心情好差，呀女後日考試，到而家都未開始溫書

TEMPO123

4cats 發表於 16-1-8 08:43
尋晚嘈交就係因為我花了好多天做了份中史測卷俾佢，叫佢唔溫書都做下卷，起碼知道自己識幾多

佢一句話唔想 ...

聞中史色變！俾著我女都不會做的。

佢最憎中史！

4cats

TEMPO123 發表於 16-1-8 16:56
聞中史色變！俾著我女都不會做的。

佢最憎中史！

我女好中意歷史的，好細個就睇好多歷史書，仲話大學想修歷史

諗住佢唔溫書，唯有操卷，但佢唔肯做，我既心血變癈紙。今日放學返黎話中文好淺，有幾題正正係我前幾日出俾佢做過既問題，加上教左佢答題技巧，佢話有信心；中史佢話唔敢講高分，但應該會合格

但我對佢既期望不止合格，我最失望係明明有能力，點解唔肯盡力呢？連書都唔拎番黎，做下樣都唔肯

TEMPO123

4cats 發表於 16-1-8 17:23
我女好中意歷史的，好細個就睇好多歷史書，仲話大學想修歷史

諗住佢唔溫書，唯有操卷，但佢唔肯做，我既心 ...

你很勤力媽媽！敬佩！你女很聰明！

佢除左中史唔做，其他做唔做呢？
我女只做中、英、數，其他唔做。

NurseSally

原帖由 raven 於 16-01-08 發表
中一點會係蜜月期，多咗咁多科。
反而我將媽媽既角色變為老師，幫佢溫習，分析题目，
答題技巧等等⋯ ...

我上年都有坐响阿囡側教佢點温書，今年佢自己來！

Acatmom

原帖由 NurseSally 於 16-01-08 發表
我上年都有坐响阿囡側教佢點温書，今年佢自己來！

可以教下我地呢D新手初中家長如何教嗎？感激萬分！

4cats

TEMPO123 發表於 16-1-8 17:37
你很勤力媽媽！敬佩！你女很聰明！

佢除左中史唔做，其他做唔做呢？

基本上佢甚麼也做，也甚麼也不做，一切講心情

今晚佢話，尋日好倦所以唔想做。我話下次可否講清楚原因，而唔係黑面一句唔做就行左去，溝通不是這樣的

4cats

NurseSally 發表於 16-1-8 17:54
我上年都有坐响阿囡側教佢點温書，今年佢自己來！

點教呢？我都唔識教佢溫書，只好出卷俾佢做，但有人話俾我知，中學生不應再這樣，不這樣，又可以怎樣教佢溫書呢？

請賜教。

TEMPO123

4cats 發表於 16-1-8 22:20
基本上佢甚麼也做，也甚麼也不做，一切講心情

今晚佢話，尋日好倦所以唔想做。我話下次可否講清楚原因，而 ...

你女可能覺得自己識，所以唔做，佢自己心中有把尺，可能我地唔知。

TomatoCat

回覆 4cats 的帖子

你女兒其實讀到書,但同你溝通唔到!不用白廢心機用寫卷,絕大部份人都唔會做.
不如用多些時間了解她的需要和關心她的健康,放下不設實際的期望.

ChapmanMa

原帖由 4cats 於 16-01-08 發表
本帖最後由 4cats 於 16-1-8 22:22 編輯

你真是偉大媽媽，我就冇本事出卷比阿仔，唯有提下佢温書，他說溫完便信佢温完，傾下其他野、拿杯水比佢……究竟他温得熟吾熟就吾知喇……但我發覺一樣野就是……如果他自己一個在家温，就會好心散，但和同學一齊温，佢就好專心，仲話隔離枱的同學顧住玩好吾啱。 你囡囡會否喜歡與成績好、乖巧的同學一齊温習，有伴、有良性競爭、可能有幫助……加油

NurseSally

就係咁嘞！回想起自己細個時呢個階段都有反叛，仲成日駁父母咀兼煲電話粥！我回想起自己大約F4, F5時先生性返，適體諒父母親！我諗就係每個人成長中各階段嘅變化嚟！事實上青春期嘅細路都幾難攪！我囡仲剛剛駁咀駁得好應！佢讀1A 校，上年guide 下佢溫書成績都幾好！今年佢唔願，我惟有放手佢自己溫，睇下到時成績係點！佢自己調節adjust嘞！畢竟佢係F2嘞！考試模式佢都摸索倒嘞！我咪順便透下囉！如考得吾好，佢就自己想辦法追嘞！所以樓主嗰女都可能自己心中有把尺！

annie40

撫心自問，我們教中學生如何溫書是落力有餘，功力不足。

孩子長大了，要在學習過程中，需要孕育自己的一套溫書方法。見佢有溫，在旁鼓勵。見佢無溫，提下佢。佢話溫左，信唔信都改變唔到乜野，索性信佢啦！

我都有print定一套套passpaper比阿女參考，佢自己決定有無幫助，有無時間做。我的良好意願，不代表對她有實質成效。

ChapmanMa

原帖由 annie40 於 16-01-09 發表
本帖最後由 annie40 於 16-1-9 12:23 編輯

撫心自問，我們教中學生如何溫書是落力有餘，功力不足。

讚同

4cats

尋晚同佢出去跑步，跟手坐低食飯談心，講講下，我問佢唔溫書係因為相信自己唔溫都有好成績，定係唔介意考得唔好？

佢諗左一陣，答我：「兩樣都唔係，我只係懶，唔想郁。」

我終於明白佢的思維，即係話佢只顧眼前享樂，未諗到或者唔想諗後果。

我冇再提溫習問題，同佢約法三章，講清楚我既底線。我話係一般情況底下，除非有特別原因，例如身體不適之類，否則我唔接受成績表有唔合格。

我話如果成績唔達標，我會罰佢新年假期唔可以約同學出街，佢諗左一陣，話好。跟手佢話如果達標又點？我問佢有乜建議，佢話想要新iphone，我話ok，但我話合格係學生本份，冇理由盡本份都有獎勵，正如我做媽媽煮飯俾佢食係本份，冇理由要佢獎勵我。於是佢同意有一半科目有A，沒有不合格就可以有新電話。

既然已make a deal，我唔會再提佢溫習，由佢自己處理。

希望我呢個方法行得通。我明白呢個係長期作戰，我會鼓勵自己。

annie40

回覆 4cats 的帖子

其實妳已經處理得很好，一切講清講楚，孩子有guideline，有妥協，中間時段妳又協調提醒，一定work 的。佢地系高大左，其實仲系好細個。

raven

回覆 4cats 的帖子

我覺得出卷比佢做無咩問題喎！睇佢㸃答可以順便敎埋答題技巧，中學答題方式都唔同咗！阿仔學校都特別舉行講座介紹試卷形式，得分準則俾家長！
自己敎，出去補習邊有老師咁細心！
我自己全部雜科都出題俾佢做，小五就係咁所以做慣咗，而且佢見我睇書同note打卷俾佢都唔易，
考佢時又好記性過佢，challenge 唔到我，所以都係乖乖地做！

aeiou1234

考完試後要試試你這方法

bb560

原帖由 4cats 於 16-01-09 發表
尋晚同佢出去跑步，跟手坐低食飯談心，講講下，我問佢唔溫書係因為相信自己唔溫都有好成績，定係唔介意考得 ...

”只係懶，唔想郁”（我有一個中二嘅囡）如果我囡咁同我講，我會覺得佢嘅意思係：我覺得我自己已經有足夠能力，可以有資格懶。如果我係你，我會摸下佢個頭，笑下就行開。
其實，之後佢make a deal 亦反証佢非常有信心赢你，佢係唔係得，我都唔知，不過，我覺得你唔洗太擔心，到出左成績表先再算啦。
小朋友大啦，無論你對佢有無信心，佢都要對自己嘅行為負責任。可能到時有驚喜呢！

skkeung

原帖由 NurseSally 於 16-01-09 發表
就係咁嘞！回想起自己細個時呢個階段都有反叛，仲成日駁父母咀兼煲電話粥！我回想起自己大約F4, F5時先生性 ...

小學乃成長重要時間!品德, 價值觀, 紀律的決定性時刻!

BennkiChu

我仔仔考試前都毛温書， 但又keep到top5，  我5理巨， 由得佢hea,  等巨抄下車，