自己教

hkpapa852

其實學術上既野, 我覺得除非你真係做老師, 唔係真係唔好諗住自己教得掂.
如果個個大學畢業就話教得掂幼稚園/小學既中英數等科目, 咁幼稚園/小學老師駛乜受訓練, 又駛乜攞証書吖!
家長角色應該係同學校合作, 一齊研究點係學校以外協助小朋友學習, 而唔係自己攬上身, 當自己係萬能俠.

citygirl

我都係自己教GESE, starters,  PTE, 仔快5歲，好彩佢like 英文，暫時都肯坐定定。有時我會獎勵遊戲機或糖。佢都好受落，而且做得更快；當發現佢攰我就唔迫佢學習。

citygirl

係呀。佢3月才夠5歲，已在舊年11月考PTE firstwords

edpo

我自己做開補習老師，所以都係自己教仔（而家四歲半），有時在家中會好認真咁搵一個鐘出嚟坐定定好似補習咁教佢，佢受嘅，一來佢算係文靜受教的孩子，二來佢見得我在家補習多，佢知咩叫坐定用心學習（當然之後有獎下糖仔，攬下錫下，play time，因為佢始終仲係細），不過我覺得係咪自己教或教幾多要好睇小朋友同父母的性格，我如果認真補習feel咁坐定教，我仔就係我學生，我會抽離亞媽的角色，唔會做做下就攬下錫下，難度都高，但可以教得比教精，所以PTE,Cambridge starter，中數常art可以全包教晒，但學樂器、游水、一些同小朋友合作活動，同埋英文oral,phonics呢啲口音上嘅野就要外判 ，但真心，我都有去為左亞仔學phonics，點講都好，外判極始終都不及父母親自教來得方便，正如利用blending串字，英文作句，中文認字，逐步學習做重組句子及閱讀理解，都係可以家長在家中由淺入深咁去做，有時小朋友病、太攰，咪自己停一堂，那天精靈活潑一啲，又可以温長小小時間

fc926

如果教自己小朋友能拋開父母那份肉緊態度，那就可以，但如果太上心，反而適得其反。而且教小學和教中學有技巧上的分別，有學歷並非一定懂得教，教育是另一門專業。

little_yolky

MASAYA 發表於 15-1-16 11:11
我地係學術返學校學，社區服務去社區中心做，興趣去興趣班學，家務0係屋企學 ...

學術返學校學, 但學唔識, 所以响屋企學
與趣去興趣班學, 但要响屋企操：
1) 考芭蕾舞要partner, 連妹妹都要出動埋;
2) 學粵劇要同佢講解故事歷史背景、背曲、操曲操動作, 表演時要同佢諗造型; 老師仲話：媽咪, 學埋化粧啦
3) 學古箏都要陪佢學, 因為老師話佢太細, 怕唔明, 要家長陪, 可以番屋企陪練, 仲要學埋tune古箏。
4) 佢學游水, 想陪佢去泳池, 幾十歲人再去學游水, 係咁飲池水


家務? 咁又真係响屋企學既。


但係, 好似所有嘢都係响屋企學咁, 阿媽變成十項全能, 唔想佢再學新嘢了

little_yolky

rean_chau 發表於 15-1-15 20:52
係丫，我都驚自己會錯手殺左佢。

好惡拍枱鬧佢, 佢就係咁喊, 閂埋耳仔, 乜都聽唔入耳, 好似火上加油咁, 自己就越嚟越火。
近來都唔發火了, 教完一次, 問佢明唔明, 佢話唔明, 就再講多次, 佢就明多少少, 再講一次, 佢就明白了。但明白歸明白, 唔表示考試時識答, 只係in that moment佢明咗。但, 點都好過佢喊苦喊忽。佢壓力都好大, 唔明點解佢數學成日唔明, 後來問到原來佢老師成日俾答案小朋友, 佢話都未明白個答案點嚟, 但佢又唔敢問老師, 因為怕老師以為佢上堂唔專心所以唔識, 所以寧願返屋企俾媽咪鬧, 都係一個可憐寶寶

MASAYA

little_yolky 發表於 15-1-19 11:38
學術返學校學, 但學唔識, 所以响屋企學
與趣去興趣班學, 但要响屋企操：
1) 考芭蕾舞要partner, 連妹妹都要 ...

學校學唔識學術，所以返屋企學，件事好似冇解決到... 只係將個問題帶到下一年... 呢個問題可能性太多，真係要父母自己先知點解決
興趣班我同意要返屋企練，除非係要對手既興趣，否則我都唔出手，始終係佢既興趣佢要自己解決

家務如果唔畀佢0係屋企學，送佢去童軍呢類制服團隊學都得，不過最好係屋企學啦，其實冇得比添

如果佢覺得所有野返屋企先學都得，咁已經係依賴，同佢講，上堂唔專心，返屋企都冇人幫到佢，下堂等送死啦

MASAYA

little_yolky 發表於 15-1-19 11:47
好惡拍枱鬧佢, 佢就係咁喊, 閂埋耳仔, 乜都聽唔入耳, 好似火上加油咁, 自己就越嚟越火。
近來都唔發火了,  ...

如果老師太快畀答案，你唯有屋企再出問題，小朋友返學有聽書，只係冇機會消化，你畀時間佢消化就得，唔駛教多次，如果都係唔識，一係聽書個陣其實聽唔明，一係聽左之後理解唔到 (兩者有分別)，咁都唔關老師係咪太快畀答案既事

little_yolky

MASAYA 發表於 15-1-19 12:02
如果老師太快畀答案，你唯有屋企再出問題，小朋友返學有聽書，只係冇機會消化，你畀時間佢消化就得，唔駛教 ...

唔可以等佢消化, 因為佢消化不良, 要等一年先明：幼稚園數小一明, 小一數小二明。所以, 唔想等死, 就要自己教多次。
返正佢話唔明, 佢話老師成日好快俾答案同學, 佢都未明點解係果個答案。返正結果係唔明。

MASAYA

little_yolky 發表於 15-1-19 13:35
唔可以等佢消化, 因為佢消化不良, 要等一年先明：幼稚園數小一明, 小一數小二明。所以, 唔想等死, 就要自己 ...

咁自己教多次係咪就明？

rean_chau

原帖由 little_yolky 於 15-01-19 發表
唔可以等佢消化, 因為佢消化不良, 要等一年先明：幼稚園數小一明, 小一數小二明。所以, 唔想等死, 就要自己 ...

我果隻一樣啦，宜家二小先終於明白左小一既數理，宜家小二既數又開始失心驚。有時我自己真係仰天長嘯，空悲切！！

little_yolky

MASAYA 發表於 15-1-19 14:00
咁自己教多次係咪就明？

係講3次先明！

torunpoland

古箏怕她太細唔明？那是不是代表她未適合學住呀？（我覺得有點自己攞苦嚟辛）

little_yolky

torunpoland 發表於 15-1-20 14:19
古箏怕她太細唔明？那是不是代表她未適合學住呀？（我覺得有點自己攞苦嚟辛）



  ...

因為阿囡原本話唔想學鋼琴(學校規定一定要學一種樂器, 考試時要考), 所以中樂相對簡單, 佢就揀咗古箏, 諗住學得好就唔駛學琴, 嘥咗錢買咗古箏返屋企, 所以......我都覺得有D攞苦嚟辛

edpo

missli88：傻豬，我地呢啲就係做開教學校，深知做學校老師就會無晒教自己小朋友嘅私人時間，先會唔做學校而全職湊仔+parttime tutor，你居然諗走入學校教，香港地教學校係唔會只係教學，仲有大把行政工作做，鍾意小朋友、識教、鍾意教、學歷高係幾樣唔同嘅野，就算真係有心做學校老師，讀完幾年教育學位出嚟，校長都可能會選fresh grad有朝氣的新仔，又或者係已有多年教學年資的老師，真係有心想教小朋友的，自己開間centre教小朋友或做下義工教小朋友（我間中都有做），仲開心