分享我仔呢一年嘅進步,正能量!(比較長)

conniekit

原帖由 聽雨聲 於 14-12-04 發表
回覆 sshoney 的帖子

其實睇你運氣,入到間學校有好嘅治療師,好嘅老師,但我都覺得如果父母接受到,s比i位肯 ...

agree

Vichang

原帖由 sshoney 於 14-12-03 發表
請問讀 S位係咪幫助好大，因為我仔半年前兩歲係私家做左評估，醫生建議讀 S位，我就跟左排緊，今日係政府醫 ...

我個仔都係私人評估話係s 位，政府又話 i 位，但我信自己心裏有數，仔仔s 位啱d... 而家讀緊s 位，好全面呀。

Vichang

原帖由 聽雨聲 於 14-12-04 發表
回覆 sshoney 的帖子

其實睇你運氣,入到間學校有好嘅治療師,好嘅老師,但我都覺得如果父母接受到,s比i位肯 ...

我個仔今年啱啱入，都編左冇自我刺激行為，中間程度嗰班。其實最叻嗰班d 小朋友正常都不得了，佢哋會傾計問對方（同學仔）你去過海洋公園未？你中意玩咩？.... 叻叻㗎。

其實，a 仔係幾叻㗎。

聽雨聲

回覆 Vichang 的帖子

Agree!入到去先知佢地咁叻,令我更多動力去做training追,希望升班

sshoney

政府今日又有社工問我轉唔轉返I位，佢話 S位排得耐過I位，我心想讀S，但C6想I，咁我係今年6月開始排，唔知出年有無機會讀到 S？你排左幾耐先排到？

聽雨聲

回覆 sshoney 的帖子

睇你排邊幾間，你打去問出年有幾多人口畢業,又睇返你排個區有幾多人排,大概心中有数。我係舊年5月尾排,今年5,6月收到通知有位,咁啱今年多人畢業,我見我排嘅两間都收到六七月排嘅。你自己安排好同睇運氣,因無人知得唔得咖。就算你排i位都要問清楚學校,因為有時咁啱個一年佢無人畢業所以無位咖

聽雨聲

回覆 sshoney 的帖子

無論你排咩位都好,都要打去排緊嘅學校問佢出年有幾多人畢業,又睇返你排個區有幾多人排緊，越早問越好。咁你自己心中有個大概。我好彩舊年五月排今年九月入學,我打去問個時佢地都話我無咁快排到(i位s位都有問)。但今年多人畢業所以多位,所以入到。所以你要問清楚安排好,你仲有時間考慮。我都知男人係比較難接受,不過睇返你小朋友嘅需要吧，唔好因為大人嘅面子令佢錯失黄金期。好好溝通,家人支持也很重要。你有無參加私人訓練?啲導師點講?

Mar9b

我仔歲半私人評估，情況非常差，之後在一間不太出名機構做訓練，二歲零系政府評估認知只差幾個月，因排到耀X密集，讀左一年，今年8月入左協XS位，但我覺得仔仔依家仲停留系二歲零，進步好小好小，S位頭兩個月，我覺得仔仔情緒方面改善左好多，固執行為少左，之後兩個月上小組不投入，而且s位ot,st個人堂都系隔周先有。我非常認同要遇到一個好老師先會有進步的。中心st好好,nice又樂意解答家長問題，可惜阿仔欺善怕惡。我擔心姑娘溫柔未能食得住佢。ot真是無言了。私人一直隔周St,也正在排ot,pt有參加小組，可惜進步小到幾乎唔多覺有。現在3歲9個月了。

Aydenmama

媽媽你好努力！加油！祝福你仔仔聽話健康！你也要保持心情開朗！天父會保佑你們ar

聽雨聲

回覆 Mar9b 的帖子

我已覆咗你我仔邊間讀。其實邊間都好,最緊要老師好自己本身又努力做訓練,仲要小朋友有少少潜質。我都好明白媽媽嘅擔心。舊年我都仲好驚要一世照顧我仔，因當時佢真係咩都唔識。我仔比你小朋友大两個月,佢出年一月尾就四歲啦。即係我仔仲可以讀两年幾s位。已經有好多個同學仔媽咪都話我仔叻,可以讀返主流。其實佢得唔得,媽咪係最清楚,佢仲有好多嘢要追。眾所周知協康s位係最好喔，可能你個仔唔夾,又或者仲未搵到啱嘅方法。其實你可以同老師多溝通,問下老師意見，小朋友有進步就贊下老師，有邊方面弱就請教老師應點做。老師都係人,都需要人贊賞和認同尊重。你同佢關係好咗,自然會對小朋友留心啲。你講多咗佢亦了解小朋友多啲。有咩方法對你仔有效都要同老師講。我都覺得治療師要有氣場先可以令小朋友合作,溫柔對我地啲小朋友係唔得嘅，反而會被佢控制咗主導權。多同老師治療師溝通,自己同小朋友相處時多用生活上嘅嘢教佢,多問小朋友問題逼佢講嘢同認嘢,随時随地都可以填鸭式地逼佢地學，當佢係普通小朋友咁教,其實佢地有能力咖，只不過佢地需要更多時間重复地教先可以入腦。你唔教佢永遠都唔識，你不停地教佢就遲早都會識。

聽雨聲

回覆 Aydenmama 的帖子

多謝！我會努力啦

聽雨聲

今日同我仔經過摩士公園見到一個鐵馬上面寫信MPN4,我仔突然指住話morse park no.4 ,實在令我驚喜萬分,無教過佢short form。

Mar9b

回覆 聽雨聲 的帖子

多謝你回覆，你的意見我都好認同。

catmervin

sshoney 發表於 14-12-3 23:02
請問讀 S位係咪幫助好大，因為我仔半年前兩歲係私家做左評估，醫生建議讀 S位，我就跟左排緊，今日係政府醫 ...

我細仔都係咁,兩歲時私人評排S位,隔幾日洩到位政府評,就排i位。我直接問政府醫生，佢話，私人評估，２歲評為Ａ仔，一定排S位,但要等2-3年,佢不必再負責任,但政府排i位,可以一年至一年半有位,總好過搵唔到幼稚園讀書。
事實上,我排咗i位,等咗一年有位,而家讀緊,間學校係大仔讀開(佢係i位畢業,今年小一),學校老師我好信任,但細仔跟唔到,成日周圍走,融入唔到普通小組中,只有在個別訓練時才可專注下來。現在排了2月見學校的心理學家,可能又要轉排S位,因為呢個教育心理學家當初見我大仔,都話佢要轉排S位,但我大仔唔係真係咁差,連政府都話情況輕微,醫生不再跟進,由職業治療師跟。
我細仔主要的問題係坐唔定,好自我,唔聽指令,脾氣差(因為語言表達差)。因為融入唔到小朋友中,所以進步係比大仔慢,唔知應唔應該轉排S位。

Vichang

原帖由 catmervin 於 14-12-15 發表
我細仔都係咁,兩歲時私人評排S位,隔幾日洩到位政府評,就排i位。我直接問政府醫生，佢話，私人評估，２歲評 ...

我個仔都好自我，有時覺得佢識聽我地大人講嘢但偏唔聽！唉....

Vichang

原帖由 Mar9b 於 14-12-12 發表
本帖最後由 Mar9b 於 14-12-12 22:35 編輯

我仔歲半私人評估，情況非常差，之後在一間不太出名機構做訓 ...

我囝都係讀緊協康S位，細你個仔少少，有進步，不過好多野都係停留喺兩歳幾階段...

catmervin

Vichang 發表於 14-12-15 17:18
我個仔都好自我，有時覺得佢識聽我地大人講嘢但偏唔聽！唉....

就係囉!評估就當佢唔識,表現好差.

聽雨聲

回覆 catmervin 的帖子

其實小朋友係點樣,媽咪係最清楚,如果真係融入唔到就不如轉s位啦。本身i位老師點講?有無咩建議?i位本身就係俾好輕微嘅小朋友讀。我今日同學校社工傾，佢主動俾咗三間主流小學我參考.叫我得閑可以做下reserch學校老師校風好唔好。又講入主流睇三大元素,一係能安坐,二係專注力ok,三係聽得明老師指令。即係要朝呢個方向訓練。我都好開心因為以前問過佢,佢都推 話遲啲先講,叫我唔好心急。而家佢肯同我讀即係我仔有機會入主流啦。不過安坐已經係一個死穴

catmervin

聽雨聲 發表於 14-12-15 22:08
回覆 catmervin 的帖子

其實小朋友係點樣,媽咪係最清楚,如果真係融入唔到就不如轉s位啦。本身i位老師點講? ...

I位老師對我細仔,真係要貼身跟住,但係佢得一個人,又要照顧其餘5個兼收小朋友,佢形容係六個煲得一個蓋,真係疲於奔命。我隻仔,個別訓練時可以好專注,一入組就唔得,因為普通老師唔會只專注佢一個,佢一聽唔明/不感興趣,就會自己走開,在學校周圍走,最鐘意走去書記道玩印仔。
現在佢已經在私人做緊感統+社交言語,仲有一星期一次個別訓練(一小時),呢D佢都上得幾好。佢係好鐘意返學,返咗學講嘢同自理都有進步,我好想佢繼續在呢間學校(因為哥哥都在這間學校兼收畢業,又同校長相熟),但又怕如果真係要轉S位,又要再適應過,又怕唔轉排S位,好似抹煞咗一個機會咁。好矛盾!精神壓力好大!

聽雨聲

回覆 catmervin 的帖子

咁即係i位老師都搞佢唔掂,佢有無建議你轉s位?就算係两兄弟情况都會唔同咖,哥哥做到細佬未必得。你個細仔係咪剛三歲?你可以見埋心理學家先睇下佢點講,呢段時間再觀察下同訓練佢安坐,我都未搵到方法,我仔又係坐唔定。個間學校在外面可以睇到裏面上課情形嗎?你平時可以去睇佢上課係點樣。你要學識放鬆，多同屋企商量,搵朋友傾下減壓。你大仔讀緊咩呀?都明白你凑两個小朋友係好辛苦,多啲上來呻下咯！