【視頻】非常校長（我們的天空）

Christi

原帖由 LSKLTK 於 14-08-04 發表
我哋全家都冇睇CCTBB兩年啦，因為有損腦部發展。

elbar

陳葒校長：我無劇情咁慘　經歷變《我們的天空》藍本


《我們的天空》講主角馬校長（左圖右二，黃智賢飾演）快餐店為清貧學生補習，被食客鬧佢阻住晒；現實版陳葒校長（右圖）都話，義務導師因為搵唔到更適合地方，要快餐店補習，希望大家體諒。

【明報專訊】早排引發爭議無實劇《我們的天空》，前晚播集「非常校長」係以前中學校長陳葒放棄高薪厚職、開辦「陳校長免費補習天地」幫助清貧學生真實故事為藍本。戲劇難免有虛構成分，劇情講到補習社面對業主加租，校長想賣樓補貼，搞到老婆鬧離婚，阿女又唔鍾意佢「降呢」做保安搵外快。陳葒話同屋企人睇完一笑置之，但為免大家誤會佢屋企人，佢話需要澄清，現實版佢係冇咁淒涼。

無為搞免費補習賣樓

陳校長話不但冇畀業主加租逼遷，之前仲有好心業主廉價租辦事處畀佢做補習社，家仲有善長贊助租金，但就冇劇中所講有人一次過捐500萬打救補習社，現實中佢間中心主要靠市民捐款集腋成裘，所以成日都等善款打救，近排佢仲建立個電子學習平台，希望市民可以捐平板電腦畀學生。陳校長又話，冇諗過賣樓補貼補習社，因為佢無樓可賣，因此老婆既冇為此鬧離婚，仔女亦唔會以佢做保安為羞。

不過部分劇情都幾到肉，好似主角馬校長快餐店幫學生補習，被食客鬧佢阻住晒，陳葒話，現實中搵唔到更適合地方畀義工義教，所以佢真係連鎖快餐店或其他公眾地方幫學生補習，咁樣做義工其實唔容易，希望大家體諒。

himching

套劇其實都ok, 但最最最最最最攞命係加入強國人拯救果段. 依家香港好似樣樣嘢都要靠亞爺打"九"先生存到.

elbar

無綫劇失實又維穩　陳校長：冇內地富商打救






■非常校長真人陳葒在fb表示生活沒以前富裕，但仍有菲傭和子女讀國際學校。

無綫實況劇《我們的天空》前晚播出第三集單元《非常校長》，標榜是根據陳葒校長的故事改編，劇中黃智賢飾演馬校長，因為覺得世界不公平而放棄校長一職，改為任職保安及免費替基層學生補習，而被女兒看不起，最後他還想賣樓補貼免費補習社，險鬧離婚，結果是一位受過希望工程恩惠的內地人捐500萬打救。

覺貶低港人

有網民看過後覺得此劇不但維穩，且貶低香港人，內容還帶強烈雷鋒精神，網友Benjamin K Teng說：「係超現實，誇大咗，最後仲要一個內地富二代因為以前香港人嘅希望工程幫過佢，強國人又一次做『大英雄』救助渺小嘅港豬了。真係河蟹維穩得好緊要！」Clifford Cheng說：「點解黄華麒（前廣播處長、《我》劇監製），唔辭咗份工自己試吓？」



■劇中為籌錢向老婆要求賣樓。



■內地人（左）在劇中捐五百萬救補習社，但陳校長指現實並沒收過百萬的善款。

現實中的陳校長看過《非》劇後，昨日在自己facebook留言，對戲劇誇張修改一笑置之，但有幾點他很想澄清，首先是「不曾想過賣樓來做免費補習，因我根本無樓可賣。當然我妻子更不會因為這種事而提出離婚。」

陳校長笑言生活雖然沒有以前的寬裕，但家中仍有能力請一個菲傭，三個子女還在讀國際學校，更重要是「子女的同學並不會理會他們的父親是作家還是保安。我子女也不會以作家為榮保安為羞。」陳校長同時解釋免費補習天地的營運資金，主要是由幾位善心人捐助，加上善良香港人一千幾百的捐款。亦希望大家體諒他們在連鎖快餐店或其他公眾地方補習的義師和學生。





■劇中黃智賢飾演的校長，為幫窮苦學生義補打算賣樓。


■女兒以為父親任保安覺得沒臉。

收22宗投訴

此外，前晚播映的《非》劇單元，無綫收到22宗投訴指內容偏頗不能反映社會現實，也有5個讚能反映社會現象。通訊事務管理局方面表示收到4宗投訴，指此劇「不盡不實、抹黑老師和香港人、節目質素低、有維穩成份」等。前晚收視更有明顯下跌，只有19點約123萬人收看，較上星期第二集少5點，即少了32萬人欣賞。

MrBeast

himching 發表於 14-8-5 11:17
套劇其實都ok, 但最最最最最最攞命係加入強國人拯救果段. 依家香港好似樣樣嘢都要靠亞爺打"九"先生存到.  ...

Hk 經濟來源是都要靠亞爺，以成事實，只是lei 個topic 較敏感，其實片中有交代個強國人是因為得到一個扶貧計畫幫助而令他可出人頭地（something like that)，所以落意幫助，我覺得是ok 的。

但其他情節就so tbb la:


編輯變記者
姚子羚對有米投資者講一兩句關於校長的事，之後就攞本magazine 叫人自己睇！大佬，我去買部幾千的電器, sales 叫我自己睇brochure 我會叫佢食蕉law.

judy

Hk 經濟來源是都要靠亞爺，以成事實，只是lei 個topic 較敏感，其實片中有交代個強國人是因為得到一個扶貧計畫幫助而令他可出人頭地（something like that)，所以落意幫助，我覺得是ok 的。

講到尾，都係報恩。你帮人，都係想人好。我都唔覺有問題。希望小學的學生有所成就，順道報恩，真係好老套，好粵語長片。真係唔合今時今曰嘅香港。

dolala

原帖由 judy 於 14-08-05 發表
講到尾，都係報恩。你帮人，都係想人好。我都唔覺有問題。希望小學的學生有所成就，順道報恩，真係好老套 ...

呢度有D人，逢中/逢TVB必反，其實又係黨同伐異！

dolala

強國富豪為了報希望工程之恩，回饋馬校長，都係報港人之恩啫，呢樣唔得個樣唔得，咁係咪拍D離地低能野至好？觀眾又話TVB冇腦兼麻醉觀眾啦。

社會題材，無論偏向建制定批判派，都會惹來一半觀眾反感，咁一般大眾傳媒工作者，如果要兼顧雙方觀眾，邊度敢拍？

himching

MrBeast 發表於 14-8-5 12:06
Hk 經濟來源是都要靠亞爺，以成事實，只是lei 個topic 較敏感，其實片中有交代個強國人是因為得到一個扶貧 ...

哈哈.. 可能之前已經知道依位校長事件, 亦知道佢兩個囡囡讀國際學校, 好似係ESF及佢太太係公務員, 所以生活都唔係太大問題, 個人覺得劇入面啲情節可能只係想加強"照顧家庭"及"回饋社會"有時會有衝突的, 事實上,有好多善心人都會面對依個現實問題. 對我個人來講,永遠都會好自私咁考慮家人感受先, 再諗去幫人.

之於強國果段, 心諗真係有啲"監粗嚟" , 點解唔搵本地地產佬良心發現, 幫佢一把呢?

dolala

原帖由 himching 於 14-08-05 發表
哈哈.. 可能之前已經知道依位校長事件, 亦知道佢兩個囡囡讀國際學校, 好似係ESF及佢太太係公務員, 所以生活 ...

不過希望工程比較出名，而又同助學有關嘛！

MrBeast

dolala 發表於 14-8-5 13:11
呢度有D人，逢中/逢TVB必反，其實又係黨同伐異！

如家長每件事情都不聽兒女意見，一意姑行，又強迫他們去學他們冇興趣的東西，那子女也必定反叛。

Zenia

MrBeast 發表於 14-8-5 18:04
如家長每件事情都不聽兒女意見，一意姑行，又強迫他們去學他們冇興趣的東西，那子女也必定反叛。 ...

早兩日飲茶先至聽到隔離檯D叔叔響度講話"做囝囡嘅緊係要問父母意見先啦, 父母唔同意梗係唔可以做啦, 到你話想點就點架咩?!".