大抽獎問題?

HeiHei_Baby

回覆 cclbaby 的帖子

其實學校都好好, 有什麼教囝講座都會出通知比我,

睇吓我有冇時間參與, 其實有時上完D COURSE好似好合用,

但永遠套唔到落阿囝身上, 可能我自己EQ唔夠.

cclbaby

回覆 HeiHei_Baby 的帖子

咁學校都對你好好呀﹗加油吧﹗升中後, 都要與中學多加聯繫, 這樣學校才知你的須要﹗

HeiHei_Baby

回覆 cclbaby 的帖子

班主任都可以做到你SEND 條LINK 的方法, 亦非常包容及鍚佢,

但佢自己控制唔到自己情緒, 往往都要將最鍚佢的人傷害

所以我選鄧希望佢有多D愛心老師, 可以多D關注

chuma7778

其實統一派位係咪都係看小朋友的成績來分ranking再派?

cclbaby

回覆 HeiHei_Baby 的帖子

既然你喜歡鄧, 為何要聽老師提意改陳第一

HeiHei_Baby

回覆 cclbaby 的帖子

每個父母都希望自己的囝可入英中, 老師又話佢可以,  另外，老師亦有分析佢入鄧其它好與壞,

其實老公一早都想咁安排, 但我驚囝博唔到, 而老師又咁建議, 所以最後就咁決定,

但以家佢D行為真令我擔心, 頭一日考試冇考, 第二日考完試同佢坐的士返, 到12:30返屋企話食嘢返1:30補習,

到4時打嚟又話37.6度係唔係發燒, 頭幾次打嚟我都關心叫他多飲水, 涼個暖水涼,

再探已36.6度, 跟住佢就話打比補習老師佢發燒, 我問佢點解要打比佢, 你都補完習,

之後佢話冇去, 我火都嚟冇再同佢講電話。我返到屋企, 老豆叫佢做嘢已冇做, 成日話我地冇講過,

唔承認, 佢下午嚟同我講已沖涼, 返到屋企仲著住套校服, 當時我EQ已無晒, 我亦開始失控不斷用粗鄙說話,

今朝又唔起身, 起身後不斷重覆我尋晚講的粗鄙說話, 我都唔知點好, 我同DADDY亦因為管教上經常出問題,

我都唔知點做好。

cclbaby

你小孩的問題有沒有和醫生講？有冇和學校社工聯絡，看社工有冇辦法對策。
第一天冇考試，有冇向學校要求補考？
看情形，我也擔心你小孩上中學時會出問題。你要放鬆自己，唔好太緊張，如果你唔放鬆，我怕你影響身體！我明天問個FD，叫他試問佢仔學校的社工及醫生，看有冇辦法。但藥要keep 住食。

MariaTsui

回覆 HeiHei_Baby 的帖子

樓主的小朋友是否沒有考一科畢業試,可否補考???畢業試用來叩門,對邊緣學生很重要,萬一派得不好,叩門是最後機會.

MariaTsui

回覆 HeiHei_Baby 的帖子

從這段POST,我覺得小朋友的學習態度有問題.

可能小朋友經父母的催谷,有機會讀英文班,但上中學後,父母的影響力漸少,如果萬一跟不上,又不願補習,就很容易無心上學,這是我最不想看到的,樓主應該曾暑假好好收補親子關係,希望升中後大家有商有量.

MariaTsui

另陳記有直屬小學,請問樓主是否陳小的學生???

HeiHei_Baby

回覆 cclbaby 的帖子

有時我都想放鬆, 佢往往最鐘意攞你最緊張佢的嘢威脅你,

迫你就範, 我知我唔應該咁佢面前講粗言穢語, 事後我都好後悔, 亦知道佢會學我。

班主任同社工傾過尋日已比佢補考打9折, 佢以家好似放棄自己咁, 今日考數學要帶圓規,

佢話揾唔到就放棄, 永遠依賴人, 只顧睇電視，成日想攞返部手機, 但又唔做好自己。

醫生叫佢食藥上有份量多咗叫佢在時間又所改變, 佢又唔想在學校食另一次, 而家暫時照舊,

見學校社工還是其他。

HeiHei_Baby

回覆 MariaTsui 的帖子

其實我地唔太谷佢, 佢成日掛住打機, 睇電視, 比個兩樣嘢迷到乜到唔做,

完全冇時間觀念, 我地叫佢6:00PM到XX, 佢6:00PM先出門口, 到我地問佢

點解咁遲, 就會推缷責任話我地叫佢6:00PM 出問口, 係到講大話。

STee

原帖由 HeiHei_Baby 於 14-06-12 發表
回覆 cclbaby 的帖子

有時我都想放鬆, 佢往往最鐘意攞你最緊張佢的嘢威脅你,

阿囝有病，佢都唔想，其實冇人會想。如果佢唔想在學校食藥，但在家又會合作，有冇想過佢唔想同學知佢要食藥，如果係咁，可否低調地見社工，唔好迫佢同你一切去，首先揾到大家的相處方法先，迫係解決唔到問題的，如果得，現在就唔會咁。
小朋友喜歡打機，睇電視正常，因果道冇壓力，家長睇吓點協調。
如果以上不能接受，請見諒。

cclbaby

HeiHei_Baby 發表於 14-6-12 09:20
回覆 cclbaby 的帖子
有時我都想放鬆, 佢往往最鐘意攞你最緊張佢的嘢威脅你,

好彩學校比返佢考試, 9折都要接受, 如果唔係就冇分了﹗因有 d 學校唔比補考, 除非有病就另計。

而家你地唔好話佢住, 比佢用心考好個試先﹗其實你們真的要修補這關係, 帶他作親子活動。

另就快畢業了, 學校有沒有畢業典禮或謝師宴活動？如有, 你們可以利用這些活動多建立親子關係。

比佢有個開心的校園回憶吧﹗

單看你仔只是和你們出現問題, 在班上, 有沒有好的同學仔, 如有, 可以請他幫忙照顧一下吧﹗

今天考數學如何？佢冇帶圓規, 考試有冇影響？

藥是要吃的, 盡量按時吃吧﹗

喜歡打機及睇電視正常, 大人和小孩都會, 只要盡量控制, 如考試做功課時, 大家都公平, 不看不玩。

完成後, 大家才一起看及玩﹗看這個能否成功﹗

HeiHei_Baby

回覆 STee 的帖子

我有放藥放係班主任到, 但有時佢太遲食, 班主任建議食埋返學,

但最近覆診時同醫生講, 佢到晚上7-8行為比較有問題, 同埋本身分量與體重不成正比,

因以前是30MG早上食, 現在試在早上食20MG, 中午食20MG, 就可以時間長D,

但囝囝就唔想食中午嗰次.

HeiHei_Baby

回覆 cclbaby 的帖子

所以我話佢班主任都好鍚佢, 幫佢爭取.

圓規我幫佢揾到.

有時我都想陪佢, 但佢唔想我在身邊.

我陪佢學小型網球, 話在場睇, 佢話我係到就唔打

cclbaby

HeiHei_Baby 發表於 14-6-12 17:50
回覆 cclbaby 的帖子

所以我話佢班主任都好鍚佢, 幫佢爭取.

這位班主任真係好好﹗好的班主任真難找到﹗真係要比個 like 佢先﹗

佢唔想你陪佢, 就因為你們以前的感情出現問題, 所以要比時間建立返。

如參加學校舉辦的大型活動, e.g. 畢業典禮..... 人多而且有老師係度, 到時佢唔會唔比你在場啦﹗

也可說些祝福說話,  如恭喜你畢業啦﹗希望你入到心儀中學........

慢慢來, 條路係難行, 但難行你都要行﹗


現在好好比佢考埋個試先﹗

HeiHei_Baby

回覆 opclk 的帖子

佢食更R長效20MG, 加鍚紙10MG,

在早上一次過食30MG, 原先早上佷可在12時前定D,

但在晚上4時左右藥力開始減慢亦做對抗性行為,

所以覆診時做醫生商量及其磅數, 可進40MG, 醫生嘗試早上20MG,

中午20MG, 阿囝就唔常食中午嗰次, 暫時還是維持30MG

HeiHei_Baby

回覆 cclbaby 的帖子

可能我陪佢時, 見到佢唔認真學習態度, 我會露出不悅, 亦可能咁佢唔想我在場,

其實, 我真的想輕鬆面對佢, 但又驚佢會影響其他的人, 所以我會好在意佢每做一件事,

亦在未比人出聲前話佢, 反而另到佢唔舒服, 唔知我是否已入了怪獸家長行列。