普教中及廣教中，該如何決擇？

monsterparentss

回覆 little_yolky 的帖子

叫爸爸唔駛淌淚，呢一代嘅小朋友學語文，發音比我們果代精準好多，都係一件好事！

我囝囝都話我啲英文讀得難聽，真係想樁佢個頭。

little_yolky

monsterparentss 發表於 14-6-10 15:11
回覆 little_yolky 的帖子

叫爸爸唔駛淌淚，呢一代嘅小朋友學語文，發音比我們果代精準好多，都係 ...

阿囡同爸爸講：爸爸, 你普通話又難聽、英文又難聽, 我自己讀得喇, 唔駛你教我喇。爸爸好傷心。佢哋可能有NET 所以英文好聽過我哋果代人好多。

little_yolky

sonkhl  嘩，發達啦，唔駛教，應該開心唔係傷心。  發表於 1 分鐘前

爸爸好錫佢, 所以好難過。我都有教佢, 雖然係事實, 但都唔好講出嚟, 爸爸好難過的。

王家爸爸

little_yolky 發表於 14-6-10 16:11
阿囡同爸爸講：爸爸, 你普通話又難聽、英文又難聽, 我自己讀得喇, 唔駛你教我喇。爸爸好傷心。佢哋可 ...

很多年前，我仔都講我普通話和英文發音不正確，但我覺得開心。

little_yolky

王家爸爸 發表於 14-6-10 17:11
很多年前，我仔都講我普通話和英文發音不正確，但我覺得開心。

因為阿囝比爸爸叻, 所以爸爸好開心。

囝囝係爸爸的伙伴, 但囡囡卻是爸爸的情人, 不一樣的。

sora2013

廣中又好,普中又好...

讀到先係重點...

vincher

回覆 angela229 的帖子

普教中不能提升寫作能力，研究報告也有談及！另外，小儿小一至中二普教中，
寫作……吾不欲观之！<至多文筆流暢,句子冇口語>
还有，試想想国內來港那批莘莘學子……
如果係咁，佢地普通話頂呱呱，
理应寫作非常好！
非也！在乎有否配合阅讀……
仍是老生常談果句:
多讀、多寫吧！

如果任我选，小四可跳船的話，
我buy初小揀普教中，
高小揀广教中！

hadwinboy

我仔是普教中，暫時未見對造句有任何幫助！但已見一弊病，便是他很抗拒用廣東話讀課文，說不流暢不好聽，但其實當中好多字不懂廣東音。將來他真的不需要講廣東話嗎？

小凝`

hadwinboy 發表於 14-6-11 00:08
我仔是普教中，暫時未見對造句有任何幫助！但已見一弊病，便是他很抗拒用廣東話讀課文，說不流暢不好聽，但 ...

同意! 雖然普通話係愈黎愈普遍, 但始終用得著的地方有限.最簡單一樣野...係香港人但唔識講廣東話...真的是香港人?如果係去外國讀書n年, 返到黎hk, 講廣東話唔流暢, 都能體諒...
但依家身在香港學習, 竟然廣東話學不好......

識講流暢廣東話係香港人最基本的事!
(我中學時的NET teacher 來香港頭兩年,已學會一口十分流利的廣東話.
試問香港人又怎能沒一口流利的廣東話)

普通話有普通話堂,
英語有英文堂,
請問屬於香港人的廣東話中文堂應唔應該有呢?
有冇必要為學多種語言而減少他們接觸廣東話的機會?



到時子女只會跟自己說普通話,而自己就跟他們說廣東話? (感覺很怪?!)

angela1229

多謝大家嘅意見，經過同老師，老公討論及兒子的意願后，決定以小兒學得最舒服，最安心的母語學習，畢竟是孩子讀書，只要他開心學習便是了。普通話另外學吧！

chanwendy

angela1229 發表於 14-6-11 07:11
多謝大家嘅意見，經過同老師，老公討論及兒子的意願后，決定以小兒學得最舒服，最安心的母語學習，畢竟是孩 ...

點解要出去學普通話? 學校本身冇普通話堂的嗎? 有的話, 其實讀完六年應該都講得好架喎.

jojoplanet

angela1229 發表於 14-6-9 22:29
普教中及廣教中，該如何決擇？

當然是普教中啦...

Silverhawk

普通話好對寫作未必有幫助， 眼見兒子同學從小已請私人教授普通話， 幼稚園時已能說得非常流利， 小學亦是普教中， 但他的中文成績卻不理想， 中作亦很差， 能說不一定能寫。

Obiepapa

原帖由 little_yolky 於 14-06-10 發表
因為阿囝比爸爸叻, 所以爸爸好開心。

囝囝係爸爸的伙伴, 但囡囡卻是爸爸的情人, 不一樣的。

Cheeselover

老早指出中文好不好跟普教或廣教沒有關係，不如讓小孩快樂學習，效果更佳。

Vickymouse

我仔都可選普教中定廣教中，升小四，成績中上上上先可入普教中，但我憂慮選咗普教中，成績會下跌，要默書、聆聽、中文課都普教...，但排全級名次時都與廣教中一起排，驚跌得多，因冇家人識講普通話。5、6年班跌出band 1組別！！？可能憂慮太早、但唔想選錯！！ 學校有亞乜太太話之前全級第一名個位師兄在廣教中班。又想學得流利普通話。你哋會點選？