請幫忙...仁立 & 浸聯

Mrssslui

彤媽媽,
好多謝你細心的分析,我都有諗過你所講既情況,去間淺既,考好D,好過去間深既幫人墊底.
你認為主恩同仁立都係同一情度嗎,還是淺D呢?

Baby0007

彤媽媽 & Mrssslui,
係呀讀Brand 1 小學，有一半派到英中，
Mrssslui你可以上仁立網睇下以往資料。
就好似大多數直資私校派位達85-95%入到英中。
佢地將課本程度提升半/一級，趨谷學生及家長。

Mrssslui

咁除咗位立,還有邊間 band 1 in Kwai Tsing District?
How abt 主恩, 主愛, 何澤雲, 世德?

carchu12

聽講世德是好的，但都是"谷"型

彤媽媽

主恩是淺過仁立的,
住我對面的小朋友讀一年級,
我看過他的考試卷,
都係書教咩就考咩,
好似市面的作業咁,
幾好,
其實我好唔明白,明明小朋友無學過或做過咁深的作業,
點會要考佢地咁深呢

f20657

我個女讀仁立一年級，是第二輪才中，我覺得是65區最好，補充是功課，聽人講仁立紀念就会考一些課本無但老師話在活動課堂已學了所以家長好難同仔女温書

Mrssslui

我覺得是65區最好 - 點好法呀?可唔可以講多D呀?

f20657 寫道:
我個女讀仁立一年級，是第二輪才中，我覺得是65區最好，補充是功課，聽人講仁立紀念就会考一些課本無但老師話在活動課堂已學了所以家長好難同仔女温書

Mrssslui

咁仁立深D定仁紀呢?

傑傑mummy

請問15分抽中入仁立o既機會係o米好渺茫呢?
精英班係o米由P3開始?
係o米大部份精英班o既都可以入到林護呢?

彤媽媽

15分是好多人都有的喎,大仔+地址+適齡,
精芵班是三年級開始的,
總之精芵有兩班,
大概有八十幾人,但都要好睇你的隨機No.
其實點解一定係要入林護呢???
你了解這學校嗎???
以我所知,我朋友的兒子的鋼琴老師,
是一個退休校長,有幾個林護學生在補習,
佢都話,你個仔第時唔好去林護呀,
中一就要學生學咁深,要作芵詩,
咪又係我地補習老師做,咁細個點識呀???
林護係好谷學生的,
有人去家長會拿成績表時,問班主任仔仔的學業問題,
答案是:你入得妮,就預左係咁啦(即係我地係咁深架啦)
其實重有幾間芵中,唔係一定要搵佢架??

仁立上年係好似有八十幾人去左林護,總共有九十幾人入了芵中,但好似聴講,林護唔係好滿意一部份仁立仔的成績,可能係精芵尾的人,所以話,唔好以為入到林護,好似中頭奬咁,係要好睇你小朋友,芵文程度係咪好高呢??如果唔係,要同人地墊底咪好慘,係咪

Baby0007

林護緊程度勁深，因為入大學率達95%。咁就要由中一開始吹谷啦
如果小朋友自己好自律、自願學習、喜歡閱讀課外書"英/中"，再加補習幫助，咁就非常好。   
如果唔係，真係家長就 angryfire:  囝囡讀到無心機    。
不過邊有父母唔想囝囡入到大學，佢地將來生活開心。
  

彤媽媽

入大學率只係一個數字遊戲,
如果間間學校學佢咁,要會考好高分先收回讀F6,
即係要收精芵中的精芵,
入大學率一定高架?!
我個女想入讀LEE SIU KEE,有朋友話呢間幾好,
唔會不停咁谷細路,會多用做PROJECT的方法,
等細路自己找資料,做報告,會明白自己學緊咩,
又有好多運動做,其實華仁都係咁樣教法,
好似外國咁,要學生自己找資料,從而了解自己學到甚麼

不過,我朋友個女都想讀林護,
佢依加成績都係精芵班,
如果佢入左,到時就會特別了解這學校的情況,
今年九月就知道結果,
如果佢入到去,到時再話你地知,
我地得閒講下仁立的情況,唔好等個TOPIC沉左落去
     

tkkmama

彤媽媽:

我好欣賞你既敢言    就算你囡囡在仁立就讀,你都咁清醒,好難得呀,我地主恩人就算知道尼D係事實,我地都唔敢公開咁講架,驚人會話'吃不到的葡萄'.可能我地係街坊喎

Mrssslui

彤媽媽,
好多謝你既分享.比我地呢D唔多認識呢間學校既人有個了解,否則只聽坊間傳言,幫子女揀錯咗就大件事啦!
聽你咁講,講到林護咁深,你又會唔會比你女女入呢間呀?

彤媽媽

點知到時個女會唔會馬失前蹄或發神經,
到時係點,依加好難預測喎!!
到佢咁大個女,會比番佢自己選擇,
佢鐘意做運動,
多數鐘意lee siu kee(如果到時仲有份讀精芵班的話)
等朋友個女升中,如無意外的話,
多數都入林護,到時就有最真的料講下啦!!  

讀書有人早發力,有人遲發力,
最緊要係培養小朋友有求學問正確的心態,
我地又盡左責任,教導佢地,
如果真係唔得,就算啦,
天生我材必有用,又唔係話讀完大學一定做野好好,
未讀過的,出妮返工一樣有機會是叻仔,叻女,出人頭地,
係咪
  

Mrssslui

彤媽媽,
我好欣賞你既樂觀及心態.
其實唔係家長想谷佢地,而係而家既教育制度及個個家長都勁谷,我地真係好難做.
1.  想問位立既老師如何呢?聽聞一些名校老師唔係點教,全靠家長自己教.
2.  靈育方面既培養又如何呢?
3.  課外活動多嗎?
4.  P.1 跟 K3 是否有很 gap?
5.  Which form start 精英班?
謝謝解答.

Baby0007

彤媽媽,

聽到上屆畢業生媽咪話lee siu kee都 唔易入，舊年都唔夠10入到。學校除睇成績外最好仲有一或二種較出色課外活動，比較多方面發展。但林護就非常注重學業成績，死瞇書。
你講得無錯，每個小朋友都有所長，狀元或包尾都唔知將係點。古語：一命二運三風水四積陰德五讀書。
千萬唔好以為付出栽培心機、金錢，就一定出人頭地。
最緊要唔好學壞，誤入歧途。
  

彤媽媽

Mrssslui :

1.教師都OK呀,幾有心機教,暫時都無聴到女女投訴
2.靈育??是咪宗教呀?佢地都有生命教育這堂,教小朋友正確的生命價值觀
3.課外活動在星期五的放學後及星期六早上,即14:00後,仁立星期五是放早的,要自己比錢,有音樂,學術,語言,數學,星期六有跆拳,基督教少年軍,童軍.....小三開始可以選校隊,可以比少錢就有得受訓
4.P.1就間間開頭都要淺少少啦,同K3都唔係好有Gap,除非你小朋友的幼稚園是唔駛寫字的,仁立公課唔多,每天四五樣,
我女女最遲兩小時內完成,多數都係做一小時
5.小三開始精芵班

Baby0007 :

係因為多數班主任都叫讀得的學生選林護,所以咪好似好少人入到Lee siu kee咁,朋友的大仔上年考中間,都派到,始終仁立的排位都係高的,好似油天咁,考過百名都去到Band 1中學
依加做人父母甚艱難,比個混亂的升中方法玩死,我都成日同個女講,你讀唔讀到書,咁細個,未知道,但大個一定要係一個好人,對得住天地良心,咁就不枉費父母的教導了

youma

彤媽媽,

[依加做人父母甚艱難,比個混亂的升中方法玩死,]  

何以見得?
:-|

...[我都成日同個女講,你讀唔讀到書,咁細個,未知道,但大個一定要係一個好人,對得住天地良心,咁就不枉費父母的教導了]  

非常同意!

Mrssslui

彤媽媽,
I appreciate you very much.
你不單講出此校的長短,還清楚解答我地既問題,真係很高興認識你.
咁想問今年有20分,1st round 易入嗎?