上play group

legolas625

我在13個月起帶阿仔上playgruop，上左5個月，佢表現差，我好唔開心喊，後期叫老公帶，因為我頂唔順。我好早帶阿仔去政府評估，而家阿仔上緊協康個別特殊幼兒導師，520蚊一堂，都有幫助，而家阿仔20個月，開始識聽少少指令，6月上醫院職業治療，8月上e位，再等s位。

我建議你暫時不上普通playgroup，可以帶佢先上單對單的特殊幼兒導師，等佢習慣下做task，老師亦可俾d評語及意見你，對症下藥，教你點教呢類小朋友。同埋佢地見呢類小朋友多，會話到俾你聽小朋友嚴唔嚴重，例如佢話我個仔眼神係差，望人唔耐，但對人其實有興趣，社交唔差，學野快易教，而醫生只係接觸你小朋友好少時間，根據評估計分表講。至於學習和小朋友相處，你可以帶小朋友去多d遊樂場，約親友的細路一齊玩。

至於排期等政府，如果真無唔知幾時，而有經濟能力，可以去私人評估，早d排e/i/s位，不過唔係政府做評估，就好似無醫院sp, ot, pt。

我地一齊努力，你並不孤單。

西瓜貓

哇，好開心，恭喜你小朋友攞獎！
尤其係治好左有進步更加抵讚！我相信你一定下左好多功夫落小朋友身上！
我講下我囝，佢除左去公園會主動四圍行之外，其他任何地方都唔肯行⋯⋯行兩步就唔比我拖，舉高手要抱，如夾硬拖住佢隻腳放軟唔行，比佢自己行就永遠唔會跟我行，叫極都唔聽，唉⋯見你話小朋友有進步我都好想比佢上下呢D堂

西瓜貓

原帖由 babecat1 於 14-05-05 發表
自閉/疑似自閉/正常的小朋友，全部都有

Thx!

西瓜貓

原帖由 mckm2007 於 14-05-05 發表
你小朋友幾多歲？playgroup 每堂上幾耐？，你可試下唔好上足成堂，慢慢加長時間，等佢慢慢適應。坊間有唔少 ...

其實我知佢太恐懼，已經唔敢返太多，一星期一次，每次一小時咋⋯但佢一見到課室即刻放軟腳扭計

西瓜貓

原帖由 misshk12 於 14-05-07 發表
本帖最後由 misshk12 於 14-5-7 12:05 編輯

回覆 西瓜貓 的帖子

多謝你！只有喺呢度先可以暢所欲言，因為大家都明白比此心情

西瓜貓

原帖由 legolas625 於 14-05-07 發表
我在13個月起帶阿仔上playgruop，上左5個月，佢表現差，我好唔開心喊，後期叫老公帶，因為我頂唔順。我好早 ...

你小朋友聽得明指令証明上堂真係有用，由13個月起就開始訓練BB，相信你都花左好多時間喺佢身上同佢訓練，好多謝你鼓勵我，Thx~
我比你更差，上左兩堂已經頂唔順，好彩老公肯代我同小朋友上PG⋯自己個囝喺堂上同其他小朋友及家長格格不入真係好難受，又怕小朋友不停喊影響到人地，想問下邊度有單對單的堂可上？

mckm2007

協康，基教，邁步，樂天，領思，耀能等，都有個别訓練的。

Pekkle1214

回覆 西瓜貓 的帖子

我仔係2歲健康院轉介做評估，因我同醫生講自己上過感統訓練同言語治療，所以佢驚可能有輕微自閉，不過私人職業治療師同言語治療師話佢地接觸嘅自閉童，覚得佢唔係。
政府到5歲先做詳細評估，我都冇想咁多，自閉只係一個名詞，最緊要係小朋友行為：
我仔中英文認字，串字都高於佢年齡，4歲已識加減混算，老師治療師話佢好受教，話唔得佢就唔會做，唔固執，報任何興趣班都自己乖乖上堂，中英文寫字老師話靚過同齢小朋友。搭飛機去旅行都四五次了，完全冇扭計。

就算評估話自閉又有咩所謂，只要佢照顧到自己，唔騷擾人，唔傷害人已經足夠

西瓜貓

好羨慕，你仔仔好聽話，仲好叻！
我仔A-Z完全唔識，所有顏色都唔識，係數12345先望住我，但唔講淨比佢睇都係無反應，基本上所有學術性嘅佢係一樣都唔識，唉

Pekkle1214

回覆 西瓜貓 的帖子

其實我仔2歲5個月先講單字，同一時間仔嘅一個媽媽護士叫我食smart fish 同369油，我唔知有冇幫助，不過我一路食到現在，老師同校長成日同我講阿仔嘅進步超出佢地預期好多倍，希望呢個分享幫到你啦

Vichang

原帖由 Pekkle1214 於 14-05-07 發表
感統：感覺統合
仔嗰時唔肯行返轉頭，只可向前行，否則大喊，人多，黑暗地方又驚，去沙灘又大喊。上了3堂感 ...

我個仔train 左成年OT 行路永遠都唔肯返轉頭，一定要直行。

Vichang

原帖由 legolas625 於 14-05-07 發表
我在13個月起帶阿仔上playgruop，上左5個月，佢表現差，我好唔開心喊，後期叫老公帶，因為我頂唔順。我好早 ...

媽媽你好叻，咁早帶囝囝上training... 我個仔快3歳，終於排到S 位，8月返學。

Vichang

真係喎，唔洗帶佢上pg... 協康會青蔥計畫有個由pg 叫My First Step.. 好好㗎，$180/堂好多嘢學同玩，係針對我哋呢類小朋友嘅。

西瓜貓

原帖由 Vichang 於 14-05-08 發表
真係喎，唔洗帶佢上pg... 協康會青蔥計畫有個由pg 叫My First Step.. 好好㗎，$180/堂好多嘢學同玩，係針對 ...

唔該你！你唔講我都唔知有呢種堂上，我去問下先

西瓜貓

請問你小朋友食果兩種補充品邊度有得買？

Pekkle1214

回覆 西瓜貓 的帖子

Smart fish : 萬寧都有，不過貴D， 上返smart fish 個網訂平D仲送貨，可叫佢寄試食裝睇下仔仔食晤食先買
369油： city super 有擺counter 賣

Pekkle1214

回覆 Vichang 的帖子

治療師點講？我仔嗰時三堂左右自己冇左呢個行為，而家去沙灘仲好開心，迪士尼降落傘都玩到
嗰時上左5堂已經話冇哂問題、驚佢返轉頭先join 多5堂穩陣D，到後期每堂15分鐘感統，15分鐘小肌，唔知係咪咁老師話佢寫字 no.1

我個治療師係資深治療師，朋友介紹，比普通嘅貴少少，但我寧願比貴少少唔好錯失黃金期

Vichang

原帖由 Pekkle1214 於 14-05-08 發表
回覆 Vichang 的帖子

治療師點講？我仔嗰時三堂左右自己冇左呢個行為，而家去沙灘仲好開心，迪士尼降落傘 ...

我個治療師似乎冇你嗰個咁好，可能我個仔太多問題啦，執佢固執行為都用左幾堂（因為入到OT 房佢唔係樣樣肯玩）。仲有肌張力低.... 不過我都好有興趣想知你個OT 資料呀。

Pekkle1214

領思顧姑娘，可電話描述，佢都會比意見

東東公主

她在灣仔或是佐孰？