家姐自己個女讀York但就勁話我個女間方方唔好，有d苦惱

siden

原帖由 gigiwin888 於 15-03-04 發表
我唸小朋友性格都係原因之一，我仔係k3靠學校學術去考，考到好多間喎



  ...

你講出重點。

manie_man_man

我諗讀邊間學校家長都要跟，唔可能完全依靠學校去教。家庭教育重要過學校教育。

小曳人

我個人係唔鍾意york嘅
曾幾何時print過york嘅表格，填咗都無交

其實無話邊間好d，只有邊間較適合，如果小朋友讀緊又讀得開心，其實唔轉好過轉

同意樓上：家庭教育重要過學校教育。
讀邨校都可以考到神校！唔一定要讀名幼先叫成功！

不過，如果你想打好個底，上本地小學有d老本食下，咁york呢方面係唔會令人失望嘅

meowymeowy

最緊要量力而為，而且自己孩子讀開個間都ok，何必理人點講？中六合彩頭獎都未必風光一世，還是知足常樂!

gigiwin888

其實方方係唔錯架，我家人也讀緊，最緊要你覺得小朋友適唔適合

HMmummy

重點是York 和方方，有什麼不同之處，同你buy 什麼？申報：朋友好喜歡York .

mable0901

我york 用家 我的確覺得進步左好多
我覺得邊間幼稚園都有好處
要搵緊自己小朋友適合 人地講咩唔重要
放鬆d 最緊要自己和老公有共識

傻太

聽聞今年直私的whatapps group，York比方方的多，不過york本身學生多&方方有自己小學

vpo0615

其實樓主係咪驚會俾家姐睇唔起? 所以先咁著緊佢嘅意見? 而家係你個小朋友去讀, 最緊要你自己認為間幼稚園啱你個小朋友.

hkpapa852

JMbaby 發表於 15-3-3 18:01
我兩間都有K1offer, 但York 洗費實在太勁，加埋校車要八仟蚊一個月，本來打算pn直升k1方方，但家姐話York好 ...

妳又要諗下, 幼稚園就咁介意妳家姐點講, 到揀小學, 如果佢同又同妳講:
呢間妳都諗? 要讀梗係讀DGJS, SPCC啦! 官津校有咩好, 梗係讀俾錢個D直資/私立小學啦..... 咁又點?

JMbaby

其實我都想用憑自己個女嘅實力話比家姐聽，就算唔喺佢所吹捧嘅學校讀都可以考到理想小學，奈何佢對方方有太多負面評價，令我信心開始動搖，但我們雖然負擔得起但我和老公都是很節儉的人，不會亂花費，如果值得的話我們也願意付，但見到家姐個女讀了York幾個月，書包就轉款要買個新書包，另外學生和家長也要穿晚裝參加舞會，好像有点浮誇，K2就要去深圳考英文，另外又要考普通話，小朋友好辛苦呢。但我媽媽和家姐都好吹捧York, 覺得花多点也值得的，但我比佢地攪到我好亂，所以上黎呻下聽下大家意見

Moonlight819

原帖由 JMbaby 於 15-03-04 發表
其實我都想用憑自己個女嘅實力話比家姐聽，就算唔喺佢所吹捧嘅學校讀都可以考到理想小學，奈何佢對方方有太 ...

聽你說York又真的是雖然貴，但好像很全面發展，連舞會也有...樓主可否説多少少關於York呢？因為我也要決定讀York還是ESF...thanks!

ginababe

其實York的硬件軟件都做得好好，方方老牌d校舍同教學方向較傳統。如果錢唔係問題就選York，想近屋企就選方方。

JMbaby

回覆 Moonlight819 的帖子

其實我都係聽家姐講的，除了英文是在學校建議考外，另外搵人上門補普通話，宜家又話出去考試(自己出面報),又報考跳舞，畫畫，游水，彈琴，雖然學校無强迫但很鼓勵…但K2咋，我同老公都覺得好顛，但明白個個同學都咁做唔通你乜都唔做咩

JMbaby

回覆 ginababe 的帖子

兩間都在九龍塘，一樣遠

miutang

其實你同老公都唔鈡意York 既浮誇style，証明同你們理念不同啦，入去隨波逐流為乜？條條大路通羅馬。

lauwingtai

原帖由 JMbaby 於 15-03-04 發表
其實我都想用憑自己個女嘅實力話比家姐聽，就算唔喺佢所吹捧嘅學校讀都可以考到理想小學，奈何佢對方方有太 ...

我本人十分討厭York的，理由你已講了，York又要呢樣又要個樣，不讀也罷，可能有人會話：「York考直私成績好喎！」，我會話：「So what?」係一個物質化嘅幼稚園渡過童年，考到直私又點？你家姐呢個case，無論你讀York定方方，佢都會講一世的，讀York，佢會話：「好彩我當年叫你讀York咋！」讀方方，佢會話：「當年都叫你讀York㗎啦！」，所以，無論你揀邊邊，佢都唔會收口的，對付這種家姐，得兩個方法，一係插班一間勁過York嘅塞住佢把口，一係畢生當佢唱歌。

chungayu2

其實很多家長在pn時選擇方方,在k1時再會轉他們認為好d既,如sc,kv,gh,km,ms....
但好少人話由方方轉york, 可能方方跟york差不多??? 或YORK太多負面比人講啩........

另york的雜費係多.....但好多家長不會跟的, 如茶點$400/月,就好多人不入...晚裝參加舞會都是不多人參加(你估d家長真係咁得閒咩, ).............其他活動/課程/考試全是自願性的,家長可以不理,(有朋友他本身只讀YORK , 報劍橋英文課程/考試,其他什麼都沒參加過......)

不過可能你要想一件事, 如果你選擇YORK, 你姐姐會一直叫你做什麼什麼..參加什麼什麼....有排你煩..........
我跟你情況一般,身旁的人總說自己的小朋友幼稚園如何好,,,,,,但我亦以自己的想法去做, 過了一些時間,他們不會再強硬的......不景小朋友是自己,如何合適地給他一個學習地方,只有我們做父母的責任....

Moonlight819

原帖由 chungayu2 於 15-03-05 發表
本帖最後由 chungayu2 於 15-3-5 10:18 編輯

其實很多家長在pn時選擇方方,在k1時再會轉他們認為好d既,如 ...

其實為什麼總覺得家姐的意見是hard sell或不好呢？可能她以過來人的身份希望妹妹的小朋友也可在一所好的幼稚園學習呢！難道家姐會想害細妹嗎？我覺得樓主你最終按自己的意願選擇吧！

cdleep

原帖由 lauwingtai 於 15-03-05 發表
我本人十分討厭York的，理由你已講了，York又要呢樣又要個樣，不讀也罷，可能有人會話：「York考直私成績好 ...

講得好