點樣可以又返工、又keep到細路成績好、又唔駛比佢去補習

kenwong888

little_yolky 發表於 14-7-4 13:14
係呀, 乜都要啱啱好。

我大女就係咁, 個樣幾靚, 但又唔係好靚喎。讀書勤力主動, 但又唔係最叻喎, 好乖又聽 ...

Both IQ and EQ good is very difficult!
Moreover AQ is more & more important now!

fc926

真系因人而異,只能分享自己經驗.
幸運地,過去的一年是做到了,無補習,無上學術有關的課外堂,自己是有返工,小孩keep 到中上.
個人覺得,主要歸功之前間幼稚園教得好,教小孩自己喜歡和主動做功課,上堂專心,課程完全函接小學課程

sososu

ngpun

原帖由 maggieddie 於 14-07-04 發表
1，阿仔升小一 我即轉工 轉一份工作時間短啲嘅工 可以送到佢返學 接到佢放學
2，自少培養小朋友喜歡閲讀 喜 ...

我可以參考參考！非常Good! Thx!

siden

原帖由 kenwong888 於 14-07-04 發表
本帖最後由 kenwong888 於 14-7-4 10:55 編輯

全中

ngpun

原帖由 little_yolky 於 14-07-04 發表
所以我咪話要祈禱自己好命囉, 意思就係生個叻寶寶。

其實都睇樓主要求, 如果要小朋友考最top, 緊係 ...

小小要求啦，其實係咁嘅情況下，中上已ok了。我又不至於唔理，我的工作時間都唔長，7：00可回到家。問題是什麼方法可在中上的成績再幫到佢提升。

阿女在幼稚園時已習慣自己做功課，但總要唔識的功課，温書都要時間，又唔想佢無時間玩。資質係中上，其實如果佢有補品的話，都會去到頂果堆，不過我又唔想太吹谷，連親子時間都無埋！

siden

原帖由 Radiomama 於 14-07-04 發表
睇造化。
我細細個就鐘意閱讀、屋企沒有電視、阿媽返工、自己做功課、每晚9:00上床、無補習、中學年年考第 ...

你阿媽幾生修到。



真正難得好孩子

ngpun

原帖由 MrBeast 於 14-07-04 發表
要講讀乜小學才答到你。

學校谷谷地啦，我其實都未知，因為佢9月先正式小一。

ngpun

通常大同細都會係咁！我兩個女都係咁，不過我就細女受歡迎啲，因為佢多多一樣＞＞夠搞笑

little_yolky

ngpun 發表於 14-7-4 14:24
小小要求啦，其實係咁嘅情況下，中上已ok了。我又不至於唔理，我的工作時間都唔長，7：00可回到家。問題是 ...

俾個小小既個人經歷你。
阿女都係屬於一般資質, 但幼稚園教得好自律, 小學又係小功課愉快學習型。升小一時, 因為有功課堂, 大部份已在校做好, 回到家4:30, 6:00吃飯, 咁佢5:00前係換衫同發呆, 之後就做好所有功課同溫書, 6:30-7:00吃完飯後我回到家, 教佢唔識既功課(如有), 然後8:00-8:30上床, 7:00-8:00係執書包、沖涼、刷牙同學是非時間。我無check佢功課, 我同佢講, 乜都要自己理, 無帶書、無做功課你自己同老師講, 唔識可以問我, 但讀書果個係你唔係我, 阿媽好多嘢做好唔得閑的。

so far佢會自己管理好自己, 但成績係中上咁, 今次考試(筆試)前俾佢做咗10張worksheet, 攞咗100分！但係, 我唔要求佢做最頂, 佢自己會要求自己, 所以, 以後都無諗過會理。不過, 暑假呢啲長假期, 我就會set好時間表俾佢睇書同寫嘢, 唔好齋發呆咁。

女仔都幾好教的, 放心。

little_yolky

joanthony 發表於 14-7-4 15:39
我成日都話, 一年級學的大部份幼稚園都教過尤其谷的, 所以一年級成績好並唔代表小二小三都會好, 所以到小二 ...

你間幼稚園好勁架, 一年班啲中文真係深到無朋友喎, 幼稚園點會識。英文都比幼稚園深好多啦, 仲有九萬咁多科要考。小朋友要適應嘛, 點可能話小一嘢好淺學番幼稚園嘢, 所以考得好係應該, 要適應新學習環境都唔易啦, 全日制喎, 你估我哋小學時半日呀。唔好睇小啲小一朋友仔啦, 佢哋係好努力至做得好的, 係叻的。
大一年, 成熟咗, 又適應咗小學生活, 學嘢緊係多啲啦, 小朋友會進步嘛, 點會小一自律學習, 小二變咗追唔上啫, 課程循序漸進加嘛。
都係果句, 小朋友有需要、要求到就幫下手, 佢哋做到既就盡量俾佢哋做, 失手一兩次唔死得人, 升到班就得, 反正升中成績表小四先會睇, 仲大把時間。

yeeyeey2k

原帖由 little_yolky 於 14-07-04 發表
你間幼稚園好勁架, 一年班啲中文真係深到無朋友喎, 幼稚園點會識。英文都比幼稚園深好多啦, 仲有九萬咁多科 ...

齋靠幼稚園，語文呢方面真係識既一定好有限，如果父母有同小朋友閱讀，就好好多。

ngpun

原帖由 joanthony 於 14-07-04 發表
我成日都話, 一年級學的大部份幼稚園都教過尤其谷的, 所以一年級成績好並唔代表小二小三都會好, 所以到小二 ...

我覺得要睇吓係唔係去返間谷的小學囉！

朋友個仔讀黃錦輝，佢小一時中下，因為無被吹谷過，英文唔係好跟到，同班有st.cat的同學仔好勁，乜都勁。但到升小二之後，朋友的兒子已超越st.cat的同學，到現在都小四了，各科成績依然keep住比st.cat同學仔好。

當然是個別例子，不能以偏蓋全，都好睇各方面的因素。

但如果谷開，去返間谷的小學，可能會更加好。

Isaacmommy

哇，都好高難度。阿媽返工，小朋友要外出補習但keep 到成績好都收貨啦！ 好難完全自動波唔使理唔使補習又成績好架！

ngpun

原帖由 Isaacmommy 於 14-07-04 發表
哇，都好高難度。阿媽返工，小朋友要外出補習但keep 到成績好都收貨啦！ 好難完全自動波唔使理唔使補習又成 ...

所以我係度徵集意見囉

harukiya

不是個個小孩都可以同一樣方式。小孩子長大了，會明事理，所以要跟他說，點解要讀書，做功課，要考試....讀書/玩都要有。我兒子每天回家休息一會兒，做—些恆常温習，8:30與我一起做家課，他喜歡等我—齊做，約10才睡覺。上學期佢係好悪攪，但下學年，細心傾談後，已經改善好多，成績亦好好。要多讚賞，亦要告訴他已經長大了，要自己處理。

little_yolky

ngpun 發表於 14-7-4 16:28
我覺得要睇吓係唔係去返間谷的小學囉！

朋友個仔讀黃錦輝，佢小一時中下，因為無被吹谷過，英文唔係好跟到 ...

唔係的, 只需要有充份的中英閱讀, 加以引導就可以了, 唔駛操卷谷的, 小朋友就可以愉愉快快地跑上來了。可能你朋友好有心機教兒子, 陪閱讀。

little_yolky

Isaacmommy 發表於 14-7-4 16:36
哇，都好高難度。阿媽返工，小朋友要外出補習但keep 到成績好都收貨啦！ 好難完全自動波唔使理唔使補習又成 ...

最緊要睇下阿媽要求咩係成績好。
我成日話, 好感謝主, 我以前讀書無要阿媽勞氣, 所以依家囡囡都唔駛我理, 即你講既完全自動波、唔駛理唔使補習, 我覺得成績全級頭1/3以內, 可以了, 感謝主。
依家暑假, 同佢玩緊交換日記, 佢好鬼興奮。其實我目的係想佢寫下嘢。魔鬼阿媽！