為仔仔真心請教入皇仁的要求

fion6406

原帖由 Charlotte_mom 於 14-09-05 發表
我朋友個仔, 非聯繫小學, 非高材生(OK不過不是最TOP), 面試時只問左好生活化的問題

不過佢個仔係好有教養 ...

點樣完美法？可以分享下嘛

fion6406

原帖由 kittymam 於 14-09-05 發表
回覆 fion6406 的帖子

想請問即如果成績得就有一次機會?(未考有時都唔知是否如往),而搬地址又可多一次大抽 ...

中學派位，自行階段QC 得40個位左右給全香港報，一定是揀成績，每間小學的top 3 才有面試機會。統一派位階段QC 有約50 個位給灣仔區小學band 1 生抽，大家鬥運氣，無話要成績最top， band 1 就可以有機會。在你的case 成績未到top 3 ，搬屋增加機會是可行，但現在要開始攪了，申請改派位校網跟住址（跨網）雖然最遲是小六時的2月，但到時候要有水電煤帳單證明，而且搬屋實在是大工程，兼並唔係一定能幫到你達成心願，一家人要商量商量。還是那句，何必非君不嫁呢？

plastic

不是全級頭三多數連面試機會都沒有，除非有特異功能，例如奧數在全港有代表性比賽拿到很多奬項。這些學生會被皇仁這類神校在自行階段主動Call去面試，幾乎一定得。

plastic

還有，小六有鋼琴/小提琴8級甚至演奏級的比比皆是，所以若是這些樂器7級便沒有大用m。

ernestchow

小朋友要學懂平常心去面對

like_travel

原帖由 ernestchow 於 14-09-06 發表
小朋友要學懂平常心去面對

家長同時都要平常心

goodenough

憑一個心想入皇仁係唔夠嘅！

未報名時一定要有自信心。
報了名就要有耐心。
面試時就要表現有進取心。
放榜時就要用平常心。
成功被取錄的就要有感恩的心。

如大地之五行，順應而下，因時而變，隨事而制。

winniecws

原帖由 goodenough 於 14-09-06 發表
憑一個心想入皇仁係唔夠嘅！

未報名時一定要有自信心。

勁

vckchoy

東涌官小亦得。

winniecws

原帖由 fion6406 於 14-09-05 發表
點樣完美法？可以分享下嘛

我都想知

patpat234

我仔學校，東區非一線，全級第七都入到

winniecws

原帖由 patpat234 於 14-09-06 發表
我仔學校，東區非一線，全級第七都入到

個小朋友有冇其他特異功能？
因為在東區學校冇得抽獎喎

patpat234

原帖由 winniecws 於 14-09-06 發表
個小朋友有冇其他特異功能？
因為在東區學校冇得抽獎喎

同班同學話無

kittymam

回覆 Charlotte_mom 的帖子

好感恩多謝大家的分享！或者人生平淡就是福，如此辛苦真的不是我杯茶，一切都係要靠小朋友自己，平常心好啱，仔仔睇完都明白及好多謝大家！從討論升中及了解中，雖然佢目標依然不變地不同於我，我都好開心佢主動生性的努力，這已是入任何一間中學都能快樂學習的安慰！唔該晒！

東寶

原帖由 patpat234 於 14-09-06 發表
我仔學校，東區非一線，全級第七都入到

請問仔仔讀邊閒小學？
我仔仔今年小五將要搵中學。
老師話佢大概band 1尾，band 2 頭。
所以想了解下東區的選擇。

mamee

真係看你有幾一條心：事實上去到大抽獎，皇仁也有2個他區位分給東區校網，真的想試搏這2個他區位也不是沒可能。我仔學校是2線東區小學，學校升中講座中老師有提及曾經真是有學生用這個方法成功入到，獲派時超高興，但因不是最top的學生，所以讀起來頗吃力。

今年升中人數少，東區又足band 1位，用不用皇仁這2個他區位搏第一志願抽，真是看膽識，正如張祝珊/庇記第一志願也不一定中一樣道理。

總之，用心盡力考好呈分試，最緊要沒有某一科失手，已經十分好。祝 一切順利！

goodenough

winniecws 發表於 14-9-6 20:32
個小朋友有冇其他特異功能？
因為在東區學校冇得抽獎喎

東區男同學除了有乙部2個他區位之外，還有7個甲部可供全港同學抽的可試。如果係愛官還有6個聯繫位可供優先派位。

shana_ng_533

你好呀！我雖然唔係入皇仁&not a boy，但係我之前讀小學果陣有一個同學keep住年年全級第一&中英數常都有Top 5嘅成績&運動方面佢有係舞獅方面得到唔錯嘅成就……點講好呢？總之佢屬於「文武雙全」嘅學生啦，再加上由於佢品行好好，所以得到好多老師認同。有呢d條件之下先入到皇仁，所以如果你仔仔都有大概條件應該都in到嘅……希望你成功la!加油！