DSE中文低過3可酌情讀大學

ANChan59

原帖由 小彬彬 於 14-04-25 發表
其實有咁多大學酌情處理中文科, 應該考慮把中文最低要求改為2, 咁學生唔洗去叩門, 大學又唔洗運用酌情權,  ...

到時中文酌情會降到1。

JustAParent

原帖由 小彬彬 於 14-04-25 發表
其實有咁多大學酌情處理中文科, 應該考慮把中文最低要求改為2, 咁學生唔洗去叩門, 大學又唔洗運用酌情權,  ...

不知是否真係"咁多", 如果係，呢Ｄ叫陽奉陰違，無規無矩；有學生不達標索性降低要求，叫本末倒置。

Artie

看 link 的內文，有一個學生，冇去過叩門都有學位，咁係唔係怪 d 呢？

ANChan59

Artie 發表於 14-4-25 15:31
看 link 的內文，有一個學生，冇去過叩門都有學位，咁係唔係怪 d 呢？

我上面講咗，大學及學院知道 4C＋2X或1X，收生是唔得掂，所以酌情收d英文及選修勁的學生。你都見到，個個英文唔錯，選修強勁。

Artie

ANChan59 發表於 14-4-25 15:56
我上面講咗，大學及學院知道 4C＋2X或1X，收生是唔得掂，所以酌情收d英文及選修勁的學生。你都見到，個個英 ...

咁明明話 3322 架。
大學收學生一定係咁，講好係就係，唔可以話連 minimum  冇都收。
一係學美國大學，唔講到明佢地收幾多分，一切靠估，咁就冇人質疑佢係唔係酌情。

小彬彬

Artie 發表於 14-4-25 15:31
看 link 的內文，有一個學生，冇去過叩門都有學位，咁係唔係怪 d 呢？

會唔會電腦或者人手出錯? 中文2當3

ANChan59

回覆 Artie 的帖子

一係學美國大學，唔講到明佢地收幾多分，一切靠估，咁就冇人質疑佢係唔係酌情。

********


我不認為是公平及合理的做法，到時要靠多元比拼排序入學，家庭背景更加重要，班家長更嘈得犀利！

MC1128

在大學酌情收中文不夠3級的學生這個大題目下,其實,我更關心,點解學生考不到3級?



這裏討論的家長,有經歷過會考和高考,是本地升大學嗎?


我是八十年代中會考,就我記得,當年中英合格才可升中六。升中六後,英文UE必修,反而中文不用必修。另我記得有同學會考數學肥咗,雖然是文科生,但要自修再考會考的數,話升大學時,中五的數肥咗都有影響。事隔已久,記憶模糊,唔知當年的理解是否有錯。

換言之,當年的大學生,至少中文會考要E,才可升大學,以現時考評局的對照,即等如DSE考獲2級。所以,我的年代,讀理科上大學,即使最頂尖的醫科生,部分人的中文能力並不算高,只有E便可以了。但當時社會上,大家對此制度並無很大意見,亦不聽見有人叫苦連天說被中文累得無大學讀。

後來,大概覺得大學生中文水平不能太偏低,AL必考中化(中國語文及文化),我沒有第一身經歷,但好像也聽不到很大反對聲音。

話當年一輪,其實想講,今時今日香港,要求大學生中英文水平兼備,一點也不過份。問題是,那個基本水平是如何定?高中文憑課程的中文科,是否設計得宜? DSE的中文考核方法,能否有效識別學生的中文水平?

小女唸初中,學校算是第一組別,但她個人對中文的興趣弱,能力不高。我好奇,放諸全港,她的中文能力大概處於甚麼水平?

暫時看阿女的中文課程設計及教授方法,與我的初中時代並無兩樣。但我相信,隨着升高中,情況應該有變化。

我亦留意DSE的考核方法,寫作卷看了三年的題目,雖然坊間議論紛紛,我卻覺得問題不大,但最多人關注,是作文被認定離題即死,實情如何?真係要改卷那位及考生自己才知。我無能力改卷,但做考生應該可以的。將來,若試過後,再分享。

閱讀卷,看了三年題目,文言文由第一年超難,到今年,感覺考評局有一點改善。最大改善是將引入範文,對小女而言是喜訊。將來她讀得如何,有無機會改善中文學習,有機會再分享。

剩下的綜合能力,聆聽,口試,我讀書時代沒有經歷過。初步感覺是,傾向實用角度運用中文,而非考核中文或中國文化水平。

既然揀了本地學校,揀了本地學制,打算考本地大學,。就要好好讀書,了解一下如何應付這個考試制度。

ChiChiPaPa

原帖由 ACE2126 於 14-04-27 發表
科科爆燈，衰中文要求情，唉，可惜可憐

英文科，應該不會出現校內Predicted Grade係4，而結果是2。但中文科出現這情況，我想是很常見的，因中文考試並不太可靠。

小彬彬

"但最多人關注,是作文被認定離題即死,實情如何?"

或者我可以用我所知的實例解答你這個問題, 小兒讀band 1 中間英中, 學校mock 中文拿c, 大概等於dse 4左右, 但dse  只考到2, 其中一個主因是作文只考到 1(另一個主因是閱讀做漏一頁), 小兒考試之後巳知離題, 小兒有查卷, 最後作文也是 1, 為了應付重讀再考中文, 佢買回自己的考卷, 我也有看過他的文章, 基本上沒大問題, 拿1的原因便是離題

同校另一個中文成績一向優異的同學學校mock 拿A, 其中作文卷也是A, 大約等於dse 5*/5**左右, 最後dse 只考到4, 主因也是作文離題, 拿了一個U, 以這位同學一向的表現, 寫作文筆是很優秀的, 拿了U和文筆無關, 主要也是因為離題,

小兒和他這位同學是作同一題目, 據統計這條題目是最多人離題的, 結果小兒和他的同學一個拿1, 一個拿U

MC1128

小彬彬 發表於 14-4-27 19:54
"但最多人關注,是作文被認定離題即死,實情如何?"

或者我可以用我所知的實例解答你這個問題, 小兒讀band 1  ...

多謝你的資料。

我正嘗試了解DSE中文科是怎麼一回事。

samsam123321

其實以前會考都會因離題而低分。關鍵係你可以重考。唔好吹到現在的dse 係超難。好多學生以前會考完已經要byebye ,入唔到大學。以前得10幾個%學生入到大學。現在個個都有得考dse,當然會有80%人會覺得中文難。家長睇dse 中文唔識答，只因為以前重點唔係文言文，但既然現在已經知道中文重點係考咩，學生想要高分就應該去解決唔識文言文的問題。
其實dse 最大的問題係全体學生都考，如果只是20%精英學生去考，就唔會有問題。

MC1128

samsam123321 發表於 14-4-27 20:28
其實以前會考都會因離題而低分。關鍵係你可以重考。唔好吹到現在的dse 係超難。好多學生以前會考完已經要by ...

其實,文言文真是導致達不到3的重點?


我粗略估計,中文科全卷中,文言文只佔十分細的比重

ANChan59

MC1128 發表於 14-4-27 20:42
其實,文言文真是導致達不到3的重點?

之前有網友計算過，7-8%而己。

ANChan59

MC1128 發表於 14-4-27 20:08
多謝你的資料。

我正嘗試了解DSE中文科是怎麼一回事。

瞭解完，如果方便，分享吓！

October.

MC1128 發表於 14-4-27 20:42
其實,文言文真是導致達不到3的重點?

文言文只占整個中文科6%的分數, 影響不了大局.