學游泳要學幾多堂/幾多個鐘至識?

HoneySeeSee

Sindy,

妳大女幾歲學游泳?細女幾歲學游泳?這泳會在哪裡?
現在5月學,初學會否容易生病, 應否暑假才學會好d?
我怕到時人多,初學者會得不到多點照顧,如何選擇?
請指教!   

Honeyseesee

winwin323

Hi~yw,
係呀~ 我就係因為怕我囡囡同佢同學仔成日掛住玩, 所以唔比佢2個一齊學游, 要佢地自律, 真係好難 :-| .  

如無意外, 我都係mark返呢個, 因為囡囡好鐘意跟佢, 不過而家諗緊蝶式想轉去惡Miss, 又怕囡囡唔受
我覺得XX教得快d, 佢同XX一齊開始蛙初, 第一堂,XX那組已經可以落水, 但XX那組仍在泳邊學蛙腳

係呢~妳囝囝幾大呀? 我囡囡剛6歲   

yw

winwin323,
囝囝在98年10月出世的，而家6.5歲，在九龍灣返學，溫書做功課好勞氣angryfire:。
我想你囡囡剛滿6歲，應是今年9月上小一嗎?找定學校未呀?     

winwin323

yw,

我囡囡係今年9月上小一,  1st round 攪掂左啦~ 唔洗再煩....好彩

男仔係勞氣d架啦~ 唔好同佢硬碰, 勞唔勞氣佢都係咁, 不如"tum"下佢, 讚賞下佢, 而家d小朋友好現實, 要利誘.
我會用貼紙獎佢, 如果貼夠數量可以買一份小禮物, 希望呢個方法可以用耐d啦

yw

good idea! thank you. :wink:

Toby媽媽

其實3歲開始學就ok.不過要揀泳會就要小心d,要睇教練質素,學習環境,同課程編排係唔係合理.
我覺得個d學10堂完成1種泳式的課程好有問題,因為每個小朋友的進度,吸收能力都唔同,而且如果一開始學錯方法,10堂後亂咁'爬'到幾米就算學識,第二日要糾正就好難了.

angelmami 寫道:


請問幾歲學游水比較好?

HoneySeeSee

winwin323,

妳女女幾歲學游泳?我女女四歲,有好多泳會都話要5歲以上才收   
現在5月學,初學會否容易生病, 應否暑假才學會好d?
我怕到時人多,初學者會得不到多點照顧,如何選擇?
請指教!   

Honeyseesee

朗朗媽咪

早晨.
我今個暑假都想比個仔學游水,邊到好呀?
請問有無聽過ymca學游水呢?

Anson_Ma_Ma

好貴呀!! 尖沙咀個間, 要俾入會貴成$2xxx.00
我個仔下個月會係史丹褔學, 8堂都係$795

朗朗媽咪 寫道:
早晨.
我今個暑假都想比個仔學游水,邊到好呀?
請問有無聽過ymca學游水呢?

winwin323

Hi~Honeyseesee,

我囡囡3歲就開始游親子班, 3&4歲都係暑假學, 到舊年暑假/5歲半開始學游式, 中間無停過到現在.

如果妳係選出indoor暖水泳池, 應該唔會怕有涷的問題, 我囡囡9度都照去游.

以我所見, 暑假係多d人學, 最凍o個排係無咁多, 但都唔少人架.  至於師生比例, 妳可以問下妳想報的泳會, 比例係點, 我女的是1:6, 初學的會2:6.

有好多泳會都話要5歲以上才收>> 係呀~ 我舊年暑假問過, 有d泳會要6歲先收, 間間唔同, 妳問多幾間睇下

初學會否容易生病>> 如果怕小朋友凍, 只要上水時, 立即用乾毛巾包住, 換完衫後, 最緊要抹乾d頭髮, 尤其女仔頭髮長, 游完水準備d暖水+小食比佢, 應該都無問題.


**我問過一些朋友, 他們都是教游水, 佢地話小朋友上到小學先學游水, 會好快上手, 太細個學, 小朋友都唔會游得好.  我比囡囡學的原因, 係佢有氣管問題, 係醫生叫我帶囡囡去游水.  今次學游水, 雖然用左d$交學費, 但係意外收穫, touch wood 呢半年只係睇過2次醫生.

Bluestar

朗朗媽咪,

TST-YMCA 學游水, 唔一定要member 至報得名，但暑假多人報，member可優先報，所以通常要做member 至報到名。
http://www.ymcahk.org.hk/general_new_e/
你個仔多大 ？如果足6歲可做junior member，比family member便宜。
個泳池是暖水池，如3-6歲初學會在小童池學，比例最多1:6。6歲以上則在大池學。

油麻地ymca也有，但我不清楚這裡制度。
http://www.ymca.org.hk/cymca/big5/index.php

朗朗媽咪

bluestar媽咪,
唔該晒.
我個仔五歲,你小朋友呢?
我睇過油麻地ymca章程,佢地果班我唔記得幾時至到六月完.(我想七月先學,d水無咁凍)
一定要入左會先.
聽講好多人報名?
你知唔知佢地係乜野詠會呢?

Bluestar

朗朗媽咪,

我個仔6歲+，一向在tst ymca游水及上大部份興趣班。個泳池是暖水，冬天在更衣室有勁暖氣，個仔穿短袖泳衣+潛水衣料背心已夠暖。我是當項運動，等他有適當運動，而確實少病痛。
最近有次個仔有少許發燒+作感冒，中午看完醫生問可否下午去上游泳堂，個醫生都說無問題。

兩間ymca 應有自己泳會，不屬街外泳會。
兩間都多人報泳班，夏天/暑假更甚。

yvomak

有邊位去過"海天"教得好唔好呀?

朗朗媽咪

bluestar媽咪,
我頭先打去問過油麻地ymca佢地話暑假先開到班.
你個仔學左幾耐呀?幾時開始學?幾時學識呢?
佢驚唔驚水呀?我個仔好細膽.
tst ymca 教得好唔好呀?果度學野貴唔貴呢?

Bluestar

朗朗媽咪,

我個仔都幾怕去學，幾驚水，勁討厭有水在面上的感覺，沖shower會喊救命，所以單是克服怕水這點，已浪費不少時間。學(其實是玩)了1.5y, 剛話自己識浮。
但試過帶佢去西貢鹹田灣，勁大浪，佢又唔驚，玩水玩到癲。
點至叫學識 ？貴 ？各人定義不同。
總之我當是興趣班，而非要學正確泳式去比賽。同埋everything under one roof，佢熟悉該處環境，又唔係咁雜，就算。我們住所無會所，亦不會/很少機會帶他去游泳。
d小朋友其實如果喜歡玩，就不會懂得驚，細膽是從大人處學返來。讓他上上堂，希望他有危險的意識，反是好事，會懂得避過。

朗朗媽咪

bluestar媽咪,
你個仔落水腳唔到地識唔識游?
係tst ymca係唔係可以睇到佢地游水嫁?

ykwong

Bluestar 你個仔同我個勁似，而家沖涼重合埋眼。四歲學左大半年都浸唔到個頭落水，勁 sai 錢。

不過游水真係好，學識都唔好停，有病醫病，冇病強身。每月俾几舊水泳會，好過買醫療保險。

Bluestar

ykwong,

所以殊途同歸 - 同姓，好大機會做埋師兄弟。

Bluestar

朗朗媽咪,

腳唔到地識唔識游 - NO, 但tst ymca個小童池很淺，小朋友站著腳可到地。要到level 2 中段才學浮水，要懂得浮少少才pass level 2。
以前個設計，家長要扮長頸鹿企在老遠的欄外又要個小朋友站/游的位置剛好，才可以看到。泳池及更衣室範圍現正裝修，4月底才完工，不知到時怎樣。