關於大抽獎

momo_cheung

....

boyandes

其實我最唔明喇沙係大抽獎，應該有機會抽中好多唔讀書的學生，喇沙點可以keep住做名校呢？

phyllislcl

對大抽獎好多不明白，咁自己考學校的成績會係大抽獎之前知道？咁大抽獎又有另一間收，之後自己揀？

winnietingting

原帖由 boyandes 於 15-06-08 發表
其實我最唔明喇沙係大抽獎，應該有機會抽中好多唔讀書的學生，喇沙點可以keep住做名校呢？



  ...

我識的，入maryknoll大抽獎的，多數有私校backup (宣小聖心etc)，即是叻的一班。如沒有私小backup搏maryknoll/LS, 真是好進取。

singwin

原帖由 boyandes 於 15-06-08 發表
其實我最唔明喇沙係大抽獎，應該有機會抽中好多唔讀書的學生，喇沙點可以keep住做名校呢？



  ...

好多名校為了維持自己的聲望,會叫一些跟不上的的學生轉校
有些家長也會頂唔順自動流失.
所以到小五小六留下的都是成績好的一群.

amoyresident

名校年年仲有精英插入

singwin

原帖由 amoyresident 於 15-06-09 發表
名校年年仲有精英插入

所謂名校其實是將學生分類的遊戲
好多家長以為入到名校,小朋友就會變得叻，其實可能是害了小朋友

singwin

原帖由 phyllislcl 於 15-06-09 發表
對大抽獎好多不明白，咁自己考學校的成績會係大抽獎之前知道？咁大抽獎又有另一間收，之後自己揀？ ...

直資/私校6-10月interview,十二月前會知收唔收.除部分私校外,其他會要你放棄大抽獎

kerkermui

等我講下小一派位
官津校，無收生權，所以同讀咩KG學咩無關
第一輪自行、計分，適齡、宗教、舊生。有兄姐响同校讀就必收，父母係學校職員都係實入到嘅  (50%學額)

第二輪統一派位 (大抽獎)
5% 唔跟網，45%跟住址校網，總之就係抽！靠運氣之餘仲要識填表

留班位 (叩門)
每間學校都有留班位約10%，即30/班，可收多3個，如有6班，就可多收18個，當然未到學校決定有幾多小朋友要留班，收幾多叩門無人知，但如果有人大抽獎唔註冊，學額就由學校自己決定收邊個
有d學校唔會收足咁多個 (e.g. LS小一31-32人一班；小二有32-33人) 留返d位之後收精英

直資/私校
直資係有收政府資助，但同時有收生同收學費嘅權利，但如果註冊直資，就要自動放棄官津校派位
私校係無收過政府錢，有自己收生權，因為無收資助，所以註冊咗仲可以玩官津派位，但個別私小會唔俾玩官津派位，一經發現就由正選變waiting，呢樣要自己小心d

kerkermui

關係精英學校迷思
我會話報得神校嘅家長都預咗谷
唔谷得嘅就唔會揀神校，所以聚埋一班自己谷小朋友嘅家長，等同地區名校，成績一定好過其他學校
响唔趕人走，又收精英嘅情況下，其實唔會有換血效果

lcyesther

津貼學校受ebd監管，應該不容易勸退學生呢？所以真係唔明他們怎樣做成績

kerkermui

lcyesther 發表於 15-6-10 12:32
津貼學校受ebd監管，應該不容易勸退學生呢？所以真係唔明他們怎樣做成績



  ...

唔迫你走，唔等於唔勸退又或者迫你留班，咁你走唔走呀？
好多人要轉走都係自知頂唔順走嘅，唔係學校迫走

lcyesther

原帖由 kerkermui 於 15-06-10 發表
唔迫你走，唔等於唔勸退又或者迫你留班，咁你走唔走呀？
好多人要轉走都係自知頂唔順走嘅，唔係學校迫走
...

轉走要有其他學校收先得。如果係因為跟不上進度，有其他學校肯接收嗎？收生不足的學校肯收，家長又咁心走嗎？
所以先覺得勸退不容易。

kerkermui

lcyesther 發表於 15-6-10 12:45
轉走要有其他學校收先得。如果係因為跟不上進度，有其他學校肯接收嗎？收生不足的學校肯收，家長又咁心走嗎 ...

咁你放心，實有問題係家長會唔會覺得間學校好差
我識人跟唔上私小 (考中間位置)，但轉到去地區大熱

到如果係自己嘅小朋友日日發惡夢，自己日日發癲，盡咗力都搞唔掂，就自然會去搵二線學校，唔駛去到寶校嘅
好多二線學校都有人轉高一線，位總會有，而津校有位就自然會收，最多係有比較時，就揀個叻d嘅囉

教育局係會知道邊間學校有位，上面要你收嗰d可能仲差，所以自己轉嘅未必轉到過去之後跟唔上架！

acmcdull

好詳細，thx

phyllislcl

kerkermui 發表於 15-6-10 12:21
等我講下小一派位
官津校，無收生權，所以同讀咩KG學咩無關
第一輪自行、計分，適齡、宗教、舊生。有兄姐响 ...

"第二輪統一派位 (大抽獎)
5% 唔跟網，45%跟住址校網，總之就係抽！靠運氣之餘仲要識填表"

識填表的意思係揀頭10個選擇時要識揀？有人話揀得唔好，10個分分中都唔中....

kerkermui

phyllislcl 發表於 15-6-12 10:02
"第二輪統一派位 (大抽獎)
5% 唔跟網，45%跟住址校網，總之就係抽！靠運氣之餘仲要識填表"

識填表即係識遊戲點玩如果區內有5大熱門，第一志願唔夠分
如果你無運行嘅話，第一唔中，跟住2-5都唔好中

又如果，有兩間學校往年都有人第2 (A校)同第3(B校)志願中 (唔係全收)
咁如果你放B响第二，即係你set保險線响第二志願，好大機會會中
如果你放A响第2，B响第3，咁你依家玩緊運，有機會頭3都唔入，再落就係寶校....

所謂識填表，就係你做足功課，平衡利害之下，做好安全網

kittymilo

我想問，如果係跟住址，拎咩嚟做證明？電費、水費？如人家有錢有不同區域物業收租，咁佢地又可以用作報學校用途？

C.Humphrey

如果孖b點抽? 如全部志願排序一樣
係一人一個no, 抽到其中一人就收埋另一個，
定係兩個人夾埋做一個no當一條飛抽?

C.Humphrey

原帖由 lcyesther 於 15-06-10 發表
轉走要有其他學校收先得。如果係因為跟不上進度，有其他學校肯接收嗎？收生不足的學校肯收，家長又咁心走嗎 ...

家長有策略，在名校讀唔掂，升小四，小五轉去間band 2學校，通常都會名列前茅(個底打得好)，所以唔怕無學校收。假設間band 2學校升中有20人派入band 1中學，咁只要keep住考頭20名就會上到band 1，比起留在神校考包尾分分鐘派去band 3中學好。