升中的同學每日夠唔夠8個鍾睡眠？

bestwish

我女成績唔係好好架，係上左中學，人地仲低分過佢，假象好似好好禁咋。平時佢放學都遲先回定，大約5-6點。做一陣功課，食完飯hea下或做功課禁（hea多），10點半就訓。平日都有二天學野及一天補習。呀女上到中學話超級忙，hea嘅時間小左好多。

lakesilver

原帖由 qzwg 於 14-11-21 發表
我發覺真係好難有8個鍾，咁多功課、默寫、quiz...其實如果少於8個鍾，比如得7個鍾會唔會影響發育成長？ ...

我個S1，每日睡接近9小時，甚至9個幾小時。

Lily2003

點解會咁誇張, 我囡讀誇區 Band 1A 中學 S.1, 平日十時睡覺, 6:40am 起床, 可否解釋點解會咁夜訓覺 ????

candyhmama

冇..小學果陣9個鐘,依家日日六個半鐘到..
因為我要佢12點前必須上床.而佢往往已經攰到即刻訓著.同小學完全唔同.

Mfdragon

Of course.

yovin

原帖由 Lily2003 於 14-11-22 發表
本帖最後由 Lily2003 於 14-11-22 15:52 編輯

點解會咁誇張, 我囡讀誇區 Band 1A 中學 S.1, 平日十時睡 ...

Band oneC男仔,放1630,六時前回家……每份單挑功課起碼（起碼）30mins,四份約2.5小時，六份功課3.5小時，取中位數3小時。食飯、上厠所、沖涼、小休等1小時。七级琴練半小時（已經好求奇，自發喜歡）。當天新聞閱報半小時（英文只能看一則or兩三篇中文）。讀背默書or小測or串英文1小時。基本嘢已經用左六小時……你呢？可否寫寫？………未計group project 、閱讀學校要求的課外書喎、課外活動呢（星期二學琴和星期三學校drama），星期六已用來（補數理、Eng）和做長功課了。好似今天星期曰，他做畫畫功課、完成網上功課、執group project 、背左一段背影、四字成語和英文、再找我大家研究他不明白的各科課文、他自己臨睡前仲看一本學校叫的課外書……我叫他睡啦、佢答我唔想令老師失望。挨……！band oneC與oneA比，個人覺得亞仔思考較慢，理解閱讀寫字，樣樣慢一半，自知以勤補拙，所以多用點時間。…………其實佢自己好想抽時間學番畫、之前已cut哂畫班、普通話班、音理、羽毛球，可惜我為他健康着想，叫他有時間用來爭取睡眠……男仔夠瞓才可高……可惜平曰無法睡到八小時，只有七小時咋。心痛……加上書包又重！中學生涯不容易。所以有理無理，星期五是睡覺day，放学吃飯打陣機即睡十幾小時。

hong2002

你個仔好乖！

hong2002

原帖由 Lily2003 於 14-11-22 發表
本帖最後由 Lily2003 於 14-11-22 15:52 編輯

點解會咁誇張, 我囡讀誇區 Band 1A 中學 S.1, 平日十時睡 ...

我仔打緊3隊波(校隊，球會等)，每日練波約8時前回家，食飯冲涼9點開始做功課，約12點完成，跟住覆下whatsapp搞陣自己野，12點半瞓!

grace_xian

暫時都有

Lily2003

yovin 發表於 14-11-24 05:52
……你呢？可否寫寫？………。

嘩 !  我睇到 0 晒咀啦 。我 女 form 1, 6:40 起床, 跨區返學, 16:30 返到屋企, 從不寫手冊 (學校不要求), 每日都話在校做完功課。 回來  Whatsapp 15 Mins, 如果佢無功課, 我比練習佢做 或佢自己睇休閒小說。我女從來不背書, 臨渴才挖井, 返到學校才睇默書或不睇, 考天材波。 6:30 食飯兼睇新聞 及睇 8:30 老表你好hea。 暫未有 project, 開學只有兩個月。晚上十時睡覺。


至於星期六/日, 無任何補習或恆常活動。 我同老公陪她大尾督單車, 風箏, 溜冰, roller , 釣魚, 游水, .摸蜆 玩下狗... 等休閒運動。 我買大量不同花款顏料顏色筆, 畫畫自學書 等 給她自畫, 她鐘意畫畫, 次次貼堂。 間中樓上樓下朋友約她羽毛球, 及學校每星期有兩小時羽毛球活動。 普通話由附近台灣及國內新移民鄰居操練, 我囡已非常流利及識睇拼音。

因為女兒資質較差,  吸引能力夠慢, 所以不想佢學太多科目, 將勤補拙，多用點時間做好基本主科目。 其實要做好學校科目也不容易,  中 英 數   LS, Science, Geography, History, 中史, English Literature, 宗教 普通話 ............暫時英數科目能保持全班第一。

真係讀死佢, 星期六日比佢享受人生吧。

我囡讀書態度差, 對自己無要求, 所以輕鬆過日子。

我自己覺得現在讀書競爭激烈, 父母安排很多, 苦了學生。 同情 !!!  無奈 !!!!

aa06

回覆 Lily2003 的帖子

數學第一, 好叻啊! 可否分享如何讀好數學?  另外, 可否請教你囡囡如何快速完成功課? 謝謝.

yovin

原帖由 Lily2003 於 14-11-24 發表
嘩 !  我睇到 0 晒咀啦 。我 女 form 1, 6:40 起床, 跨區返學, 16:30 返到屋企, 從不寫手冊 (學校不要求),  ...

上到中學，我有安排的就只是幫他cut課外活動。現在做的只是最基本了，補數理和英……是問些連我都不懂的。他是自發對功課認真，都有講他還要求我出去學畫畫………………我見識過1A學生（是張祝珊精英表妹），一篇木蘭辞，拎左本書去厠所10分鐘，出嚟真的一字不漏;相反我仔就用左45分鐘。…………他似爸爸愛睡，有時叫他出街玩，他寧願在家睇戲or睡覺or打機。全家得我一個是户外型，三個成曰迫我打家庭games ，被睏的是"我"……不是他們。

黃巴士

yovin 發表於 14-11-24 13:28
上到中學，我有安排的就只是幫他cut課外活動。現在做的只是最基本了，補數理和英……是問些連我都不懂的。 ...

我之前都係咁諗, 多些時間俾孩子休息及溫書.  豎不知體力下降, 鬥志都少了, 結果就是如你所說: 在家睇戲, SLEEP, 打機, 成個好像都漏氣了, 沒活力, 唔願郁!!  我寧願他BUSY忙D......

Lily2003

aa06 發表於 14-11-24 12:27
回覆 Lily2003 的帖子

數學第一, 好叻啊! 可否分享如何讀好數學?  另外, 可否請教你囡囡如何快速完成功課? ...

我囡 數學全班第一, 取滿分 50分。 不用羨慕, 你們也可以,  無捷徑, 每天操數學練習, 我給她幾本, 只做 深的 Level. (For example 教圖出的 Progressive, join us 出版 的  Brillancy .... master Exercise ...)  唔好浪費時間在淺的Level.  遇到佢唔識, 父母兩人輪流解釋給她, 看她能吸收我倆那一人的表達方法。

跟本間學校就無咩功課, 成日要求做閱讀報告, 我囡自小閱讀習慣, 睇書好快, 所以快速可以完成閱讀報告 、作文 等等。

視藝畫畫都好快完成, 因為我買很多顏料, 很多顏色, 所以好快就做到一幅色彩繽粉豐富耀目的圖畫。

不過, 女兒天資極平傭, 雖然睇很多書, 識作很多文章, 可惜理解力很差, 中文剛合格。

qzwg

yovin 發表於 14-11-24 05:52
Band oneC男仔,放1630,六時前回家……每份單挑功課起碼（起碼）30mins,四份約2.5小時，六份功課3.5小時，取 ...

你個仔超乖，好勤力

qzwg

Lily2003 發表於 14-11-24 22:25
我囡 數學全班第一, 取滿分 50分。 不用羨慕, 你們也可以,  無捷徑, 每天操數學練習, 我給她幾本, 只做 深 ...

hehe~,   就咁睇來，我覺得你個女天資係極不平傭呢

另外，羨慕你女女間學校咁少功課！抑或你女女犀利，全部係學校搞掂做晒功課？

yovin

Lily2003 發表於 14-11-24 22:25
我囡 數學全班第一, 取滿分 50分。 不用羨慕, 你們也可以,  無捷徑, 每天操數學練習, 我給她幾本, 只做 深 ...

我都好羨慕 ! Lily已中六合彩......頭獎個種

TwinWong

Lily2003 發表於 14-11-24 22:25
我囡 數學全班第一, 取滿分 50分。 不用羨慕, 你們也可以,  無捷徑, 每天操數學練習, 我給她幾本, 只做 深 ...

係 数理羅緝強 寫作就無咁強

angelfan07

我囡平均訓7.5個鐘。