九龍民生如果收左，唔知讀唔讀好？

sinsinlo

有時真係唔明, 又想入間好學校,但又唔要有壓力
我都想唔洗讀書可以入B1學校啦

helenmelody

回覆 sinsinlo 的帖子

係喎, 要HAPPY SCHOOL就唔係民生.....市場其實好多選擇
各位家長諗清楚想仔女行邊條路, 目標明確便OK

chok0925

sinsinlo 發表於 14-11-24 16:56
有時真係唔明, 又想入間好學校,但又唔要有壓力
我都想唔洗讀書可以入B1學校啦 ...

我估佢地講既壓力唔係功課/考試分數上既壓力,係因為民幼上民小唔係100%收番,係小學學位既85%,大概民幼既一半或者再多小小(資料之前由其他在學媽咪提供)

你想升民小,就要唔好做果30-40%其中一個,所以D媽咪覺得,如果小朋友有幸收到民幼offer,但係又知將來會面對2-3年既壓力生活,就係小朋友唔好做到果30-40%其中一個,壓力就會自自然然出現!

我地做媽媽既,當然希望小朋友入到一間好既學校又可以一路讀上去,小好多麻煩,但如果知道個遊戲如果係咁玩法既,多一重擔心,係正常
(包括我,我今年都等緊結果,雖然機會好細,但未收到信,總有小小希望)

helenmelody

回覆 chok0925 的帖子

你覺得你的小朋友面試表現如何?
我覺得我個女都有8,9分(10分滿), 可能我容易滿足, 我同你諗法一樣, 雖然知機會好微, 但都有小小希望....




我同老公講, 見阿女呢兩個星期IN了三間, 表現都好好, 如果一間都唔收就真係認命, 無野講, 但大家都算有個交代, 覺得囡囡同自己都盡左力, 黎緊仲有兩間未IN....到最後如果都無OFFER的話, 唯有乖乖去讀返好貴的無學券K1, 原校升上去, 阿媽唯有買少D野, 食少D好野...哈哈

chok0925

原帖由 helenmelody 於 14-11-24 發表
回覆 chok0925 的帖子

你覺得你的小朋友面試表現如何?

真係同你一樣，我先生想原校升，但我又想比佢試下。

我都覺得佢有8分啦，但好講彩數，希望大家都有好消息

sinsinlo

chok0925 發表於 14-11-24 17:14
我估佢地講既壓力唔係功課/考試分數上既壓力,係因為民幼上民小唔係100%收番,係小學學位既85%,大概民幼既一 ...

我當然明啦, 但諗清楚, 點解想讀依間?因為小學,中學都係好學校姐, 咁既然係好學校, 就算100%升上去, 係唔係等於唔洗讀? 要知道終極目標係大學既時候, 冇論係直資又好, 津校又好, 都係有壓力, 何況係直資? 其實100%升到上去都唔係好事, 如果係差果班, 自信心會冇晒, 所以話點解要因小朋友能力去揀學校, 如果個小朋友真係資質平傭, 我寧願佢讀B2,3學校~

helenmelody

回覆 sinsinlo 的帖子

非常同意, 我覺得很多父母過份憂慮了...小孩讀書的時間好漫長, 宜家我們還未能看出他們的潛質
但找一間適合的學校至為重要

我的朋友的仔仔K1讀kln tong一線幼稚園，但程度過深，影響他的自信心，佢之後幫佢轉了K2另一間比較happy learning但語境都好好的幼稚園, 讀得開心又升到心儀的私小

大家不要因為仔女跟唔上就否定自己的孩子, 要好好想清楚仔女適合那一類型的學校, 就算揀錯, 要轉校, 都唔好覺得係世界末日, 要相信孩子, 比信心佢地, 小孩自然表現得好, 我的朋友仔仔唔算好聰明, 但算勤力的

大家一齊加油啦~~~

helenmelody

Good luck!
有消息，大家互相私信丫。

Happi_Mum

我去IN, 前前後後好多內地人... 請問係呢間係咪收好多內地人?

inabit

原帖由 Happi_Mum 於 14-11-25 發表
我去IN, 前前後後好多內地人... 請問係呢間係咪收好多內地人?

英粤班唔係，無內地人