學校發出諮詢文件，就「更新中國語文教育學習領域課程（小一至中六）」進行諮詢，文件提到配合香港的語文政策，學生在掌握繁體字後，亦應具備認讀簡體字能力。

倡學生先掌繁體字

教育局副秘書長陳嘉琪出席電台節目回應質疑時，指提出學習簡體字非硬性規定；又指現有的中國語文教育學習領域已沿用十多年，有需要與時並進。教育局補充，提出學生應掌握認讀簡體字能力內容，早於二○○二年已存在於相關課程指引內，強調認讀簡體字並非今次更新課程領域新添的諮詢項目。當局一直建議學校採「先繁後簡」，學生在小學階段先掌握繁體字，至升上高中階段，可酌量學習一些簡體字。

rose-mag

學多樣嘢唔好咩？其實以前我讀書時代，老師都係咁講，我地亦都要學簡體字，因為讀中國語文、中國歷史好多參考書或參考材料都係冇繁體字版本，我仲記得暑假要讀一本古文觀止，成本都係薄紙裝簡體字版本，當時老師話搵唔到好嘅又平嘅繁體字版本，於是喺冇指引冇教學下我地成班要自己學睇簡體字，其實係估下估下，睇下上文下理就明。我自己唔鍾意簡體字，考試時都唔寫，因為覺得中文字每個字都係有根有據，以造字原則造出嚟，要解要明一個字必須由造字理解，但無可否認考試要寫得快，參考材料要睇得多，學習認識簡體字係必要。至於係唔係要小學就教，呢個先要商榷，我唔會著眼喺咩政治考慮上，如果要小學生學簡體字，未學好繁體就學簡體，好易變成兩頭唔到岸，同埋現今學生已經好多功課壓力，仲要多一樣的話唔係太理想。

呢排好多帖出有關問題，又叫人去email反對，老實有幾多個係睇清楚指引細節，而唔係為反而反，聞字色變？個人覺得作為家長，自己都要學好中文，理解清楚先，凡事都有好有壞，未必一面倒。

Cheeselover

教育局希望學生具備認讀簡體字能力，那麼簡體字是否獲接受成考試書寫文字？若因使用簡體字而被扣分或錯評，那麼就最好不教授簡體字，雖然求學不是求分數(惜當局自己又用TSA)，但多隻香㜘多隻鬼。我不清楚教局有沒有規定學習英文草字，但可以肯定使用英文草字作答一定沒有問題。其實教局倡議簡體字可謂多此一句，有些知識根本不用駑駕學校，學生自會所需而學習。

becomemama

原帖由 卓遙 於 16-02-13 發表
常言道，魔鬼在.......

大家無反應就會一步一步實施

20120808

若從文化傳承及教育觀點的角度出發, 教局沒有理由不知道學生先學好繁體字, 然後再學簡體字, 有百利而無一害, 而小學生需要簡體字的實用性也相對低, 至少不應在小學就刻意引入認識簡體字, 或要求小學生要有閱讀簡體字的能力.

香港學生若有15年的繁體字基礎, 再學簡體字只是猶如彈指, 比反掌更易. 又或背誦幾句口訣即可掌握了.

除非教局的考量只有一項, 就是政治考量, 否則何須急於一時? 香港尚有33年時間, 可能國內又會有更多的人提倡用回繁體字哩, 一切皆在變化中, 放下一點政治目的的同時,也不能假設國內永遠也不會用回繁體字吧.

小小山

rose-mag 發表於 16-2-17 03:07
學多樣嘢唔好咩？其實以前我讀書時代，老師都係咁講，我地亦都要學簡體字，因為讀中國語文、中國歷史好多參 ...

笑左, 你係香港定大陸學校讀書 !

古文觀止, 我家中有兩套正體字, 平過D 小學書或TSA練習. 睇簡體字版, 攞黎講.

小小山

簡體字, 正經學都係睇完一個總表幾本小書即成, 根本不用放在課程.

Cheeselover

原帖由 20120808 於 16-02-17 發表
若從文化傳承及教育觀點的角度出發, 教局沒有理由不知道學生先學好繁體字, 然後再學簡體字, 有百利而無一害 ...

共產黨那裡管文化傳承，一切從政治出發，任何意識形態必須跟從黨指揮，三十三年實在太長，他們連三十三天也不能忍受。他們會等是因為身處劣勢，因為不由自己決定，當身處強勢，你挑什麼電影，是否孝順也要管。

rose-mag

小小山 發表於 16-2-16 22:35
笑左, 你係香港定大陸學校讀書 !

古文觀止, 我家中有兩套正體字, 平過D 小學書或TSA練習. 睇簡體字版, 攞 ...

咪人地一講就話人大陸啦，都話要平又要好又要繁體係冇囉，或者你有錢，簡體字版書到而家都係比繁體字版書平，因為用紙質料薄D差D，我讀書果個年代好嘅參考書真係有限，老師係上大陸幫我地買，佢自己係台灣讀書添，做學問求嘅係真理，簡繁字睇得明的話，我寧願慳番D錢買本又平又好嘅，反正我識睇簡體字。

SillyU

rose-mag 發表於 16-2-17 03:07
學多樣嘢唔好咩？其實以前我讀書時代，老師都係咁講，我地亦都要學簡體字，因為讀中國語文、中國歷史好多參 ...

同意

奇就奇在，喺2002年既諮詢報告中，教育局都有同一個item, 當年仲無咗"在掌握好繁體字之後"呢一句，當年都無被有心人拎出來反對。

13年來，繁體字有被取諦嗎？魔鬼有出現嗎？被政治炒作了，大家明白嗎？

又簡體又反TSA, 目的是什麽？

SillyU

palmchristy 發表於 16-2-13 10:18
見到你咁答真係好鬼開心.

其實魔鬼...........在心中
常言道..............


心中有鬼

palmchristy

其實如果係真正有需要關注或者是對市民影響大的議題, 目的是為了改善各項施政, 改善市民生活, 拿出來討論讓社會有關注是一件好事.

很無奈見到一些議題被上綱上線地政治化, 更無奈是有人未經思考求證便頭腦發熱, 覺得有種使命去轉發.

小小山

rose-mag 發表於 16-2-18 10:07
咪人地一講就話人大陸啦，都話要平又要好又要繁體係冇囉，或者你有錢，簡體字版書到而家都係比繁體字版書平 ...

古文觀止, 圖書館有得借, 又有得 download , 《古文觀止(全二冊)套裝》都只係$90. 你食平D個lunch 都買得起. 唔駛講到要有幾百萬身家先得,
Link to 古文觀止
http://resources.hkedcity.net/resource_detail.php?rid=1067036200
http://www.rthk.org.hk/chiculture/chilit/

都話你, 攞黎講.

rose-mag

小小山 發表於 16-2-17 22:07
古文觀止, 圖書館有得借, 又有得 download , 《古文觀止(全二冊)套裝》都只係$90. 你食平D個lunch 都買 ...

我係話我讀中學果個年代唔係而家，果陣冇互聯網，甚至電腦都唔流行，老師印筆記係抄腊紙，油墨機印，怕且你都可能未經歷過呢D，唔知我講咩。圖書館當時有都冇幾多本，暑假老師要我地成班讀完做讀書報告，呢個係事實，90蚊係而家錢你可能覺得好平，以前我地讀書好多參考書，唔係一本兩本，果個年代亦非而家一個家庭一個細路，著好食好，買玩具都百百千千，果陣好多同學四五兄弟姊妹，好多嘢慳得就慳，以前點解要抄筆記？好多時係老師一來想我地寫下抄下會記得多D，二來邊有咁多錢買不同參考書，老師買咗備完課就會講俾學生聽，而家話就話讀書壓力大，但其實學習環境比起以前太舒服啦。

不過討論重點係學多一種文字冇蝕底，而家又冇人話要取締繁體字，唔明可以去學日文、韓文，甚至學國語，但識多樣簡體字就上綱上線，唔鍾意可以唔學，日嘈夜嘈，但成份報告只係提過一次，有關方面亦都澄清過，唔要聽就點都聽唔到，佢有佢講，你有你唔聽，算把啦。

rose-mag

SillyU 發表於 16-2-17 19:47
同意

奇就奇在，喺2002年既諮詢報告中，教育局都有同一個item, 當年仲無咗"在掌握好繁體字之後"呢一句， ...

而家好多人見到少少字就想到天花亂墜，根本自己理解有問題，要反執住一句去反，成份報告睇晒未？

20120808

//《更新中國語文教育學習領域課程(小一至中六)》諮詢文件//

// 學生在掌握繁體字後，亦應具備認讀簡化字的能力，以擴大學生的閱讀面，及加強與內地、海外各地的溝通//

諮詢文件涉及的年級是(小一至中六), 而小一至中六的年級差距是十二年, 年齡差距也是十二年, 學生其實就是在這十二年把繁體字掌握.

如文中說[學生在掌握繁體字後,亦應具備認讀簡化字的能力], 請問十二年中, 在那一年級學生才被認為是[掌握繁體字]? 在這裡[掌握繁體字] 又是什麼? 如何量度? 就是曾鈺誠主席的疑問了. 還是教局認為小一前的學前教育, 幼兒已能好好掌握繁體字, 因而諮詢文件要涉及小一生?

若循序漸進, 又究竟是否…

小一[掌握部份繁體字後? 學部份簡體字, 然後量度小一? 是考試?

小二[掌握部份繁體字後? 學部份簡體字, 然後量度小二? 是考試?

小三[掌握部份繁體字後? 學部份簡體字, 然後量度小三? 是考試?

有量度就有考試……有考試就有操練….

20120808

親不見，愛無心

網上流行一段口訣，以證中文簡化的荒謬：

親（亲）不見，愛（爱）無心，
產（产）不生，廠（厂）空空，
麵（面）無麥，運（运）無車，
導（导）無道，兒（儿）無首，
飛（飞）單翼，湧（涌）無力；
有雲（云）無雨，開關（开关）無門，
鄉（乡）里無郎，聖（圣）不能聽也不能說；
買（买）成鈎刀下有人頭，輪（轮）成人下有匕首，
進（进）不是越來越佳而往井裏走。
只有魔，還是魔。

電影《唐山大地震》導演也曾公開說，中文簡化後，立即發生了文化大革命，唐山大地震。他說什麼字都能簡化，但是親、愛二字，絕不能簡化。
--------------------------
上文由網上節錄，頗為有趣。