如果係你，會唔會搬？

Vickyblah

原帖由 Vickyblah 於 15-07-08 發表
thank u for ur reference. 但我想到小學個網。。。我就

咁慘。。。咁點算。我諗住搬左如萬一有直資私小offer返學都近啲。

Vickyblah

原帖由 smile_w99 於 15-07-08 發表
本帖最後由 smile_w99 於 15-7-8 16:54 編輯

我唔一定要搭校車。可以自己接送。校車路線真係睇彩數。

kazakaza

我唔熟你講果2個網。但我既plan係k2搬去心議校網住1-2年，等派位完成後就搬返自己中意住果區。咁小朋友返學既車程問題就自己衡量啦。

Cartim

比著我我會搬
因我現在都係因校網而搬番出去

cyyd

幼稚園唔使出九龍讀，一小時車程，令小孩身心疲勞。如果深水埗同元朗一樣咁大兢爭，搬都無謂。抽獎講彩數。大小機會都係要博，太夾硬，就唔好。四人家庭住三佰多呎真係冇位擺野。何況老公唔支持，更加唔使諗。直資，同抽獎都係講彩數，考到先再諗。

babyjip

除名氣外，也要考慮新嘅學校是否適合自己小朋友

BBQporkpork

Vickyblah 發表於 15-7-8 18:02
我唔一定要搭校車。可以自己接送。校車路線真係睇彩數。

如果係想抽獎, 可能要睇睇個校網值唔值....
一陣搬完, 抽唔到 (touch wood)

我怕你同另一半有排嘈

仲有就係, 可能你老公唔想租親戚樓,
欠人人情....

Vickyblah

原帖由 BBQporkpork 於 15-07-10 發表
如果係想抽獎, 可能要睇睇個校網值唔值....
一陣搬完, 抽唔到 (touch wood)

其實無話一定要抽到間非常好。只係諗如到時lucky 考到直私小，九龍返學都近啲。最唔想係因為以家係天水圍小學網，萬一直私全軍覆沒就只有抽天水圍區小學。咁到時就同一班b6做同學。。。你講嘅欠人情我都諗到，所以諗到頭都爆。老公最近開始軟化，佢都知為小朋友好，但始終唔想搬自住樓，又唔想出去租樓住，覺得唔知幾時又要搬覺得好煩。加上以家住個度有埋車位各樣好好多。九龍又要另搵車位。其實親戚層樓係全新大屋苑，唯一缺點就係細，如果夠大都唔使諗咁多。另老公有個option就係搬左先住幾年，等小朋友上左小學定左再另租/買新居。大前提希望到時樓價唔好瘋癲（發夢中）。。。

Vickyblah

原帖由 babyjip 於 15-07-10 發表
除名氣外，也要考慮新嘅學校是否適合自己小朋友

當然。名氣係其次，最緊要小朋友適合！

Vickyblah

原帖由 cyyd 於 15-07-10 發表
幼稚園唔使出九龍讀，一小時車程，令小孩身心疲勞。如果深水埗同元朗一樣咁大兢爭，搬都無謂。抽獎講彩數。 ...

我都咁諗。所以如果最後唔搬。k1我一定會轉返入黎。唔會令小朋友咁辛苦。因我囡都無乜耐性，最近試左幾次搭車耐啲都話攰，所以我都唔知一路出去讀佢會捱到幾耐。。最慘係哩頭pn班無乜選擇。比較心儀都要去到元朗加州，轉車加埋都四十分鐘。。如你都係元朗媽媽你會明白元朗無學劵幼稚園得兩間選擇，英藝已經聾斷左大部分市場。。。。

Vickyblah

原帖由 Cartim 於 15-07-09 發表
比著我我會搬
因我現在都係因校網而搬番出去

請問你邊度搬邊度？41網？！

csksandy

元朗校網72,74-一定要搬:
72天水圍區,多B6和新移民同學,尤其天水圍北,人品較複雜
74元朗東,學位嚴重不足,真正區內小學只有4間, 其他都是錦田鄉村學校和借左2XX個72區校網

Vickyblah

原帖由 csksandy 於 15-07-10 發表
元朗校網72,74-一定要搬:
72天水圍區,多B6和新移民同學,尤其天水圍北,人品較複雜
74元朗東,學位嚴重不足,真 ...

exactly.. 就係因為咁我咁擔心。。。所以以家plan定，仲要有個妹妹跟尾，到時touchwood家姐入唔到好小學，妹妹又要打多次仗。。。

Cartim

Plan去搬12校網

Vickyblah

原帖由 Cartim 於 15-07-10 發表
Plan去搬12校網

我都想搬11網。但老公話過海唔使諗。加上返工唔方便。。。

csksandy

屯門元朗來講,70區小學質數比較平均, BAND1英中都多 (兩間保良局,兩間官中,陳瑞芝, 梁銶琚), 如果不想搬出九龍,試下考慮屯門小學~

Vickyblah

原帖由 csksandy 於 15-07-10 發表
屯門元朗來講,70區小學質數比較平均, BAND1英中都多 (兩間保良局,兩間官中,陳瑞芝, 梁銶琚), 如果不想搬出 ...

我都有考慮屯門。但我個度校網唔同。只可以博叩門。叩門超級艱辛。。

Vickyblah

原帖由 Vickyblah 於 15-07-08 發表
thank u for ur reference. 但我想到小學個網。。。我就

咁你覺得邊個網九龍最穩陣最好？

cyyd

元朗英藝都唔錯，一定好過要山長水遠到九龍讀書。

貝珠

住新界的，有住新界的好。好似我今天放工回家，見到好靚的鳥兒歸巢，心想，女兒見到一定好開心。家在新界，周圍有很多樹木，公園，每日都有機會親親大自然。我家樓下更有公共圖書館，泳池。這様的環境，不是對小朋友成長最好的嗎。