一定要學普通話？？

龍井

貝珠 發表於 15-12-26 22:27
愈早學愈容易，係唔會影響粵語發音的

我阿女家下日日口UPUP就係用啲唔鹹唔淡既普通話唱早操歌。
朱古力就講成「炒古嚦」，真係問你死唔死。

大埔之友

原帖由 龍井 於 15-12-26 發表
回覆 letterland 的帖子

如早學會準啲，會唔會影響埋小朋友粵語既發音？

你學英文又會唔會影響廣東話發音, 即使會你又會唔會唔學?

大埔之友

原帖由 龍井 於 15-12-26 發表
我阿女家下日日口UPUP就係用啲唔鹹唔淡既普通話唱早操歌。
朱古力就講成「炒古嚦」，真係問你死唔死。
...

E 個是教的問題, 唔關語文事. 我阿爸教個孫講 Turn up the light, 小朋友照講. 發音再準都死啦.

letterland

幼稚園學3年主要多聽多講，我又覺得上小一唔需要普教中。學中文文化用番廣東語會好d。

wcw0826

其實學普通話應該都係家長自己選擇，好似學英文一樣，可以學可以唔學。

龍井

大埔之友 發表於 15-12-26 23:40
E 個是教的問題, 唔關語文事. 我阿爸教個孫講 Turn up the light, 小朋友照講. 發音再準都死啦.



  ...

完完全全同所學語言既影響。
老實講，我真係唔會俾自己阿女，一開口就係講普通話囉。

普通話可以遲啲慢慢學。

但係學好中文，我會盡量俾佢選擇用廣東話學。

因我都想保衞粵語，唔想好似廣州同深圳咁。

cameo

原帖由 letterland 於 15-12-27 發表
幼稚園學3年主要多聽多講，我又覺得上小一唔需要普教中。學中文文化用番廣東語會好d。



  ...

認同！我大女已中學，都有留意普教問題。
幼稚園時期普通話係好簡單，到小學就廣東話，嗰時見普教中係初小（p1-3）中文作文有明顯d效果，但之後學習上好需要理解及分析，若普通話能力未及，就變成學習上嘅阻礙。
所以我大女升中都冇選普教中，佢比較適合用廣東話。

tweetyho

回覆 龍井 的帖子

Agree!!!

Yanamami

龍井 發表於 15-12-26 22:52
我阿女家下日日口UPUP就係用啲唔鹹唔淡既普通話唱早操歌。
朱古力就講成「炒古嚦」，真係問你死唔死。
...

當中出左乜問題？我女而家P6, 幼稚園K1开始英普班，小学普教中。K1开始時佢唔开心，話唔知老師嗡乜，佢上堂又唔識講(屋企全廣東話，英文都唔講，但大量英文兒歌、卡通、圖書)，但两个月後就解決左呢个问題｡K3時趁空閒，去上PTH拼音班(明知会上普教中小学)，升小自然適應良好｡溫中文默書，我只会讀廣東話(小時讀故事都一样，因我PTH好爛)，佢自己番学校轉麗聲｡P5 考GAPSK獲最優異成績奬，但係屋企从未聽過佢講半句PTH(甚至英文)，同朋友同学都係流利廣東話溝通｡不過，升中我會選廣教中，因我同意你話用廣学中会学得好d，而佢亦可字正腔圓講到PTH, 唔会唔咸唔淡，目標已成。

龍井

Yanamami 發表於 15-12-27 16:54
當中出左乜問題？我女而家P6, 幼稚園K1开始英普班，小学普教中。K1开始時佢唔开心，話唔知老師嗡乜，佢上 ...

首先，如可以請用繁體字。係香港請盡量不要用簡體字。
聽妳說妳的女兒，真係好犀利。可以精通英、粵、普。

仲有係考GAPSK都攞到最優異成績獎，因我看過獲此等殊榮，每屆也只有十多人，有時得四、五人。

不過講真，小朋友係叻既，其實家長真係唔洗多憂心，佢自己自動波都得。

Yanamami

龍井 發表於 15-12-28 01:22
首先，如可以請用繁體字。係香港請盡量不要用簡體字。
聽妳說妳的女兒，真係好犀利。可以精通英、粵、普。
...

只係想講，学言文越早越標準越少費力，就算小朋友你自动波，家長提供語境係重要既｡如能做得好，唔好太担心早学pth就講唔好廣東話。家中各人日日講，扭开电視係廣東話、同学朋友都用廣東話，应該会分得好清楚~身边無人講巧克力、冰淇淋，小朋友会分到，呢d係pth，我地平日係講朱古力雪糕沙律三文治……

龍井

Yanamami 發表於 15-12-28 07:28
只係想講，学言文越早越標準越少費力，就算小朋友你自动波，家長提供語境係重要既｡如能做得好，唔好太担 ...

咁細個人仔就要佢咁辛苦，何苦！
中文咁多生字詞語，我唔相信大多小朋友可以咁叻，分到普通話同廣東話。

如果咁細過就迫佢地學兩邊，真係人都癲。根本普通話語法同用詞都同廣東話唔同。

所以作為家長，要好好想想究竟係想下一代或再下一代，同自己講普通話定廣東話。

唔好以為身邊好多地方都用梗廣東話係必然。

當全港幼稚園,小學都變晒用普教中時，想搵個土生土長既講廣東話既都幾難。

beyondcontrol

原帖由 puiyima 於 15-12-26 發表
有時間走去Lunch hour 去中環的快餐店看看d 收銀員，都要能操流利普通話，及感受下幾多國內專才在國際金融 ...

絕對同意，好多人就係唔識普通話，被迫放棄好的工作機會。

貝珠

自己諗啦。研究真是說小朋友從少就可以multi lingual , 人大了，multi lingual 的能力會隨年齡下降。我們大人覺得辛苦是因為我們吸收語言能力低了。歐洲很多兒童也從少學多國語言。

貝珠

在教育的問題上，我不考慮政治因素，也不會放棄廣東話

Yanamami

龍井 發表於 15-12-28 14:25
咁細個人仔就要佢咁辛苦，何苦！
中文咁多生字詞語，我唔相信大多朋友可以咁叻，分到普通話同廣東話。

你預設係逼，係辛苦禁無得好講~
我表妹係中法混血兒，家中只講法文，番国際学校講英文，同我阿嫲&我地講广東話，去王仁曼处学跳舞同朋友仔講广東話，後生時听四大天王既歌……唔見得佢好痛苦~相信法文英文广東話語法都幾唔同~其实唔係“逼”小朋友两边学｡广東話係母語，唔洗坐定定学吧~我以前同女溫默書从來只用广東話，番到学校老師用pth讀默，又唔会搞唔掂喎……

貝珠

補多句，有語言障礙的小朋友除外

Yanamami

貝珠 發表於 15-12-28 14:51
補多句，有語言障礙的小朋友除外

对~有語言障礙既話，專家建議先学好母語｡

龍井

Yanamami 發表於 15-12-28 14:41
你預設係逼，係辛苦禁無得好講~
我表妹係中法混血兒，家中只講法文，番国際学校講英文，同我阿嫲&我地講广 ...

咁不如講，學語言其實對一些人係唔難。打開部電視，聽聽歌就可以了。

所以何必咁辛苦，一早俾幼稚園細路去學普通話？

Yanamami

龍井 發表於 15-12-28 15:20
咁不如講，學語言其實對一些人係唔難。打開部電視，聽聽歌就可以了。

所以何必咁辛苦，一早俾幼稚園細路去 ...

禁番幼稚園都係番去玩啫~只不过同佢玩果个人係講pth, 又唔係要佢坐定定望住黑板抄筆記、背書……玩玩下学識有幾辛苦我又唔明~