阿囡想轉校

erictungcc

原帖由 conniewktang 於 16-01-05 發表
個老師咁差嘅，打去學校找校長投訴佢啦！成幾萬元人工，想乜都唔做，仲話鬧人，簡直教育界之恥！



  ...

有時小朋友講的未必可信，就打電話俾班主任睇下佢點覆

conniewktang

原帖由 erictungcc 於 16-01-06 發表
有時小朋友講的未必可信，就打電話俾班主任睇下佢點覆

如果小朋友有咁大情緒，都不會假了。加上再問下班中其他小朋友上課的情況，用以證實一下，當然可透過家長間接問，如果係真，就要盡快想方法解決，因為好影響小朋友心理健康。這些問題，社工說在小一很常見，小學老師有些的確很惡，但小朋友年紀小，加上又新轉變環境，真的會很不適應！

conniewktang

原帖由 erictungcc 於 16-01-06 發表
如果有內聯網，出email俾班主任，cc俾校長，我唔信晤覆

好辦法！

breadme

應該同班主任溝通下先，了解老師既要求，小一學生學習及習慣不同，老師要總一要求，都要時間及建立規矩。
另外，打探其他家長既看法亦重要

little_yolky

wonglily  其實呢D算唔算欺凌，我覺蠢唔係罪。  發表於 1 小時前


佢勁係佢仲唔認。
我寫信同校長反映, 校長緊係有召見佢。咁佢上堂時同全班問, 有無人俾我話過愚蠢? 我女女同另一曳絕全班男同學舉手。佢問我女女幾時話過佢, 咁我女女將整個事發經過講番出嚟。佢話, 係唔係你聽錯, 亂講架。我女女好堅定話無。

然後好戲在後頭, 功課堂佢又搵我女女傾計, 問我女女平時邊個教做功課? 女女答家姐。佢又問媽媽平時有無鬧你打你? 好死唔死阿女話有, 話溫默書時媽咪用手打, 同埋同尺打枱面。咁老師就好開心報告校長阿女俾媽媽打。

第二日返學, 校長搵我兩個女傾計, 問妹妹點解唔鐘意英文, 妹妹唔出聲, 點知口沫遮欄既家姐搶住答：緊係啦, 溫親英文媽咪都打佢的。妹妹即刻叫佢收聲。校長問點打, 家姐繼續好開心咁話：用尺打枱面, 用手打妹妹囉。

你話呢D老pat pat係咪好厲害, 識得乾坤大挪移神功。

skkeung

新校又話唔鐘意啲同學, 咁又轉?

helenfan888

其實每間學校都有好惡老師，唔轉得咁多間吧

simonwan

好老師要尊敬，壞老師則不可容忍，對學生影響好大。

conniewktang

原帖由 simonwan 於 16-01-13 發表
好老師要尊敬，壞老師則不可容忍，對學生影響好大。

學生會好容易學咗啲惡老師咁去對待別人，所以不可容忍！

annie40

如果疏導孩子情緒是家長學習課。如果跟老師和學校溝通，也是學習課。如何捜集情報和資訊，來判斷正確的塲境，分析事實真相，是父母的責任。

對孩子非常嚴格，又讓孩子十分喜歡的，是上佳的好老師。對家長不理彩，缺乏公關素質，只須教好我個女，
完全無問題。
同樣道理，套用在家長和兒女関係上，非常嚴厲又譲孩子十分喜愛的父母，教仔便是話都無咁易了。

MariaTsui

原帖由 annie40 於 16-01-14 發表
本帖最後由 annie40 於 16-1-14 10:59 編輯

如果疏導孩子情緒是家長學習課。如果跟老師和學校溝通，也是 ...

每間學校都有盡責及hea的老師，哥哥妹妹都會講學校老師，有時遇著無料扮有料，有時遇著無理取鬧，我都會教他從多種角度看，我時常跟他們說，遇到好老師是你們的福份，要懂得尊敬老師，遇著不好的，學習用另類方式跟他相處，我時常說，將來你的老闆可能會更無理取鬧，難道又轉工轉不停，學校是社會的縮影，如果全班只有我囡囡覺得問題如此大，就是家長學習如何開導小孩的時候了。嘗試聽聽其他家長對老師的意見，有時，孩子的說話會加入自己的情感下去，不夠客觀。

MariaTsui

我所說的不是逆來順受，只是環境不會改變的情況下，是要找出另一出路，打工仔不滿意老闆可以不做，但轉校并不容易，你覺得老師有問題，但在其他家長眼中，可能并不如是，我自己就有親身體驗。如果轉校之後，又遇到問題，難道又轉。子女面對問題只會隨著年齡增長會越來越多，家長可以幫小朋友的時候就越來越少。

利申:我只是以過來人身份跟你們分享，我對仔女已中學及準備升中。

fishchow

可以鼓勵囡囡更努力適應，同時留意P2 的插班機會。如果能轉到一間 老師比較関愛，水平更高的學校，可以是 一舉兩得。
依你描述，可能你囡囡是比較敏感的小孩，好在意 老師的言論。如能給她提供 更喜愉的學校的環境，她可以吸收更多、更好。

karen55407

原帖由 tomato_na 於 16-01-05 發表
剛上小一，慢慢適應中，但近來阿囡好唔開心，佢話個班主任好惡，成日鬧人
阿囡屬於乖及聽話小朋友，成績ok, ...

樓主結果𨍭到校嗎？下學期已經開始了！

MrBeast

little_yolky 發表於 16-1-13 10:26
wonglily  其實呢D算唔算欺凌，我覺蠢唔係罪。  發表於 1 小時前

Hope u dont mind 引用你文做eg, 因為夠detail。有時投訴只會open a can of worms，倒不如C下試下解決先。我個自理自信都差，所以升小一初初幾個月都主動call班主任，有問題就請教老師或自己想辦法解決

little_yolky

MrBeast 發表於 16-1-25 08:46
Hope u dont mind 引用你文做eg, 因為夠detail。有時投訴只會open a can of worms，倒不如C下試下解決先。 ...

其實阿女讀書雖然差D, 只係中中停停, 但自理守規無問題。而且我上班地方打電話不方便, 所以我無乜特別事都唔會打電話搵老師, 有乜特別事就寫手冊。唯獨是第一次遇到D咁既老師, 可以完全唔覆手冊入面家長查詢, 呢樣嘢做成我好大困擾, 好彩依家有whatsapp群組, 有乜可以問其他家長。

更何況, 我真係唔覺得做數學作業貼貼紙, 要成條搣晒出嚟貼然後剪去多餘的先係啱既做法, 阿女用眼先去估計, 然後剪出適量的貼上, 如唔夠再補或剪出多餘的數量既方法係愚蠢。可能我比較怪獸家長, 覺得可以有多種可行既做法都係正確的。

tomato_na

原帖由 fishchow 於 16-01-24 發表
可以鼓勵囡囡更努力適應，同時留意P2 的插班機會。如果能轉到一間 老師比較関愛，水平更高的學校，可以是  ...

你説的對，阿囡是比較敏感的小女孩

tomato_na

阿囡冇轉校，我找了輔導主任傾，阿囡現在慢慢轉變中，不停同佢傾談，分享分擔
一起努力💪🏻

karen55407

原帖由 tomato_na 於 16-01-26 發表
阿囡冇轉校，我找了輔導主任傾，阿囡現在慢慢轉變中，不停同佢傾談，分享分擔
一起努力💪🏻



...